InstagramTwitterSnapChat


 
وصف

العودة   منتديات سكاو > الكليات الجامعية > منتدى الكليات الطبية > منتدى كلية طب الأسنان
   
   


عيادات طب الاسنان

منتدى كلية طب الأسنان

إضافة رد
 
أدوات الموضوع إبحث في الموضوع انواع عرض الموضوع
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
  #1  
قديم 05-10-2010, 09:13 AM

moony.too moony.too غير متواجد حالياً

Hope for the best and use

 
تاريخ التسجيل: Dec 2009
الكلية: كلية الآداب والعلوم الانسانية
التخصص: تاريخ
نوع الدراسة: متخرج - انتساب
المستوى: متخرج
البلد: جــــدة
الجنس: أنثى
المشاركات: 31
افتراضي عيادات طب الاسنان


السلام عليكم
المستشفى الحكومي بجامعة الملك عبد العزيز
لما انا ابغى افتح ملف لازم موعد وإلا ادخل على طول
كيف شغلهم (مشاكل اسناني كثيرة ) ومليت من الخاص
..................................................
مرة رحت المستشفى (عيادات الاسنان ) دخلت جو المكان مكشوف على بعضه مو غرف خاصة
هو ه كذا بس ابغى اعرف
نقرتين لعرض الصورة في صفحة مستقلة
رد مع اقتباس

 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 05-10-2010, 09:41 PM   #2

Dr~NanoOok

الصورة الرمزية Dr~NanoOok

 
تاريخ التسجيل: May 2009
كلية: كلية طب الاسنان
التخصص: Dentistry
نوع الدراسة: متخرج - انتظام
المستوى: متخرج
البلد: جــــدة
الجنس: أنثى
المشاركات: 1,171
افتراضي رد: عيادات طب الاسنان


المستشفى الحكومي بجامعة الملك عبد العزيز
لما انا ابغى افتح ملف لازم موعد وإلا ادخل على طول
تدخلي مبنى العيادات .. وبالدور الأرضي على يمينك لما تدخلي
حتلاقي قسم الاستقبال للمرضى الجدد

حيطلبوا منك تعبي بياناتك في ورقة.. و صورة من بطاقة الأحوال أو بطاقة الأحوال (أي هوية)
و يعطوكِ موعد

كيف شغلهم (مشاكل اسناني كثيرة ) ومليت من الخاص


لأننا مستشفى تعليمي.. فأغلب اللي بيعالجوا هم الطلبة
وبالنسبة لمستوى الطلبة.. فالحمدلله وبشهادة الدكاترة وكتير من المرضى اننا ممتازين

لأننا بندرس وبنتدرب على الشي مرات كتيره
و على شغلنا للمرضى تكون عليها درجاتنا
فأكيد كل واحدة حتعمل أفضل ما عندها.. عشان لا تنقص في الدرجات
و الأهم طبعا انها تهلص النية لله.. وبكده ربي يسهلها ويعطيها على قد نيتها إن شاء الله

ودحين صار عندنا نظام جديد مره حلو
كل مريض حنعالجه من البداية إلى النهاية وبكل اللي بيشتكي منه
و حيمّر على طلبة سنة رابعه وخامسة وسادسة و الامتياز
وممكن الاستشاريين نفسهم اذا احتاجت الحالة

وبكده يكون المريض حصل على أفضل رعاية من الكل.. وبكل تخصص فيهم
مرة رحت المستشفى (عيادات الاسنان ) دخلت جو المكان مكشوف على بعضه مو غرف خاصة
هو ه كذا بس ابغى اعرف
في عيادات مقفلة.. وعبارة عن غرفة
والبقية عيادات مفتوحة

لكن قسم الحريم لوحده.. والرجال لوحده
وكده أريح في الشغل وعادي

 

توقيع Dr~NanoOok  

 

 

Dr~NanoOok غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 12-11-2010, 07:59 PM   #3

