انجليزي 2 (قاصمة الظَهر) !

[أبو الفداء العتيبي]

أنا منتسب في كلية الآداب قسم الدراسات الإسلامية

ومشكلتي باختصار بارك الله فيكم إني حملت مادة انجليزي 2 ومتورط فيها بصراحة :(
وحريص جداً على ارتفاع نسبتي وثقافتي في الانجليزي متواضعة
فانجليزي 1 عديت منه بأعجوبة ولله الحمد !

وهذي المرة ورطان بانجليزي 2
فهل فيه حل لمشكلة هذي المادة ؟

هل فيه ملخصات تنصحوني بها ؟

هل فيه مدرس معين تثنون عليه وممكن أستعين به في دراسة المادة ؟

أرجوكم عطوني حل معدلي لايروووح !!

[عبدالله بن نمشان العجمي]

حياك الله أبو الفداء

اكيد كل مشكله ولها حل

بسالك هل انت ترم تخرج او لا ؟

إذا كنت منت ترم تخرج لاتنزل الماده خلها الين ترم التخرج

واذا كان هذا ترم تخرج حلها سهل مرره مرره وباذن الله تعديها

انت علمني ترم تخرج او لا

وموفق خير

[أبو الفداء العتيبي]

حياك الله أخوي عبد الله
في الحقيقة ماهو ترم تخرج
لكن لوكنت ترم تخرج كيف الحل ؟!

الشيئ الثاني أخوي عبد الله
أنا حريص جداً على المعدل
فكيف الحل بارك الله فيك ؟

[عبدالله بن نمشان العجمي]

دام منت ترم تخرج

لاتنزلها الحين خلها لين ترم التخرج

وقبل لاتختبر تروح مبنى 30 فالجامعه اللي جنب البريد السعودي وجنب مبنى 40

اسمه معهد اللغه الانقليزيه وتمر على الاستقبال تحصل ورقه للخريجين اللي انقليزي 102 موقف تخرجهم مساعده من الجامعه للطلاب الخريجين

انا مجربها الترم اللي راح رحت لهم وسجلت اسمي ورقمي الجامعي وكل الطلاب الخريجين مسجلين اسماهم

ولافتحت اي شي يخص الماده لاملخص ولااستاذ ولا اي شي

دخلت طبعا بديت بالحل ولاعرفت ولا سؤال يعني ماني متاكد من اي سؤال

والحمدلله نزلت الدرجات عطوني 60 درجة النجاح وكل خوياي اللي اعرفهم نفس الشي

اتمنى وضحت الفكره ابو الفداء

وموفق خير ان شاء الله

[أبو الفداء العتيبي]

وضحت جزاك الله خير
بس 60 قهر والله

[عبدالله بن نمشان العجمي]

ويجزاك بالخير

قول الحمدلله انها 60 فيه خوياي سقطو فيها مرتين وثلاث

لاكن اهم شي تعديها دامك ماتعرف انقليزي كثير