وصف المقررات + تقييم الدكتورات ... أحياء ~

[أحلى حلم ...]

حبيت انزل هذا الموضوع علشان الكل يفيد و يستفيد

قواننين =]

1- ما نبغى نغتاب أي دكتوره .

2- كل وحد مع ردها تكتب وصف مقرر أو تقيمها لدكتوره

[أحلى حلم ...]

بسم الله =)

1- مقرر الحشرات مع الدكتوره ليلى الشريف

المقرر كبير و يبغاله تركيز لاكن مع الدكتوره ليلى سهل
يتكلم عن الحشرات بشكل عام و عن تركيب جسمها و اجزاءه مثلا محاضره تكون عن اجزاء الفم
و يتكلم عن طريقه التغذيه - أنواع الاجنحه - انواع الارجل
وفي المعمل رسم لهآ

أسلوب الدكتوره
تشرح بأمانه تحاول قد ماتقدر توصل المعلومه لكل البنات
الاسئله تكون سهله أختياري و صح وخطا و فراغآت و بعض الاحيان عللي
و تطلب نشاط عليه 10 درجآت

2- مقرر فسيولوجي حشرات مع الدكتوره ليلى الشريف
أخذتها كماده أختياريه
و الحمد لله كانت لابأس بها مع ان الدكتوره دخلت مصلحات كثيره
و كانت في البدايه تبغى المقرر بألانجلش لاكن رفضنا وحاولنا فيهآ وكان عددنا قليل فوافقت
لاكن كانت تركز على المصلحات سواء في الشرح او الاختبار
وقالت الدفعه اللي بعدكم راح يكون أنجلش !!؟

الاسئله كانت
صح وخطا- و اختياري وفراغات
و تجيب جدول في مصطلح و انتي تكتبي اللي تعرفي عنه
وكمان في صح و الخطا تجيب مصلحات و تجيب المصطلحات اللي بين الكلام
النشاط تطلب عرض او كتب اكترونيه


3- مقرر حشرات طبيه و اقتصاديه مع الدكتوره ليلى الشريف

أخذتها كماده اختياريه معهآ كمآن لانها نصحتنا فيهآ وقالت ان الماده سهله
و الحمد لله كانت الماده حلوه و المعمل نفس النظري كل شيء الكلام مررره نفسه
>_< يعني كانك تحضري المحاضره مرتين

تتكلم عن الحشرات اللي تصيب الخضار و الحبوب و الفواكه يعني أفات
ودوره حياتها من بيضه لعذراء ( ونوع العذراء ) ليرقه و كيف شكلها و أخيرا فراشه
و وصف لكل طور -_-"
واخر المقرر تتكلم عن الحشرات اللي تفيد الانسان او تنقل له الامراض
ولا ننسى فيه تصنيف في المعمل مجرد الاسم العلمي و الرتبه و بعض الاحيان العائله

4- مقرر الطيور مع الدكتوره فاطمه النفيعي
في البدايه توقعت انها سهله لاكن تعبت فيهآ
لان الدكتوره أسئلتها صعبه و دقيقه مرره
أختبرتنا اختبار دوري اول و عادته لنآ لان درجاتنا كانت مو حلوه
الدكتوره طيوبه وشرحها حلو وسهل
بعد ما انصدمت من درجاتنا قبل الاعاده سهلت الاسئله الحمد لله
لانه كنت أجاوب وتطلع الاجابه حاجه ثانيه أعرفهآ لاكن ماتوقعت هذا سؤلهآ =(

تتكلم عن انواع الاجنحه و انواع الطيران و ارجل الطيور
و كيف تركيب الريشه و تركيب الهيكل الداخلي

المعمل حلو =)


5- مقرر الثديات ... مع الدكتوره مي المصيبيح

مايحتاج أتكلم عن هالدكتوره رآئعه بمعنى الكلمه ... =)
توصل المعلومه بشكل ممتع و تحاول أن كل القاعه تفهم
و اسئلتها حلوه

المقرر يتكلم عن الثديات و تصنيفهآ
وكيف شكلها الخارجي فقط و غذائها و بيتهآ << مكان معيشتهآ ^_^



6- تلوث مع الدكتوره الجوهره بن دهيش

ما انصح أحد يأخذ معاها ابدا درست معاها جزء من الماده
بعيدن تغيرت و درستنا الدكتوره لينآ

المقرر سهل و حلو
يتكلم عن الملوثات و المواد الكيميائيه



7- أمن وسلامه مع الدكتوره الجوهره بن دهيش

الماده تتكلم عن المواد الكيميائيه
و الوقايه منها و كيف تتصرفين لما يحصل شيء خطر في المعمل
و أدوات المعمل واستعمالاتها

