القانون في السعودية وفي الدول الاخرى ...

[( ؟! )]

السلام عليكم ورحمة الله وبركاتة
كيفكم ؟!
إن شاء الله بخييير

طلب منا الدكتور بحث مقارنة عن مصادر القاعدة القانونية في المملكة العربية السعودية ومصادر القاعدة القانونية في الدول الاخرى ... وكمان طلب في اخر البحث توصيات
ممكن تساعدوني

وشكراً كتيييييييير

[( ؟! )]

بليييييز ساعدوني

[بحر الحرية]

أهلين أختي..
أنا راح أكتبلك بالمجمل، لأني ما فهمت إيش اللي تبغيه بالزبط، وإنشا الله غيري كمان يجي ويساعدك أكتر:

طبعا مصادر القاعدة القانونية في الغالب تنقسم إلى قسمين:
1- مصادر مادية:يدخل منها المصدر التفسيري والمصدر التاريخي.
2- مصادر رسمية: يدخل منها التشريع، الدين، العرف، الفقه والقضاء

هنا تبدأ كل دولة تختلف في طريقتها، مثلا السعودية فيها أول مصدر من المصادر الرسمية: الشريعة الإسلامية...إلخ
طبعاا لو رحتي لدولة ثانية لنفترض أمريكا مو معقول إنه راح يكون أول مصدر الشريعة الإسلامية، هنا تختلف من دولة لدولة.

ف أول شي لازم تتأكدي من دكتورتك هل تبغى مقارنة بين السعودية ودولة معينة، ولا بين السعودية وبين أي دولة انتي تختاريهاا ولا ايش بالزبط؟

ف إذا حدتتي دي الأشياء، تبدأي تقري عن السعودية والدولة اللي تعملي معاهاا مقارنة، وتشوفي كيف كل دولة تطبق المصادر على نفسهاا..
ف لازم توضحي اكتر إيش اللي انتي تبغيه، وكم عدد صفحات البحث، وإيش المراجع اللي حددتها لكم الدكتورة ووو إلخ...
ولو عندك مثلا استفسارات عن أشياء معينة اطرحيهاا وإنشاا الله الكل يساعدك..

وبالنسبة للتوصيات، دي بعد ما تخلصي البحث تشوفي إيش الأشياء اللي استفدتيها ووصلتي لهاا بعد البحث، ولو عندك رأي معين أو انتقاد تكتبيه فيهاا.

الله يوفقك ف بحثتك ياارب وتجيبي الفل مارك إنشاا الله؛؛

[( ؟! )]

شكراً كتيييير

[::Law fair::]

زي ماقال الاستاز بحر

واضيف حاجة ان بعض الدول تعتمد السوابق القضائية كمصدر من مصادر التشريع متل : بريطانيا
وفي دول مصدر القانون فيها تاريخي متل: مصر مصدر القانون فيها القانون الفرنسي والشريعه الاسلامية

[بحر الحرية]

المشاركة الأصلية كتبت بواسطة ::law fair:: واضيف حاجة ان بعض الدول تعتمد السوابق القضائية كمصدر من مصادر التشريع متل : بريطانيا

أهلين خيتوو..
للفايدة بس:
السوابق القضائية هياا توضيح القضاء اللي ذكرتهااا ف المصادر الرسمية ف ردي الأول.
يعني القضاءيقصد فيه: السوابق القضائية..

وشكراا لك على اضافة مثال مصر، لأني كنت أبغى مثال ع المصدر التاريخي، وانشاا الله راح اقراا عنه اكتر..

الله يوفقك ويسعدك ياارب؛؛

[( ؟! )]

شكراً لكم
أفدتوني كثير
الله يعطيكم العافية