رسالة صمت

أم خــالـــد

الصورة الرمزية رسالة صمت

 
تاريخ التسجيل: Nov 2010
التخصص: ام خالد الله يصلحه
نوع الدراسة: ثانوي
المستوى: منسحب
الجنس: أنثى
المشاركات: 2
افتراضي رد: عيادات طب الاسنان

السلام عليكم ورحمة الله وبركاته
اعذريني الكلام الي راح اقوله نسمعه من الناس المجربين عندكم

طيب انا عندي ملف كنت اراجع بحملي فالمستشفى
بس الحين نفسي اراجع اسنان
الي نسمعه
1/انو المواعيد مو شرط اوصل الين المستشفى وادخل ممكن تقولولي معليش الدكتوره ما جات ولا ماعندنا امكانيه او او او
2/ماتعطون بنج والالم الله الله عليه
3/انفسكم خايسه وماتحبون احد يناقشكم
4/مواعيدكم بس الصباح الين 11
لازم نجيكم من 4 الصبح عشان نقدر ندخل


والله هذا الي نسمعه وانا عني ماقد جربتكم
طيب انا الحين عندي ضروس العقل 2 الي تحت لها امكن 10 سنين وهي تبي تطلع>>>>تتغلى علي
لو خليته فيه منه اضرار
وقالو لازم قلع؟؟؟ >>>>اخخخخخخخ
رحت شلت عصب لضرس وسن بس ماحشيته دايم والموقت طاحت واحس بالم يعني العصب لسى؟؟؟


طيب اذا حبيت اجي اراجع لازم افتح ملف جديد ومتى اجي وميهم يجي زوجي بس ياخذ موعد بعدين اجي انا عالموعد
لانو عمل زوجي يحاسبونه عالساعه ومايطلعونه بالساهل وكم انحسنا فمراجعات الحمل


معليش طولت عليك دكتوره

 

رسالة صمت غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 12-11-2010, 09:41 PM   #4

مَـزٍآج ..}..

طبيب امتياز :)

الصورة الرمزية مَـزٍآج ..}..

 
تاريخ التسجيل: Jul 2008
كلية: كلية طب الاسنان
نوع الدراسة: متخرج - انتظام
المستوى: متخرج
البلد: جــــدة
الجنس: ذكر
المشاركات: 2,544
افتراضي رد: عيادات طب الاسنان

اسمحيلي اختي اجآوب على كم تسآؤل لكـ


طيب انا عندي ملف كنت اراجع بحملي فالمستشفى
بس الحين نفسي اراجع اسنان
الي نسمعه
1/انو المواعيد مو شرط اوصل الين المستشفى وادخل ممكن تقولولي معليش الدكتوره ما جات ولا ماعندنا امكانيه او او او
صحيح الموإأعيد تكون بين فترإأت طويله .. ولكن ادآ جيتي في موعدك رإأح تدخلي على الدكتور
مبآشره وان حصل مره تأخير فـهدي حاله فرديـه مآ يصير نقيسها على الجميـع !!
وان كآنت على الموإأعيد المتبآعده عن بعضهـآ ..
اظن الدكآتره والطلآب مآ يتحملون هالشئ .. الكرإآسي محدودهـ والمرضى كثيريـن !!


2/ماتعطون بنج والالم الله الله عليه
يآ إأختي مسستحيل مآ يعطي بنج ادآ الحاله تحتآج بند !!!

يعني بالله كيف راح يشتغل .. خصوصا الآلآم الأسنان معروفـه ..
مسستحيل يشتغل بدون بنج !!
وممكن عندك لبس في الموضوع .. على سبيل المثآل
بعض النآس مفعول البنج مآ يأثر فيه بدرجه كبيرهـ
السبب انه يكون من محبين الشآي والقهوهـ الي تبعد مفعول البنج . .
بالإضآفه خوف المريض نفسه من طبيب الأسنان .. صدقيني له دور كبير في الألم !!
لكن مآ يقدر احد يثبت انه تم علآج حاله بدون بنج ادآ الحاله محتآجه البنج !!


