@@ اتمنى مساعدتكم @@

[..ALBADR..]

.

السلام عليكم ورحمة الله وبركاته

اتمنى مساعدتكم بالجدول

انا خلصت مواد السنه التحضيريه ما باقي منها غير انجليزي 102
وخلصت مادتين مبادىء الاداره العامه + مبادىء العلوم السياسيه

______________________________

اتمنى من اهل الخبره بالمواد اقتراحتهم بالجدول لهذا الفصل

معدلي 2.50 وعندي 15 ساعه
طبيعي انه راح يكون اول مادتين بالجدول :

- مباديء المحاسبه
- مباديء القانون
ولكن ما ادري وش انزل معاهم !!

اللي عنده خبره كافيه بالمواد اتمنى يساعدني الله يوفقه دنيا واخره

يعطيكم العافيه

[..ALBADR..]

Up

وين اهل الخبره !!

[..ALBADR..]

up

بانتظار الرد . .

[ضيدان]

ما نزل لك بالجدول الا هالمادتين؟ اذا نزلت لك مواد بالجدول .. بيني وبينك افضل اني ما اغير بالجدول شئ وامشي على الخطة اللي يحطوها لي

بس اذا ما نزل الجدول ... حاول تخلص من المواد اللي تكون متطلب لمواد ثانية

وشئ حلو انك خلصت من الادارة العامة Pad101

وان قدرت تخلص من الانجليزي اخلص منه لانه متطلب لمادة قراءات ادارية باللغة الانجليزية

بالتوفيق ان شاء الله

[المحافظ]

اتفق مع الاخ ضيدان
موفق

[..ALBADR..]

المشاركة الأصلية كتبت بواسطة ضيدان ما نزل لك بالجدول الا هالمادتين؟ اذا نزلت لك مواد بالجدول .. بيني وبينك افضل اني ما اغير بالجدول شئ وامشي على الخطة اللي يحطوها لي بس اذا ما نزل الجدول ... حاول تخلص من المواد اللي تكون متطلب لمواد ثانية وشئ حلو انك خلصت من الادارة العامة pad101 وان قدرت تخلص من الانجليزي اخلص منه لانه متطلب لمادة قراءات ادارية باللغة الانجليزية بالتوفيق ان شاء الله

الجدول نزل بهالشكل :

مبادىء المحاسبه
مبادىء القانون
انجليزي 102
مبادى الاقتصاد الجزئي
الثقافه الاسلاميه 201
_______________________

هل من الافضل ابدل الاقتصاد الجزئي باللغه العربيه 201
لانه اللي سمعت انه الاقتصاد الجزئي صعب شوي
اتمنى الافاده منكم.............يعطيكم العافيه

[ضيدان]

الاقتصاد بتدرسه ان شاء الله... سواء الحين او بعدين

ولا تفكر ان فيه مادة راح تكون سهله اذا ما عطيتها حقها بالمذاكرة

بس انت شد حيلك وحاول تمشي على الخطة اللي ينزلونها لك وصدقني ما فيه شئ اسمه صعب
شمعنى غيرك ينجح بسهولة ؟ المسألة عط المادة حقها بالمذاكرة وراح تشوف ان شاء الله نتايج تفرحك


والله يوفقك

[خالد المالكي]

أوافق الاخ ضيدان في الراي

وكلام سليم وصحيح ميه في الميه

بالتوفيق

الا بسألك كيف ماده علم السياسه وطريقه الاختبارات ارجو افادتي وشكرا

اخوك

[..ALBADR..]

الله يعطيك العافيه اخوي ضيدان وشرفتني بمرورك ونصايحك
انا ادري اني بدرس الاقتصاد الجزئي الان ولا بعدين ولكن اللي قصدته اني كنت ناوي ابدله هالفصل باللغه العربيه
عشان ما يكون فيه صعوبه هالفصل وخوفي انه ينزل المعدل
فما حبيت انه اجمع بين المادتين ( مبادىء محاسبه - واقتصاد جزئي ) في فصل واحد
وكلها مواد معقده شوي وراح تتصعب الامور علي.....يعطيك العافيه....

____________________________________________

المشاركة الأصلية كتبت بواسطة خالد المالكي الا بسألك كيف ماده علم السياسه وطريقه الاختبارات ارجو افادتي وشكرا اخوك

طريقة الاختبار مثل باقي المواد ما فيها اي اسئله مقاليه لما اختبرنا

وانا راح اقولك رأيي الشخصي في الماده ولا تعتمد على رأيي لانه يمكن فيه من يخالفني الرأي :

الماده اسهل من ما تتصور ولا تحتاج جهد كبير

فيه كثير كلام بديهي يعني الواحد يكون عارف هالمعلومات حتى قبل يقرا المنهج
وطبعاً طبيعي فيه اشياء تحتاج تركيز ومعلومات متداخله شوي . .
لكن بشكل عام من اسهل المواد اللي مرت علي

اتمنى افدتك