بخصوص التحويل من جامعة ام القرى تخصص (رياضيات)

[Soolita]

السلام عليكم والرحمة والاكرام
انا طالبه كلية العلوم التطبيقية من جامعة ام القرى
تخصص علوم رياضية (رياضيات )
حابه احول لجامعة الملك عبدالعزيز لاني حتزوج ان شاء الله مع بداية السنة الجديدة
وع حسب ماسمعت انو حيحولوني لفرع الفيصلية
فابغت اعرف كيف القسم (قسم الرياضيات)عندكم والدكاترة والدراسة والصيفي (ينزلولكم مواد تخصص ولاالا)!!!
انا تقريبا باقيلي سنه ونص واتخرج ان شاء الله
بس لو حولت ممكن تزيد لسنتين ونص او ثلاثة ؛)
مرا محتارة فياليت تنصحوني احول ولالا
لانو شروط التحويل تعجيزية فكتير مواد حتروح عليا
اتمنى الاقي جواب شافي يريحني مع العلم انو التحويل عندكم يفتح 8/1
الله يسعدكم ويوفقك جميعا يارب

[Soolita]

مافي رد :(

[الحمد الله على كل حال]

انصحكي لا تحولي خلصي افضل لان قسم الفيصليه مرا مو حلوة بالنسبالي ممونوع البنطلون اما السليمانيه بنطلون ع كيفك

[Soolita]

هههههههههه شكرا ياعسل
بس انا ماهمني بنطلون ولا غيره اهم شي الدراسة كيف؟؟؟؟؟

[الحمد الله على كل حال]

طيب شوفي ياعسل انا كنت مخطوبه للواحد في مكة بس صراحه قلت انا اكمل دراستي بجدة وخميس وجمعه ارووح للمكة
بس الحمدالله ي رب م صار في نصيب
انتي اعملي كده بس بالعكس داومي بام القرى والويكند تعالي جده
ومبررروووووووك ان شاء الله تتهني

ماقدر افيدك لو ان صار نصيب كان ادرس مكانك وتدرسي مكاني هههههه
والافضل نبادل بالعرسان هههههههههه
بس طار العريس ههههه

[الحمد الله على كل حال]

اما بالنسبه للدراسه انا اتكلم عن السليمانيه صراحة حلوة الدراسه و بالعكس اللبس مهم الواحد يفتح نفسه بالصباح يلبس اي شي يبيه


وموفقه اما الفيصليه رحت لها 3 مرات كانت عندي اختبارات بالتحضيري لاني كنت في الشرفيه بس صراح كانت زيارتي لها ال3 مرات كانت سيئه و كئيبه

وبستشريك انا مستجد اعمال في كلية الادارة والاقتصاد ان شاء الله اتخصص تمويل وحابه احول الي كلية القانون اصير محاميه
اخوي محامي و يقول لك مستقبل و راح يساعدني ب ايجاد الوضيفه والمشكله اغلب المواد الي اخذتها ماهي قانون يعني درست ع الفاضي وم تحتسب ودرجاتي حلوة بدي المواد

بس دراسه بالعربي اما الادارة انجليزي
ايش رايك احول او لا باقي ع تخرجي سنتين وترم تدريب

اجلس عشان اتخرج بدري او احول واكون محاميه خصوصا اخوي بيفتح مكتب ويبي فرع نساء اديرها

[Soolita]

شكرا ياقمر الله يسعدك ويوفقك ويرزقك بالاي احسن منو
وسوري عريسي مااتنازل عنو :p ههههههههههههه
انا فكرت زي كدا انزل الويكند بس مرا صعبه وهو ماييغا فحل من الثلاثة اما انزل واطلع كل يوم او احول او اقدم ع طالب زائر ( بس المشكلة ابغا ارفع معدلي وفي نظام الزائر يثبت المعدل غالبا )

بخصوص حالتك انت اشوف انك تستخيري كل يوم الين ماترتاحي اواحد منهم
اممم مااعرف بس القانون مالو وظايف عندنا ع مااعتقد
التمويل حلو ومدام درجاتك كويسة وتبغي تحتفظي فيها فخليكي عليه احسن واتخرجي
ترا مو سهله الفعدة في الجامعه
ولاتشيلي هم الوطايف
الارزاق ع الله
اتمنى لك التوفيق والسعادة في الدارين وربي يكتبلك وييسرلك كل خير يارب 😘

[Soolita]

ياجماعه احتاج احد يفيدني من قسم الرياضيات بالله :(

[الحمد الله على كل حال]

طب ليه م تاخذي اعتذار ترم عشان تعيشين مع عريسك مع ال3 شهور العطله و ال4 شهور الترم الاول اشوف يكفي بعدها ارجعي وكملي واضعثغطي نفسك وياكثر الاجازات
بعدين تفتكي من مسؤليه وطبيخ
يمكن بعد الاعتذار تكوني حامل بكدا ترجعي لاهلك وتتوحمي ع كيفك و مخدووومة

[Soolita]

ههههههههههههههههههههههه الله يسعدك يارب