الإحـــــــــــــــــــــــصــــــــــــــــــــــ ـــــــــــــــــــــــــــــــــاء

[Mora]

السلام عليكم و رحمة الله و بركاته

مساء الخير جميعا



حأدخل في الموضوع على طووووول

نزلت هنا الخطة الدراسية للإحصاء




أتمنى انه المواد تكون زي العسل

أتمنى انكم تفيدوني بطبيعة المواد اللي درستوها أو عديتوا عليها

و السلام

[Mora]

هوا في احد غيري حيدخل احصاء؟؟؟؟؟؟؟؟؟؟؟


عالعموم


اتمنى اشوف مشاركات مع اني ما اتوقع


بس اللي عرفتو انو مادة 102 هيا نفسها مادة 110 اللي اخدناها في التحضيري

الاحصاء العام

و الحمدلله كانت مرررره سهلة

[دلوعه غير]

مبروووووك التخصص :)

ولا تشيلي هم الاحصاااء حلوووو <<< اسألي مجربة :-)

أنا أتخرجت السنة دي الحمدلله ،،، ولا تشيلي هم الدكتورات كلهم الحمدلله لزوزات

كل المواد درستها ماعدا مادة معمل احصائي 1 stat241 اتعادلتلي مع مادة تانية مو فاكره ايش :)

باختصار من الي فاكرتو:
stat302>> الماده سهلة وحلوة وأغلبها اختبارات فروض وتوزيعات بسيطة: t,f,z,.....

stat403>> دي مادة انحدارات انتي اهم شي تفهمي وتحفظي القوانين :) وحتى اللاب تبعها حلوو

stat 321,422 >> يمكن دسمة شويا بس لا تشيلي هم ركزي على التعريفات والاثباتات وحتفهميها

لامعلمية>> انا اخدتها مع دكتورة مررره تفهم ماشاء الله وكان اخر ترم تدرس فيه بعدو سافرت بس الماده حلوه

نظيرة عينات>> قواااااااااااااانين كتير بس لو حفظتيها تحسي انك تلعبي بس يبغااااااااااالك تحفظي كتير

تدريب ميداني >> اخدتو اخر ترم:هوا استشارة احصائية >> احنا ما خرجنا برا الجامعه يعني يجو بنات عندهم سؤال وانتي تساعديهم ممكن يكون عدا عليكي والا لا <<< يعني فيها شغل ولازم تبحثي وتسالي عشان تجاوبي

تصميم تجارب>> سهلة بس تحفظي قوانين ،، ولمن يجيكي السؤال تفهميه وتعرفي اي قانون تستخدمي

معمل احصائي 2 >> دي تنزلك اخر ترم ان شاء الله >>> هيا الماده الوحيده الي ماهضمتها :(

مشروع بحث>>> متعبة شويا بس يوم البريزينتيشن تحسي بثمرة تعبك :)

طوووووولت عليكي :)

اذا عندك اي استفسار :) لا تترددي

[طقوس ..~]

ياليتنى اجيب درجات حلوه بالاحصاء

كان دخلت زيك على الاقل معاكـ


بس هوا تخصص ممتع

[Mora]

ينااااااسو


ما اصدق!!



في احد رد !!!!!


عيوني حتدمع <<<<<<< براااااااااااااا


يعطيكي الف عافية دلوعة غير

معلوماتك مررررررره مفيدة


بس على فكرة انا لسه ما تخصصت ...

بس تقدري تقولي اني احبو


شكرن كتير على مشاركتك

و معليش انا حاطفشك كتيييييييييييييييييير

[دلوعه غير]

المشاركة الأصلية كتبت بواسطة mora ينااااااسو ما اصدق!! في احد رد !!!!! عيوني حتدمع <<<<<<< براااااااااااااا يعطيكي الف عافية دلوعة غير معلوماتك مررررررره مفيدة بس على فكرة انا لسه ما تخصصت ... بس تقدري تقولي اني احبو شكرن كتير على مشاركتك و معليش انا حاطفشك كتيييييييييييييييييير

حلوووو انو في احد يحب الاحصااااء :)

وان شاء الله تخصصي فيه وتشوفيه زي ما كنتي تتمني ...

واي حاجه لا يردك الا كيبوردك

[Mora]

المشاركة الأصلية كتبت بواسطة ii 5o5a ii ياليتنى اجيب درجات حلوه بالاحصاء كان دخلت زيك على الاقل معاكـ بس هوا تخصص ممتع

خوخه

اتوقع انك تقدري


لأن التخصص فااااااااااااااااااضي


محد يحبو

منبوذ

بس انا الوفية الاصيلة الوحيدة

الكل بيتضارب ع الطب

روحي شوفي موضوع هوب

ماشالله وصل لـأكتر من مية مشاركة <<<< حااااااقدة

[mermaid]

آخر شي اتوقع ادخلو احصاء مدري ليش

مع انو حلوو ومره يعجبني وممتع في المحاضرات

بس المشكله في الاختبارات مااعرف احل ؟!!

بالتوفيق ياعسل وانشاءالله يكون خير لكي

وعقبال مانتخصص احنا ..

[Mora]

المشاركة الأصلية كتبت بواسطة mermaid آخر شي اتوقع ادخلو احصاء مدري ليش مع انو حلوو ومره يعجبني وممتع في المحاضرات بس المشكله في الاختبارات مااعرف احل ؟!! بالتوفيق ياعسل وانشاءالله يكون خير لكي وعقبال مانتخصص احنا ..

الله يوفقك حبيبي

بس لسا

انا ما تخصصت


انتي ناوية على ايش؟؟؟؟

[R-Kh]

شفت الخطه
واللي عدت عليا
chem281 معمل كيمياء عامه
مررررره سهل
ودمو خفيف
عباره عن كيتونات وانونات مجهوله
ومن الالوان تعرفيها
والاختبارات حقتو مره سهله
وحتى الاختبارات العملي تدخلي ملازمك معاكِ
...
phy281 معمل فيزياء عامه
برضو سهل
التجارب حلوين ماعدا كم تجربه كدا ثقيله دم حبيتن
والاختبارات كلها سهله
...
وطبعا العربي 1و2 مافي اسهل منهم
ومع انو عربي 2 اسهل من 1
...
والثقافه الاسلاميه
اخدت منها بس 1 وبرضو سهله
...
الله يوفقك
..
:)