انا محححطم و ياريت يكون فيه امل

[moodyd88]

اااااااااااااااااااااه

حتى ما ادري كيف ابدا

المهم!،،،

انا حلمي من وانا عمري 8 سنوات اني اصير طبيب عيون وكنت حاطت فبالي ان الموضوع سهل و كنت طول عمري شايف نفسي دافور و كانت درجاتي بفضل حتى فالثنوية كويسة

ولما انقبلت فالجامعة كنت محسب الدراسة حتكون زي ايام الثنوي و حتمشي اموري وتسلك

و كنت اسمع من الطلاب ان كلهم زيي حلمهم يخشوا طب و كنت اسمعهم يقولوا ان العدد اللي تقبله الكلية قليل والنسبة صعبة

فكنت اضحك عليهم فنفسي وو اقول انا إن شاء الله حتكون نسبتي عالية و الكلية حتقبلني

بس بدات معاي المشكلة في الاختبار الدوري الاول كانت درجاتي 24 ، 23، 23 في الاحياء و الكيمياء و الاحصاء

وقلت لسا فيه امل لاني مانقت عن ال20 و اتفاألت و قلت اني حعوض في الدوري الثاني

ولكن بعد اختبار الاحياء امس بديت اظن ان الطب مو ليه مع اني اتوقع اني اجيب 26 فالاختبار

فهل تتوقعوا انه لسا فيه امل لي اني اخش كلية الطب و لا ابدا ادورلي على كلية ثانية انسب لي ؟؟.؟؟؟؟

[علي 20]

لا يا خوي درجاتك حلوة وتقدر تخش طب بس حاول لاتنقص عن الـ 26

ولو حلمك من جد طب تقدر تروح كليات اخرى تدرس طب مو شرط جامعة الملك ..

[~Me~]

درجاتك حلوه بالنسبه لمستوى الطلاب عموماً


ولا تفقد الامل

وإن شاء الله تنقبل في كلية الطب

واذا ما حصل نصيب فيه طب الاسنان والصيدله والعلوم التطبيقيه كلها قريبه من الطب وحلوه إن شاء الله

[وما توفيقي الا بالله]

لا تفكر انك تجيب 30 / 30 في كل المواد

لكن شوف المتوسط حق الطلاب كم يمكن انت تكون في كل درجاتك فوق المتوسط وتنافس بقوة على كرسي الطب او كرسي الهندسة

وكل شي بإرادة الله بيكون

ربنا يعرف ايش اللي فيه الخير لك


انتا ادعي انو ربنا يختار لك اللي فيه الخير واسعى له ,, وكثر من الاستغفار لانو يزيل الهم ويجيب لك الرزق ,,,

انا جلست سنه كاملة في كلية العلوم ثم تخصصت رياضيات وكانت درجاتي كلها فوق شروط الهندسة هذا الكلام قبل 6 سنوات

وحولت هندسة بعد سنة ونص ,, واول ترم لي في الهندسه ماقدرت اكمله من الصعوبه وعدم التأقلم وسحبت ترم وبعدها انطلقت ولله الحمد وباذن الله تخرجي بعد شهر بمشيئة الله ( مع العلم ان رغبتي كانت كلية الحاسبات ولا فكرت في الهندسة نهائيا )


واذا تبي نصيحتي فكر في الهندسة او اقسام الادارة واترك الطب ( مو كل الاطباء امتياز ) وكثير منهم يتخرج بمعدل جيد والوظائف في الطب مو مضمونه .
ولا تنسى انه في اختبار يحدد انك تاخذ رخصة الطب ولا لا ,, وبعدين مشوار طويل عريض الطب ومايبغاله شخصية ضعيفه تيأس على طوول
لان نضامها لو رسبت في مادة لا قدر الله تعيد الترم كله على مادة !! ولو كانت المادة هذي متطلب لمادة اخرى يعني انت تاخرت سنة كامله عن الطلاب اللي تدرس معاهم !!


فلم السنة التحضيرية هذا كله راح ينعاد في اول 52 ساعه في الهندسة لان فيه مواد عامة هندسية ,, ودروس غير عن اللي درسناها في الثانوي ,, لكن الميزة في الهندسة بشكل عام انه لاقدر الله تخرجت ومعدلك اقل من 3.75 تقدر تتوظف في شركات قريبه من الشركات اللي الاغلبية تطمح لها زي ارامكو وساسرف وياسرف وشلمبر قير اللي رواتبها عالية وماتقبل طلاب الا بمعدلات عالية ,, فالفكرة تاخذ خبرة سنتين مع شركات نفس مجال ارامكو وتحول لارامكو بالراحة تنقبل دائما الشركات تدور اللي معاه خبره عمل وخاصة لو كان مجال عملك نفس مجال ارامكو او غيرها .,

ثانيا الهندسة وخصوصا قسمي حرارية وتحلية المياه اغلب اختباراتنا اوبن بوك يعني تدخل بأي شي للاختبار اللهم تكون فاهم وتحل بس ,,

فكر بالموضوع ,,

[moodyd88]

يعطيكم الف عافية على الردود الحلوة

وبالنسبة لاخوي ( وما توفيقي الا بالله) فكرتك رائعة جدا

اكيد ما رح اضيع مستقبلي عشان ما انقبلت في الطب