3/انفسكم خايسه وماتحبون احد يناقشكم
!!!

حاله فرديـه لآ يجب قيآسها على الجميـع ..
ع العكس تمآماً .. زي مآ قآلت الدكتوره معآلجه المريض من ضمن درجآت التخرج للطآالب
فالطالب يحرص على معآمله المريض بأحسن وارقى معآملـه ..
وإن تم عكس دلك .. فحاله فرديـه ..
ومن حق المريض يسأل الدكتور .. ولكن يآ اختي فيه نآس معآملتهم صعبه جداً ..
ف لآ تقيسي الأمور بحاله فرديـه !!


4/مواعيدكم بس الصباح الين 11
لازم نجيكم من 4 الصبح عشان نقدر ندخل
امور ادإأريـه كـ دكآتره لآ نتحمل ادنى مسؤوليـة ..
وصحيح الموإأعيد صعبه .. والأسبآب دكرت .. الكرإأسي محدودهـ
والمرضي بأعدإأد كبيره جداً !!



والله هذا الي نسمعه وانا عني ماقد جربتكم
طيب انا الحين عندي ضروس العقل 2 الي تحت لها امكن 10 سنين وهي تبي تطلع>>>>تتغلى علي
لو خليته فيه منه اضرار
وقالو لازم قلع؟؟؟ >>>>اخخخخخخخ

ادآ كانت السنـه مآ تضآيقك او تسبب لكـ الآلآم .. فمآله دإأعي تخلعيه ..
لكن ادآ تسبب لكـ الآلآم .. لآزم تخلعيه ..


:


:


واهلين فيك إأختي .. جآوبت الي اقدر عليه ..

 

مَـزٍآج ..}.. غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 13-11-2010, 03:55 AM   #5

Dr~NanoOok

الصورة الرمزية Dr~NanoOok

 
تاريخ التسجيل: May 2009
كلية: كلية طب الاسنان
التخصص: Dentistry
نوع الدراسة: متخرج - انتظام
المستوى: متخرج
البلد: جــــدة
الجنس: أنثى
المشاركات: 1,171
افتراضي رد: عيادات طب الاسنان

السلام عليكم ورحمة الله وبركاته
اعذريني الكلام الي راح اقوله نسمعه من الناس المجربين عندكم
وعليكم السلام ورحمة الله

أولا كل عام وانتِ بخير.. وعيد أضحى مبارك باذن الله على الجميع

وعن (تجربة) كطبيبة ومعايشة الوضع في العيادات الآن .. حرد عليكِ بدون أي مجاملات في الموضوع


طيب انا عندي ملف كنت اراجع بحملي فالمستشفى
بس الحين نفسي اراجع اسنان
اوكي.. لازم تفتحي ملف جديد خاص بعيادات الأسنان.. وليس نفسه بالمستشفى الجامعي
وطريقة فتح الملف.. انك تروحي للاستقبال في الدور الأرضي
وتجيبي صورة من الهوية .. وتعبي استمارة معلوماتك

~

وقبل ما أجاوب على أسألتك بالتفصيل..
حابة أقلك على النظام الجديد اللي ماشيين عليه دحين ومن بداية هذه سنة

كانت عندنا مشكلة في المرضى ..
أننا نحتاج حالات معينة فقط واللي درسناها.. خاصة بسنة رابع
وهم اللي لينا أحقية اننا نعالجهم

وفي حالات ثانية خاصة بسنة خامس.. وتانية لسادس وهكذا على حسب الحالة وتقدمها

وكانوا الطلبة إذا ما أتوفرلهم المرضى المناسبين للحالات المطلوبة منهم
لازم يروحوا يدوروا عليهم ويجيبوهم بنفسهم

لكن مع النظام الجديد ..
كل مريض لازم يعمل أول شي فحص لكل أسنانه عند عيادات الامتياز.. ويشخصوا حالته والاشياء اللي يحتاجها
بعدين يشوفها الدكتور المختص (البروفيسور) ويؤكد على الحالات

