بالنسبة للمعدل !!!

[R-Kh]

انا احكيكم قصتي مع المعدل
في ترم من الاترام السعيدة ، تاني ترم ليا فالجامعة ، اخدت 3 مواد بس
فيزياء(4 ساعات) و ماث 2 (4 ساعات) و مهارات اتصال (3 ساعات)
لانو عندي فوبيا من الماث
المهم
اخدت فـ الماث b , طبعا بعد تفحييييط
والفيزياء a+
والمهارات a+
ارتفع معدلي الحمدلله
//
جينا الترم اللي بعدو
اتخصصت وبدأت رحلة الشقاء
وبدأ المعدل ينزل
//
الترم اللي بعدو
اخدت 17 ساعة
واغلبها مواد من العيار التقيل 4 و3 ساعات ، قلت اجرب
وشديت حيلي فيهم
ارتفع المعدل
//
خلاصة التجربة
لو كانت المواد 3 و 4 ساعات
وجبتي فيها درحات حلوة ترفعلك المعدل
اما مواد الساعتين مو داكا الشي تنزلك المعدل زي الـ 4
//
يعني تبغي ترفعي معدلك
خدي مواد بـ 4 و 3 مع كم مادة سهله حرة ولا اختيارية 3 ,2
يرتفع ان شاء الله
..
انا دا سار نهجي في جدولي
اخد مواد 4 و 3 ساعات و مواد ساعتين
والحمدلله ماشي حالي
//
الله يوفقكم يارب
..
:)

[مياسة العود]

اخدت ماده ساعتين من مواد التخصص الجامده
مع ماده ب4 وثقافه وماده بساعتين اختياريه
دي الماده ام ساعتين طيحت المعدل طيحه بطاله كأني ماجبت درجه كويسه في باقي المواد
ونظريتي تقول لو كنت اخده ماده خامسه كان ما تأثر المعدل
أوحذفت ماده من مواد الساعتين وحطيت ام 3 ساعات

الترم الجاي حأخاطر بالمعدل
راح احط 3 مواد بساعتين
ماده بأربعه وماده بتلاته
وبشوف النظريه تثبت صحتها
لكن نأمل اني ما انكرف او انضغط واحافظ على نشاطي بالمواد وما اطيح ابو المعدل

[R-Kh]

شوفي انا دا الترم
اخدت مادة 4 ساعات
ومادة 3 ساعات
و 5 مواد ساعتين
ومادة بساعة
//
ممممم
الى الان ما طلعت الدرجات
بس اني شديت حيلي فيهم ما عدا وحدة من ام ساعتين متوقعه اني جايبة العيد فيها =(
خليني اشوف ايش حيسير فـ الاخر واقولك
..
:)

[بيو كيميائية ^_^]

أنا لازمـ كل ترمـ تطلع لي مادة سيئة

حتى لو كانت عارفة وفاهمة بس الدرجة ماتطلع شيء

أو أني أكره المادة وأحس مافيه فايدة

وشوي وأيأس من المعدل

الترم الجاي ناوية أنزل

أيض 2 وتغذية ومايكروا وثقافة 1 وكيمياء عضوي وإحتمال كيمياء حيوية غير عضوية أو مادة حرة

تتوقعون يرتفع المعدل واجد وإلا شيء بسيط

حلمي أوصله 4ونص بس شكله مافيه أمل

[روح الغلا]

انا اديكم خلاصة تجربتي
اذا فيكم شدة خدوا 16 و17 ساعة وشدو حيلكم حتلاقون المعدل ياخذ ارتفاع روووعة حتى لوكان عندك b,b+
اكثر من لو اخذتو ساعات قليلة وجبتوا فيها a+ كلها
اخر سنة يثبت مايتحرك واذا تحرك ببطء حتى لو اخذتي المواد كلها a,a+و واحدة بس b , واحدة b+
وبالتوفيق

[Mora]

دآ برنآمـج لحسآب آلمعدل ,,

آول شي تختآري معدلك من 4 ولآ من 5 ,,,, طبعآ آحنآ تنحسب من 5

تحطـي عدد آلسآعآت آللـي عديتيهآ ,, معدلك آلترآكمي آلآخـير ,,

و آلموآد آللي حآبه تضيفيهآ و عدد سآعآتهآ مع آلدرجـه آلمتوقعـه لترمك آلجديد عشآن تعرفـي دآ الترم كم حتجيـبي فيلو

بآلتوفيـق ..

[R-Kh]

أيض 2 وتغذية ومايكروا وثقافة 1 وكيمياء عضوي وإحتمال كيمياء حيوية غير عضوية أو مادة حرة

حتجني على نفسك من جد :|
ايض 2 حتاتج جهد مرررة كبير ، تغذية : اسئلة د.مديحة غنية عن التعريف ، ثقافة يمشي حالها , عضوي : عمرو محد مدحها ، غير عضوي :ما يحتاج اقولك انو كلنا في دي المادة يالله نفتك
//
ما ابغا اخوفك
بس اعيدي النظر
..
:)

[بيو كيميائية ^_^]

المشاركة الأصلية كتبت بواسطة r-kh حتجني على نفسك من جد :| ايض 2 حتاتج جهد مرررة كبير ، تغذية : اسئلة د.مديحة غنية عن التعريف ، ثقافة يمشي حالها , عضوي : عمرو محد مدحها ، غير عضوي :ما يحتاج اقولك انو كلنا في دي المادة يالله نفتك // ما ابغا اخوفك بس اعيدي النظر .. :)

توقعت

يعني أيض 2 أصعب من أيض 1 مثل ماتوقعت

والله ماأعرف د.مديحة

والعضوي أبي آخذهـ عشان أفتك

الغير عضوي خلاص ماراح آخذهـ إلا على آخر شيء عشان لايتأثر المعدل

والثقافة لابد منها

والمايكرو أتوقع مو مرة صعبة

طيب شنو تنصحينا من مواد وبحيث ماأتأخر

عشان في الصيف أبي اقرأ عن كل مادة وآخذ معلومات عنها حق لاأتعب في المذاكرة

[هالا]

ربي يوفقنا جميعا وماقصرتو للأسف معدلي نازل اوووووووووووووف

[NoNa al7ellwa]

احس كل كلامكم اختصار لكلامي :p

المهم الله يوفقك الجميع

بنات مستوى سابع و ثامن .. عندي سؤال .. لو وحده معدلها زباله و جابت في المستوى الثامن كلوو b مثلا تتوقعو يرتفع معدلها ؟؟