الدكتوره ما انصح فيهآ أبدا

8- أسس تصنيف الحيوان وتنوّع بيولوجي مع الدكتوره رقيه المحمادي

الدكتوره طيوووووووبه مره و تحسيها تتفهم الطالبه و تبغى الكل ممتاز

المقرر حسيته ممل و في بعض المحاضرات حسيت حلوه و افآدتني الحمد لله

كان على بالنا انه تصنيف طلع مافيه اي تصنيف ابدااا
مجرد كلام كيف صنفوا مثلا على حسب الشكل و الحركه ... ألخ
و اسماء علماء و اجهزه وايش تفيد
وصيد الحشرات

الاسئله سهله
صح و خطاء بس ^^"
و بعض الاحيان تجيب اختياري
و الاختبار النهائي جابت فراغات و عللي سهل

النشاط يكون اختبارات من 10
تقريبا 5 او 4 اختبارات بعدين هيه تقسمهآ
<<< ماحبيت النشاط لانه لما يكون عندي أختبار دروي لماده ثانيه وهذاا اتعب
رغم ان الاختبار سهل <<< لاكن ما أقدر اركز اذا عندي اختبار غيره


لا تنسوني بدعوه حلوه ^_^

[أحلى حلم ...]

9- فيسولوجي حيوان 2 مع الدكتورة زينه العمري

أخذتها كماده أختياريه لانه مكان يناسب جدولي غيرها
كنت في البدايه كاره الماده وشايله هم منهآ =(
لاكن الحمد لله استخرت قبل ما اضيفهآ و أبدا مآندمت

كانت الدكتوره راقيه في تعاملها
و تشرح بأمانه يعني اذا كنتي تكتبي معاها راح تستفيدي من كتابتك في الامتحان

الاسئله معروفه كل شيء قالته
تحب الاسئله الدش يعني تطلعي من الاختبار يدك توجعك من كثر الكتابه
تقريبا تطلب في 4 أسئله كل اللي درستيه مع الرسم و الشرح

لما سئلناها عن الاسئله قالت معروف عني
ان الدوري الاول صعب الدوري الثاني أصعببب و النهائي سهل

و النهائي جابته تصحيح ألي =)

المقرر يتكلم عن التنفس في الانسان و الحيوانات تحت الماء - العضلات - الاعصاب - الجهاز الدوري فقط

تحسوا ان المعلومات مكرره مرت علينا ايام الثنوي


10- بيلوجيا جزيئيه مع الدكتوره سناء خليفه

الدكتوره طيوبه
لاكن ما كنت افهم معاها -_-"
المقرر يبغاله تركيززز مره
يتعب في المذاكره و كثير

يتكلم عن الدي ان أيه وتركيبه و ايش مكوناته
فيها اشياء مرت علينآ من قبل


11- نبات عام مع الدكتوره فاطمه عطرجي

الدكتوره طيوبه وحبوبه
المقرر سهل و مراجعه لاشياء الثنوي
الاسئله سهله

لاكن مآ أنصح أحد يأخذ معها ..

[RAWAN^_^]

يآآآليت لو آحد يسوي زي هذآ الموضوع للكيميآء

الله يسعدك ويوفقك

[nour al3mr]

الله يسعدك يكتب أجـــــرك :)

وفالكم التوفيق يـآرب

[الدُنيا مدرسة]

الله يعطيك ألف عافية ويجزاك الجنة أحلى حلم..
مجهود جبار تشكري عليه ..


حابة أسأل عن مادة مكافحة حشرات مع د.نجاة بو خاطر.. كمنهج وكأسلوب الدكتورة..

وعن د.فوزية الغامدي..

ويعطيكم العافية,,


’,
’,
.

[Dr.sh3ool]

بسم الله الرحمـن الرحيم

كل عام وأنتم بخير وعيدكم مبارك


بيلوجيا خلية د.ليلى الشريف
المادة دسسمة بحد ذاتها والدكتورة متفانية شديدة نوعاً ما بس مرررة أسئلتها وااضحة
ما تحب احد يتأخر عن المحاضرة أنصح فيها 👍

نبات عام د.صالحة الشمراني
مرررررة المادة سهله بحد ذاتها صح كثير وتلخبط شويتين بس جداً جداً انصح بالدكتورة صالحة اخذت أ+
معها هي كانت تعطينا مصطلحات بس عااادي تتسهل

