الرجاء مساعدتي في نظم معلووووووووووومااات

[sara a]

السلام عليكم....

الصراحه انا مرررررره ضايعه والسبب اني اعيش خارج المملكه بسبب بعثة زوجي

وطبعا ما حضرت الدوره ...لكن جايه وقت الاختبارات انشاااء الله

وبحاول قدر المستطاع اذاكر من هنا وانزل اي ملازم من الموقع وطبعا الاختبارات قربت

المهم طوووووولت عليكم

بس عندي بعض المواد للأسف ماااااااااعرف من فين ابدا ومن فين اذاكر يااااريت تساااعدوني

اولهم نظم معلومات اداريه وشعبتي ba

وماده تخطيط وتنمية موارد بشريه وشعبتي bb

وادارة اعمال بالانجليزي وشعبتي bc

لوووو سمحتو اكسبو فيه اجر ابغى ابدا اذاكر ومني عااارفه وماعرف احد في الانتساب ياخد دي المواد

لاني محوله من انتظام وابغى اعرف المحذوف والمطلوب

ارجوووووكم استنى ردودكم

وشكرا

[sara a]

ياجماعة الخييييير مو معقوول ولا احد عندو من دي المواااد
بصبر والصبر لله...الله يعيين

[surih777]

السلام عليكم , اختي شوفي هذا الرابط قد يفيدك بخصوص نظم معلومات ادارية , وغيرها على موقع ملتقى البحث العلمي
http://www./vb/downloads.php?do=file&id=972

[][_ غــــــيــــــر _ ][]

السلام عليكم ورحمة الله وبركاته ..

بداية الله يعطيك العافية ، سـيـتـم نــقـــل موضوعـكـ لـلـ قــســم الـمـناسـب .
فقد تم تخصيص قسم المنتسبين للاستفسارات الاكاديمية فقط بالنسبه للمواد والاساتذة والدورات التاهيلية فتكون باقسام الكليات ..
للمزيد حول ذلك .. آمل الاطــلاع على مـوضـوع يـلـدرم :(تـنـظــيــــــ ـم مــلــتــقــى المــنـتـســبــيـــن).
.. دمــــــــــ ـ تم بــــــــــــــ ـود ..

[ريما الدلوعه]

هلا فيكي حبيبتي sara انتي معايا في شعبة ba نظم معلومات والله يا عزيزتي المادة كئيبة والدكتورة تتكلم بسرعة يعني ما تلحقي معاها تأشري شي المهم انه منهجنا من الفصل الاول الى الفصل 12 بالاضافه الى بعض الاشياء حددتها من فصلي التجارة الالكترونية والانترنت وكمان بعض المصطلحات بالانجليزي بس الفصل 7 قالت خذوا تعاريف ومزايا فقط وباقي الفصول في بعض العناويين محذوفة بس بالاجمال منهجنا طووووووووييييلللل

[sara a]

طيب يا اخت ريما مررررررررررررره جزاكي الله خير والله يعطيكي العافيه بسس هل في المنهج اي رسومات مهمه او بالضبط ايش الرسومات...وانا عندي ملزمه هاني عرب بس مني عارفه لازم جيب الكتاب ولا لأ...واذا ضروري ايش اسم الكتاب والمؤلف الله يعطيكي العافيه...وشكرا على المساعده

[ملاك بن هاشم]

يااخت ريما الاسئلة موحده مع الشعب الثانيه ولا لا؟

[moozza]

ملزمة هاني عرب ما تنفع مع نظم معلوماااااااااااااااات
انا ذاكرت منها الترم اللي فات
وحملت المادة
الاضمن الكتاب
ونفس استاذتك

[moozza]

اسم الكتاب نظم المعلومات الادارية للدكتور هشام صالح كتوعة
والرسومات فقط للفهم مو حفظ يعني ما راح يجي منها في الاختبار هذا اللي قالتو الاستاذة منى شعبةba
اما عن الاستاذات الثانيين ما ادري
وللمرة ال2 ملزمة هاني عرب
ما تنفع
والاسئلة مو موحدة لانو كل شعبة اختبارها بيوم
والفصول معانا من 1 الى 12
والفصل الاخير اشرت من التجارة الالكترونية والحكومة الالكترونية
واعطتنا المصطلحات اللي معانا من الفصل 1 الى 9



واحب اذكر انو هالكلام هذا بس للي مع الاستاذة منى الرفاعي



واتمنى اني اكون فدتكم

[ريما الدلوعه]

حبيبتي sara مافي رسومات تجي في الامتحان بس في بعض الرسمات التوضيحية في الكتاب زي مثلا توضح تسلسل بعض الخطوات هذه تذاكريها لانها تسهل الحفظ وتستوعبيها بسهوله والكتاب اسمه : نظم معلومات ادارية ، تأليف د: هشام صالح كتوعه ولازم تذاكري من الكتاب اضمن لكي واتركي الملازم وبالنسبه لسؤال الاخت ملاك انا يلي اعرفه ان المادة نزلت بوقتها مش برمزها وغالبا الاسئلة ماحتكون موحدة ماني متأكدة بس بالاجمال هي بس شعبتين وتعطيهم دكتورة وحدة اللي هي: منى الرفاعي وان شاء الله ربنا يوفقنا جميعا