من بعدها يتوزعوا المرضى للطلبة اللي يقدروا يعالجوهم.. واذا يحتاج يحولوهم إلى العيادات الاستشارية الخاصة بالدكاترة الكبار
يعني مثلا..
المرضية تحتاج حشوة لأسنانها وتنضيفها من التسوس (طلبة سنة رابع مختصين بالشي دا)
- وكمان تحتاج تعمل علاج عصب لأسنانها (لطلبة سنة خامس)
يصير بعد ما تخلص من المشكلة الأولى ويتم علاجها.. تتحول إلى دكاترة سنة أخرى
- خلع أسنان (عند سنة سادس أو الامتياز )
وهكذا

وبكده نضمن أن المرضى بياخدوا كل الرعاية والعلاج اللي يحتاجوه وبشكل مناسب
وهذا بيحل مسألة المواعيد وتأخرها

~


الي نسمعه
1/انو المواعيد مو شرط اوصل الين المستشفى وادخل ممكن تقولولي معليش الدكتوره ما جات ولا ماعندنا امكانيه او او او
نظام المواعيد والمرضى الجديد هو :
قبل الموعد بيومين او أكثر.. توصل رسالة على جوال المريض تذكره بالموعد حقه , باليوم الفلاني والساعة المحددة
وتطلب منه ان يؤكد أن قادره انه يجي في دا الموعد .. واذا ما يقدر يصير يعملوا ليه موعد جديد

ونفس الشي بيصير مع الطلبة
أي أحد ما يقدر يجي اليوم الفلاني لأسباب.. لازم يعطيهم خبر عشان يحولوا المريض اللي باسمه إلى طالب ثاني

وبكده.. كل طالب عنده مريض باسمه في هذا اليوم ..
واذا تخلف واحد من الطرفين من المجيء.. حيُحاسب

2/ماتعطون بنج والالم الله الله عليه
معليش بس هذه أول مره أسمعها
ما ينفع ينعمل علاج للأسنان بدون تخدير موضعي أبدا.. لأنه حيكون مؤلم

حتى المرضى اللي يخافوا ويرفضوا انهم يتعطي ليهم بنج.. الدكاترة بيقنعوهم !
وباللأخير يرضوا لما يحسوا بالألم لما العلاج يبدأ بدون بنج !

و البنج من أول الخطوات اللي لازم تنعمل .. وكل بينكتب في ملف المريض
ولو الدكتور المشرف شاف ان الطالب ما استعمل مخدر.. على طول تنقيص درجات وامكن حرمان من الشغل بالعيادة كمان


3/انفسكم خايسه وماتحبون احد يناقشكم
بالنسبة لكل اللي اعرفهم.. تعاملهم مع المريض هو أكتر شي بيهتموا بيه
والحمدلله الكل بيمدح فيهم تعاملا

و ليش التعميم في الموضوع دا
امكن مرضى حصلت معهم تجارب مع دكاترة .. وحكموا على الجميع بكده !
لكن الله يهديهم جميعا .. اللي بيعمل كده واللي بحب يخرب سمعة غيره


4/مواعيدكم بس الصباح الين 11
ومين قال بس الصباح ؟؟!

بالنسبة لينا طالبات سنة رابع.. أغلب عياداتنا بعد الظهر.. ما عدا يومين في الصباح
و من بعدنا يجوا طلبة خامس بعد الظهر

المواعيد تبدأ من 9 إلى 12 / وبعد الظهر من 1 إلى 4

معليش بس هذا كلام ناس مو عارفين صح بالمواعيد !


لازم نجيكم من 4 الصبح عشان نقدر ندخل
برضو كيف تجي دي !

الدوام بالجامعة يبدأ الساعة 8 .. والبوابات ما تنفح غير قبلها بشوية
فكيف من 4 الصبح !
وما تقدري تدخلي إلا في موعدك..

