طالبه علم نفس تستنجد بكم ياقوووووم

[منتسبة وبس]

يسعد مساكم انا طالبه علم نفس وان شاء الله هادا السيمستر تخررررررررررررررج
في مكان تدريبي مطلوب تكون خطتي الدراسيه بالانجلش لانه الدكتور المشرف اجنننننبي وانا داخله ع الله ثم عليييكم الفزززعه
ممكن تترجموها الله يسعدكككككككم وحنزلها هنا لعل وعسى الاقي مجيب

[LeLou]

و مساكِ يا رب..

قبل لا أبدأ في نقطة أبغى أقول لك عليها،،
بعض الأحيان المواد العلمية لها اسم معين..
يعني في كلمة لها مرادف ما ينفع تحطي المرادف دا لازم تستخدمي مصطلح أو كلمة معينة ((أتمنى تكوني فهمتي النقطة دي))..
صعب احنا نترجم بعدين يطلع اسم المادة المفروض يكون شي ثاني..

أنا عندي لك حل و إن شاء الله يزبط معاكِ..
ادخلي على الأوديس الإنجليزي:
هنا:
https://odusplus-ss.kau.edu.sa/PROD_...bis.P_ValLogin

بعدين روحي على:
student / registration / course selection query
دا بحث الشعب الدراسية :)
دخلي رمز علم النفس PSY
اختاري اي فصل دراسي ما يهم..
و سوي بحث عادي بس لا تحطي أي خيارات عشان تطلع لك الشعب كلها..
راج تجيكِ القائمة بكل الشعب عند الأولاد و البنات بعضها عربي و بعضها إنجليزي..
خذي اسم المادة بالإنجليزي..

شوفي المرفقات..
211 في انجليزي و في عربي..
الانجليزي اسمها Introduction to Psychology..


ملحوظة: المقرر الحر اسمه Free course
المقرر الاختياري Elective course..

الأوديس الانجليزي أحيانًا ما يفتح في الفايرفوكس لو ما فتح معاكِ غيري المتصفح..

موفقة||~

[LeLou]

توني جربت متصفحاتي..

فتح في Opera next , Google chrome
بس ما فتح في Internet explorer, Firefox

إن شاء الله يفتح معاكِ..
تقدري تفتحيه من الجوال أو التاب إذا حابة..

و أعتذر منك على تأخري في الرد..
موفقة||~