طالبات الانظمة دفعة 09 و 08 .. شويه تعالو ابغاكم تريحوني وتطمنو بالي

[Queen Designs]

السلآم عليكم للجميييييييع ..

راح ادخل الموضوع طوالي ..

انا طالبة سنة تحضيرية دفعة 10 ..

وحابة استفسر من بنات الدفع السابقة ..

ريحوني و طمنووو بالي ..

السؤال الأول :

انا سمعت ان الانظمة ما تقبل الا خمسين طالبة كل سنة في الكلية .. ؟
هل هذا الكلام صحيح او لا ؟

السؤال الثاني :

هل الانظمة تخصص او مسار ؟
يعني لمن ادخل كلية الادارة والاقتصاد .. ادرس سنة عامة بعدين اخذ مسار انظمة
او على طول اخش انظمة بدون مواد عامة ؟


السؤال الثالث والأهم :

كم المعدل الموزون اللي تقبلو الكلية ؟
و كم المعدل التراكمي ؟

يعني من 100 % كم تقبل
ومن 5 كم تقبل الكلية


الله يوفقك اللي يجاوبني ..

خلوني ارتاح لاني مرة شايلة هم اني ما انقبل في الانظمة وهذا حلم حياتي

[:::Zaza-.-MaZaza:::]

المشاركة الأصلية كتبت بواسطة queen designs السلآم عليكم للجميييييييع .. وعليكم السلام راح ادخل الموضوع طوالي .. انا طالبة سنة تحضيرية دفعة 10 .. وحابة استفسر من بنات الدفع السابقة .. ريحوني و طمنووو بالي .. السؤال الأول : انا سمعت ان الانظمة ما تقبل الا خمسين طالبة كل سنة في الكلية .. ؟ هل هذا الكلام صحيح او لا ؟ لا مو شرط انا سمعت كمان كدة السنة الي فاتت بس قبلوا اكتر من 50 احنا بس في مادة اسمها قانون دستوري وهيا شعبة وحدة اكتر من 60 بنت واغلبيتنا دفعة 09 هادا غير الي ما ضاف المادة الترم دا ’’ فدا اكبر دليل انو انقبل اكتر من 50 فرتاحي السؤال الثاني : هل الانظمة تخصص او مسار ؟ يعني لمن ادخل كلية الادارة والاقتصاد .. ادرس سنة عامة بعدين اخذ مسار انظمة او على طول اخش انظمة بدون مواد عامة ؟ لا لا مافي شي اسمو مسار انظمة ,, الانظمة قسم مستقل بذاتو واحلى شي في انو هوا القسم الوحيد الي في كلية ادارة واقتصاد الي مافيلو مسارات وسنة عامة والقلق دا السؤال الثالث والأهم : كم المعدل الموزون اللي تقبلو الكلية ؟ و كم المعدل التراكمي ؟ المعدل الموزون الي وقفت عليه الكلية الادارة السنة الي راحت 72.35 يعني من 100 % كم تقبل ومن 5 كم تقبل الكلية ومن خمسة .. كانوا طالبين 4 وما فوق الله يوفقك اللي يجاوبني .. خلوني ارتاح لاني مرة شايلة هم اني ما انقبل في الانظمة وهذا حلم حياتي ..................

يلا شدي حيلك وان شاء الله تنقبلي وتحققي حلم حياتك ,,موفقة

[:::Zaza-.-MaZaza:::]

سوري.. معدل المطلوب في القانون هوا 4 وما فوق .. اما معدل الكلية !!! يقبلوكي في الكلية بالنسبة الموزونة الي من 100 :)

[روووني]

هدا الترم انقبلو بس 60 بنت على حسب كلام دكتوره في القسم

وربنا يوفقك ان شاءالله بس شدي حيلك شويه

[بالع الجامعة]

	انا سمعت ان الانظمة ما تقبل الا خمسين طالبة كل سنة في الكلية .. ؟ ج/ تختلف المعدلات المطلوبة في كل تخصص من سنة لأخرى وفقاً لأعداد الطلاب المتقدمين للتخصص . فالكلية تقوم بتحديد أعداد الطلاب في كل قسم بناءً على نسبة أعضاء هيئة التدريس في القسم إلى أعداد أعضاء هيئة التدريس في الكلية بعد ذلك يتم فرز الطلاب المتقدمين للتخصصات المختلفة وفقاً للرغبة الأولى لهم والمعدل ، ويقبل عدد الطلاب حسب الرغبة الأولى وفقاً للعدد الذي حدد من الكلية في كل قسم . ويقف معدل القبول عند المعدل التراكمي لآخر طالب تم قبوله بالقسم . الطالب الذي لم يتمكن من التقديم على التخصص في الوقت المحدد للتخصص في التقويم الجامعي يتم تخصيصه يدوياً من قبل الشؤون الأكاديمية وفقاً للأماكن الشاغرة في الأقسام . هل الانظمة تخصص او مسار ؟ ج/ تخصص ولا في مسارات يعني دراسة قانونية عامة بخلاف الجامعات يوجد تخصص اداري تجاري جنائي ...عندنا المسارات في الماستر ...طبعا في شيء اسمه متطلب جامعة زي الثقافة الاسلامية 1,2,3,4, ومتطلب كلية زي مبادئ قانون ...متطلب قسم زي القانون التجاري... كم المعدل الموزون اللي تقبلو الكلية ؟ج/ الاجابة نفس الاول ..

[مُنى ~]

القآنون يقبل فوق 4 ونـص ..
صديقتي معدلها 4.13 .. ومآنقبلت