والله شي يضحك

~

طيب انا الحين عندي ضروس العقل 2 الي تحت لها امكن 10 سنين وهي تبي تطلع>>>>تتغلى علي
لو خليته فيه منه اضرار
وقالو لازم قلع؟؟؟ >>>>اخخخخخخخ
يختلف على حسب حالتك
ممكن يكون الفك حقك صغير ومافي مساحة للأسنان الجديدة
فما تقدر تطلع في الفم ..
اذا حتجلس في الفك بدون ما تعمل مشاكل للأسنان الباقية .. بانها تدفعها وتعملها ازدحام.. فهذه الحالة نخلي الضروس بدون اي مشاكل

لكن اذا بدأت تطلع.. وحصلها طلوع جزئي في الفك.. فالأفضل انه يتم خلعها

ولازم تخلي دكتور يشوفلك هيا.. بناءً على حالتك و صورة الأشعة لأسنانك


رحت شلت عصب لضرس وسن بس ماحشيته دايم والموقت طاحت واحس بالم يعني العصب لسى؟؟؟
بعد عمل الحشوة المؤقته لازم تستبدل بالدائمة عشان ما تحصل مشاكل للأسنان

وفي حالتك.. لأن الحشوة طاحت
أثأرت على السنة من الداخل .. او على الأربطة المحيطة بالسنّة نفسها
فسببت الألم ..


طيب اذا حبيت اجي اراجع لازم افتح ملف جديد ومتى اجي وميهم يجي زوجي بس ياخذ موعد بعدين اجي انا عالموعد
لانو عمل زوجي يحاسبونه عالساعه ومايطلعونه بالساهل وكم انحسنا فمراجعات الحمل
زي ما قلت بالبداية لازم تجي وتفتحي الملف بالاستقبال
ولازم حضورك انتِ .. و فتح الملفات كانوا مقفلينها إلى بعد اجازة الحج

يعني لو جيتي بعد الحج حيكون مفتوح لك وتقدري تسجلي
وأفضل وقت انك تجي الصباح من الساعة 8

 

Dr~NanoOok غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 17-11-2010, 06:12 AM   #6

رسالة صمت

أم خــالـــد

الصورة الرمزية رسالة صمت

 
تاريخ التسجيل: Nov 2010
التخصص: ام خالد الله يصلحه
نوع الدراسة: ثانوي
المستوى: منسحب
الجنس: أنثى
المشاركات: 2
افتراضي رد: عيادات طب الاسنان

اشكركم جميعا عالتوضيح
وإن شاء الله لنا لقاء قريب
بس ادعو العمل ياذنون لزوجي
والي مايعرفكم يجهلكم

 

رسالة صمت غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 17-12-2010, 12:13 AM   #7

خريجة معلوماتية

جامعي

 
تاريخ التسجيل: Oct 2009
التخصص: مكتبات ومعلومات
نوع الدراسة: ماجستير
المستوى: متخرج
الجنس: أنثى
المشاركات: 76
افتراضي رد: عيادات طب الاسنان

السلام عليكم ورحمة الله وبركاته

راح ارد عليك لأني اتعالج عندهم وماني دكتورة ولا أعرف احد لكن ارد عليك من باب رد الجميل الله يجزاهم خير

ويشهد الله اني صادقة على كل كلمة راح اكتبها :

انا نفس حالتك تعبت من المستشفيات الخاصة لذلك نصحوني كثير بمستشفى الجامعة ورحت يوم احد على

كلية طب الاسنان وفتحوا لي ملف وطلعت وانتظرت ونادوني وعملوا لي دكتورتين (( طالبتين بس ماعرف اي سنة ))

كانوا مرا ذوق معاية وكشفوا على الاسنان كاملة سن سن فوق وتحت وبعدين سالوني كم سؤال ....