أحياء دقيقة عام د.نهاد قمقم جي
مررررررة أنصحكم فيييها جدا متعاونة مع الطالبات وأسئلتها واااضحة ومقالية أشرري معاها وقت الكلاس وتنجحين بتفوق


احياء عام دابتسام باوزير وفاطمة عطرجي
كللهم كويسين دكتورة ابتساام تراااعي بشكل موب طبيعي تكب عليكم الدرجاات كب
وفاطمة عطرجي لأ تدقق بالكلمات يعني تبي نص الكتاب لا تألفين معها بالاختبار

أمن وسلامة مختبرات د.سناء نجار اعتقد
المادة بحد ذاتها تافهه اصلاً وكويسة الدكتورة مصرية

كيمياء عضوية لغير طلاب الكيمياء د.عايشة بن يهب
لو طلعت لك احذفي المادة لا تاخذينه معاها ابببببدن انا خبلة ماسمعت الكلام وقلت البنات يبالغون لكن بجد ما تعرف تشرح اببد وتدقق وتعطي تكاليف مالها داعي واسألتها تجيب الهم ! تجيب شي ما شرحته

كيمياء حيوية لغير طلاب الكيمياء دنجلاء إياز
تهبّل تهبّل تهبّل شرحها ممتاز واسألتها حلوة المادة أصلا حبيتها مرررة معاها

[nice angel]

السلام عليكم
الله يجريكي خير على المعلومات هدي بس انا طالبه دوبي متخصصه احياء وهذي هي المواد اللي نازله في الخطه ايش اسماء الدكاتره اللي تنصحيني فيهم بالله ساعديني انا مرره محتاره ولكي الشكر

اللغة العربية
أمن وسلا مة مختبرات
أحياء عامة -2
معمل أحياء عامة
ك. عضوية لغير طلاب الكيمياء
معمل كيمياء عامة
الثقافة الاسلامية

[أحلى حلم ...]

حابة أسأل عن مادة مكافحة حشرات مع د.نجاة بو خاطر.. كمنهج وكأسلوب الدكتورة..

ما أعرف الماده و الدكتوره سألت عنها قبل ناس تمدحها وناس ماتنصح بيهآ .!
دورت لك وصف للمقرر

مقدمه للصراع بين الانسان و مكافحه الحشرات و الطرق اللي استخدمه لمكافحه الحشرات
مر العصور
و يتكلم عن الوسائل الحديثه لمكافه الحشرات
و طريقه التعقيم بالاشعاعات الذريه
و التعقيم بالمعقمات الكيميائيه
المكافحه الوراثيه للحشرات و الطفرات المميته و التعقيم التهجيني
العبور الكروموسومي و التضاد السيتوبلازمي

وعن د.فوزية الغامدي..

كثير بنات يمدحوها
وحده من صحباتي أخذت معاها مقرر أجنه و انبسطه مره

ويعطيكم العافية,,

يعآفيك ربي =)

[أحلى حلم ...]

السلام عليكم

وعليكم السلام

الله يجريكي خير على المعلومات هدي بس انا طالبه دوبي متخصصه احياء وهذي هي المواد اللي نازله في الخطه ايش اسماء الدكاتره اللي تنصحيني فيهم بالله ساعديني انا مرره محتاره ولكي الشكر

أن شاء الله اقدر اساعدك

اللغة العربية

أخذت مع الدكتوره حنان حنفي مره دكتوره رآئعه
الاسئله اختبار 50 فقره من 50 درجه تجمع الدوري الاول و الثاني
و الاسئله غالبا صح و خطاء و سهله مره

الدكتوره ساميه الذكر
ابدددد ما انصحك و اذا نزلك عربي معاها أحذفيه

أمن وسلا مة مختبرات

تكلمت عنها قبل كذا

أحياء عامة -2

كذا دكتوره تدي هالمقرر

معمل أحياء عامة

أخذته مع د. أمال
الدكتوره طيوبه - لاكن الشرح ما كان يعجبني و لاسئله كمان

ك. عضوية لغير طلاب الكيمياء

أخذتها مع د. أيمآن الجندي
أحب هالدكتوره مع أن كثير ناس ما تمدحها !
تشرح بامانه و تتعب علشان تفهمك و اذا مافهمتي وقلتي لها تعيد لك و اللي يركز معاها أن شاء الله يجاوب
اتذكر ماشاء الله اني جبت في الدوريات درجات حلوه لاكن النهائي جبت العيد >_<

معمل كيمياء عامة

عادي خذيه مع اي احد ماتفرق أتوقع
كان يتعب في الشغل

الثقافة الاسلامية

كلهم طيوبات