Nursing

[~RAN~]

ريحتيني صراحة
لكن قريت وحده تحكي وتقول

انه الاولاد يدفعوا للهندي
علشان يعطونه رقمها
وكانت تعاني مرره
وكمان ملاحقات بالسياره

وانا خايفه من هذا الشئ

[● ά7Ļά şùģάя ●]

^^^

لو كل وحده حطت حد للمرضى مآتسمح بتجآوزه
وإلتزمت بحجآبهآ الشرعي
وأي تصرف غير لآئق تبلغ رئيس القسم من الممرضين
مآ رآح تسمح لأحد يأذيهآ أبدن

[lolosilvergirl]

اولا سلام عليكم
ثانيا بالنسبة لدوام الممرضات يختلف لو كنت على نظام وزاره او عقد
فمثلا مشتشفيات الوزاره زي مستشفى فهد العام يكون الدوام كل يوم ما عدا الخميس والجمعه ثمانيه ساعات واظن ثلاث شفتات يعني على حسب جدولك ممكن ليل نهار بس اغلب السعوديات يحطوهم نهار تقريبا
اما اذا اشتغلتي في مستشفيات زي التخصصي او الحرس بيكون نظامهم شفتات 12 ساعه مابين ليل ونهار والشفتات تكون محدده وبجدول ينزل مع بداية كل شهر يعني في الشهر تداومي 14 شفت مابين ليل ونهار
وبالنسبة ليا افضل دوام 12 ساعه لانو ايام الاوفات كتيره ولعلمكم المسلمات لهم اجازات في رمضان والحج وشفتاتهم اقل في الموسمين
وبالنسبة لكلية الحرس للتمريض مررررررررره ممتازه ودراستها اشد شويا بس مستقبلها حلو وظيفتها باذن الله مضمونه
ان شاء الله اكون افدتكم وانا حاضره للمزيد

[NNOOSH]

والله بصراحه موضوعك مرررررا رائع
بس انا عندي حاجه وفي الحقيقه حطمتلي هيا وجدا جدا اكتئبت اتمنا انك تصححيلي الشي هادا
زوج خالتي ممرض ويقلي ترا التمريض اخس شي فيلو انو ازا جاتك مريضه واستفرغت انتي تغيريلها ولو جاتك مريضه مثلا منومه ولازم تلبسيها الحفاض الله يعزكم وتغيريلها وكل شي :'(

[lolosilvergirl]

السلام عليكم ورحمة الله وبركاته
يا اخت nnoosh انا اقول كلام قالي هوا طبيب استشاري في مستشفى العسكري حق اطفال اسمو العسيري مره معروف انسان جدا رائع كان مره قاعد يتحكى عن نفسو وقال تصدقو انا قبل لا ادخل الطب اخذت دبلوم تمريض ورحت اشتغلت بمستشفى اشيل واحط بالمرضى واغسلهم واروشهم ويقول انا كنت مره مبسوووط كانو يدعولي وانا مره فرحان وقال هذا ابسط شي كنت اقدمه لهم وماكنت اقرف ولا احسسهم انو انا قرفان ويقول انو لازم كل دكتور يقرب من المرضى ويعرف حاجاتهم الاولية بعدين يعالجهم ويقول ما كنت ابغى الاجر الا من الله
الله يوفقك يا دكتور عسيري والله كان انسان رائع كان دايما يحمسني ويقولي ياالله تعالي اشتغلي عندنا انا مره احب الممرضات السعوديات:)
يا قلبي انت احتسبي الاجر على الله
والنسبه للناس الي يقولو انو الممرضات السعوديات يلاقو مضايقات انا الحمدلله ما عمرو احد ضايقني البنت المحترمه تفرض احترامها بادبها واخلاقها وحسن معاملتها للناس واهم شي حجابهاا
وشكرا والله يوفق الجميع

[ميمي الدلوعه]

معليش يا أخت lolosilvergirl دحين حتى لو انا تخصصت في تخصص معين حيكون فيه الاشياء الي ذكرتها الاخت NNOOSH

بصراحه انا احب التمريض بشكل مو طبيعي بس ما كنت اعرف انو الممرضه هيا الي تعمل الاشياء هاذي
وشكرا

[lolosilvergirl]

for sure my darling
this is fact so u have to accepted if u like nursing
and god save u all

[ميمي الدلوعه]

[ميمي الدلوعه]

lolosilvergirl معليش بس الدكتور الي قلتي عليه كيف كان تمريض بعدين صار دكتور

[lolosilvergirl]

درس دبلوم عادي بعدين درس طب