وبما ان كانت لدي مشكلة انتظروا لين ماجات دكتورة او استشارية واتبحاثو في الموضوع وطلبوا انهم يحولوني

للمستشفى الجامعي واعطوني تحويل ورحت للمستشفى عشان يحددوا موعد والحمدلله رب العالمين اتحدد وزرتهم

وكشفوا عليه استشارين يعني اللي حالتهم سهلة وماتحتاج جراحة اعتقد ان الطالبات (( الدكاترة )) يسوها لك

لكن في حالات معينه لازم تحويل والله يجزاهم خير مواعيدهم مضبوطة وانا لي سنة معاهم (( لان حالتي تطلب كذا

يعني السبب مني وليس منهم )) عمري مارحت وقالوا الدكتور مافي او شئ من هذا القبيل ويعملوا لي بنج واخلاقهم ولايعلي عليهم الله ينورهم بنوره يارب ويوفقهم لكل خير لهم في دنيتهم واخرتهم

وعلى فكرة بخصوص البنج الا الاسنان لازم بنج عشان يعرفوا يشتغلوا والزحمة عادية جدا تلقيها بكل محل لكن

انا لاني منتظمة على الوقت اجيهم قبل الوقت بنص ساعه ادخل مباشرة اول مايجوا الدكاترة ...

وترا والله لا اعرف احد ولا لي مصلحة في شئ الا اني اقول كلمة حق محاسبة عليها يوم القيامة وهذا اقل شكر لهم

وواجب علي ان اقوله بصدق والله يسهل دربكم وانصحكم استخيروا الله واتوكلو عليه والحمد لله رب العالمين انه سهل

لي ربي الامور والله يسهلها عليكم يااااااااااااارب

 

خريجة معلوماتية غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 19-01-2011, 03:46 AM   #8

المزون 2009

جامعي

الصورة الرمزية المزون 2009

 
تاريخ التسجيل: Jan 2009
كلية: كلية الآداب والعلوم الانسانية
التخصص: عـــــــلــــــم نفـ
نوع الدراسة: إنتساب
المستوى: السابع
البلد: جــــدة
الجنس: أنثى
المشاركات: 87
افتراضي رد: عيادات طب الاسنان

جزاك الله خير

 

المزون 2009 غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 06-02-2014, 12:02 PM   #9

sharefa

جامعي

الصورة الرمزية sharefa

 
تاريخ التسجيل: Feb 2014
كلية: كلية العلوم - فرع شمال جدة
التخصص: فيزياء
نوع الدراسة: متخرج - انتظام
المستوى: متخرج
البلد: جــــدة
الجنس: أنثى
المشاركات: 1
Skaau.com (10) رد: عيادات طب الاسنان

السلام عليكم

معليش بس حابه أسأل : مكان فتح الملفات في كلية الأسنان ؟
أو في المستشفى نفسو ؟

انا تخرجت خلاص أقدر أفتح ملف ولا بس لمنسوبي الجامعة ؟

وشكراَ

 

sharefa غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 20-02-2014, 12:32 AM   #10

khlil saeed

طبيب امتياز

الصورة الرمزية khlil saeed

 
تاريخ التسجيل: Jul 2012
كلية: كلية طب الاسنان
التخصص: طب وجراحة الفم والأس
نوع الدراسة: إنتظام
المستوى: متخرج
البلد: جــــدة
الجنس: ذكر
المشاركات: 93
افتراضي رد: عيادات طب الاسنان

عليكم السلام
فتح الملفات للجميع مواطنين ومقيمين
لكن في الفترة الحالية مغلق فتح الملفات فقط بورقه موافقه من الطبيب المعالج يتم الفتح يومي الاحد والثلاثاء

 

khlil saeed غير متواجد حالياً   رد مع اقتباس
 

إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 10:27 PM


Powered by vBulletin® Version 3.8.9 Beta 3
Copyright ©2000 - 2024, vBulletin Solutions, Inc.
Ads Organizer 3.0.3 by Analytics - Distance Education

أن كل ما ينشر في المنتدى لا يمثل رأي الإدارة وانما يمثل رأي أصحابها

جميع الحقوق محفوظة لشبكة سكاو

2003-2023