هل الفرع الرئيسي أصعب من باقي الفروع ؟؟؟ [ عنوآن مُعدل ]

[so1413]

السلام عليكم

اغلبكم شاف حلقت داود الشريان عن السكن الجامعي لجامعة الملك عبد العزيز
للفروع المهم انا وحده من بنات السكن بعد الحلقه سار شكاوي اكثر والمديره اجتمعت فينا
قالت لنا انو السكن بيقفل وبينقلونكم للسكن السلمانيه وراح يوفرون لكم باصات تودي من السكن
التابع للسلمانيه الي كلية الفيصليه وهذا الكلام بيسير بعد اجازة العيد الاضحى خلكم من المشوار
البعيد واحتمال تضيع علينا محاظراتنا او نصحى متاخر مو هنا المشكله الي مخوفنا انو قالو كمان
انو السمستر الجاي راح ينقلون ملفاتنا للسلمانيه بس يستنو نخلص من الترم هذا اغلب البنات فرحو
بس انا سئلت بنات قالو لي انو السلمانيه قد ماتذاكرين وتحلين واجباتك ماراح تجيبي درجات وفي ظلم كثير هناك هل هذا صحيح ؟ غير كذا انا الصيفي الجاي باخذ تدريب ميدان وراح اطبق بمطار جده لانو في اماكن اختاروها لنا فرع الفيصليه هل هي بتكون نفسها الاماكن في السلمانيه ولا لا ؟

[منو22]

بنات قالو لي انو السلمانيه قد ماتذاكرين وتحلين واجباتك ماراح تجيبي درجات وفي ظلم كثير هناك هل هذا صحيح ؟ غير كذا انا الصيفي الجاي باخذ تدريب ميدان وراح اطبق بمطار جده لانو في اماكن اختاروها لنا فرع الفيصليه هل هي بتكون نفسها الاماكن في السلمانيه ولا لا ؟

لا مو صح يعني الناس الظالمين كلهم في السليمانية ؟!!
بالعكس الأغلب كويسين ...
الدكتورات اللي شديدن او بمعني أصح مايتساهلو مع البنات ينعدو ع الأصابع انا مستوى سابع وماشفت شئ الحمد لامن تكاليف ولا أختبارات من دكتوراتنا واساتذتنا وكذالك صحباتي وتقدري تراجعي درجاتك معاهم بعضهم تصحح وتجيبها للبنات يشوفوها ...
ماككان نجح احد وماكان اخدنا الامتيازات ادا كان الكلام اللي بيقولوه البنات صح
بالعكس الحياه حلوه عندنا:)

لاتخافي حبيبتي

بالنسبه للتدريب ماعندي فكرة عنو تقدري تسألى القسم عندكم في الفيصليه اكيد بيعرفوا

بالتوفيق خيتوو

[cia1381]

الله يعين ويصبرنا بس

[so1413]

شكرا منو والله كنت قلقانه

[CPIS_Student]

الله يساعدكم
ويسهل أموركم

[*طالبه*]

انا من السكن و ادرس تحضيري في السلامه تتوقعي راح ينقلو ملفي للسليمانيه ؟؟

[so1413]

اتوقع ايوه بينقلونكم

[ترانيم الحزن]

ياحظكم السليمانيه احسن نفسي انقل لها .... بس سؤال ليش بيقفلوا السكن وليش بينقلوكم؟؟

[*طالبه*]

طيب كذا بنتشتت مره
المفروض يصبروا لين الترم الثاني و نبدأ من البدايه مع طالبات السليمانيه
مانبغى نترك استاذاتنا هنا و نرورح للسليمانيه و كل استاذه واصله لجزئيه معينه
الله يستر من السنه دي و ان شاء الله تعدي على خير