تعالوو يابناات نتعلم((السناااعة))في الكلام:)

[*بسمة أمل*]

السلام عليكم ورحمة الله و بركاته

صباحكم/مسائكم معطر بفل و ياسمين
كيفكم ؟

أن شاء الله مرتاحين ومبسوطين بـ الأجازه

عاد تعرفون تكثر الطلعات والمناسبات

اللي يعطي نفسه أجازه من جو الأجتماعي

واللي يخنق نفسه بكثرة المناسبات

والحالتين تبي لسان حلو ويعرف يرد
موضوعي يا حلوووووووووووووين عن الذرابه في الحكي و الردود السنعه مع الناااااااس

يقولك المثل (حلي لسانك وكل الناس خلانك)
تخيلوا معاي :


تكون جالس بمجلس مليان رجال ويجيك ذاك الشايب ويعطيك جملة اول مره تسمعها والكل سكت ينتظر ردك

وانت ماتعرف غير [ جزاك الله خير , والله يسلمك ] بس ابد ماينفعون وش تسوي ؟!

انا اقترح :



1- ياتمسك الباب وتحط رجلك

2- ياتصرفه بـــ [ تبي قهوه ياعم ]

<< لاعاد تقترحين




وانتي ياعروسه تخيلي انك كاشخه على آخر شياكه والخاله الجديده مقابلتك ويصير لك مثل الموقف أعلاه

وش السوات ؟! أن مارديتي طار المعرس وأن رديتي بـ خرابيط برضوا طار

أنا هنا أقترح انك تحركين شفايفك من غير صوت وتنزلين راسك يعني تراني اعرف الرد بس مستحيه

<< احد يسكتها بالله

الزبده :

انو احنا لازم نتعلم كيف نرد لان في بصراحه في كلمات الواحد يجلس يحك راسه وش ارد عليه ذا ؟!
يعني مثلا
اللي يدخل بيتك وش تقولي له؟ غير تو مانور البيت .. نبي جمل جديد و سنعه

حضرتي عزيمه عند وحده من البنات ؟ كيف تمدحينها ؟
وغيرررررررررررررررها

نبي بناااااااااااات سنعااااااااااااااات يردون ردود سنعه او يقولولنا عن اللي حولينهم كيف يردون ؟

الكل يعرف يبتسم ويقول جزاك الله خير .. الله يحفظكم .. دربك خضر.. سهل الله دروبكم وووووووووووووو

بس نبي شي مميز
فــ هنا بنخلي الموضوع تعليمي يعني اللي يعرف شي يحطه لو يحسه شي عادي يمكن مامر على غيره

او اللي مايعرف رد جملة يسأل يمكن يلقى أجابه عندنا

ابي ردود سنعه والي بترد بــ شكرا لاترد
انتظركم

[*بسمة أمل*]

طيب انا راح ابدا راح اقول بعض الكلمات اللي دايما تنقال لنا والرد عليها
اول شي صحيتي من النووم متأخر وجا احد

قال لك : صح النوم

تقولين : ….( صح بدنك)
------------

جيتي واعطيتي احد كأس موية ..

قال لك : عشـتِ

تقولين : …. ( عاشت أيامك)

———
التعرف على العائلة

جا وقال لك احد وش عائلك ..

تقولين عائلتك..

يقول لك : والنعم فيك ..

تقولين : ….(ما عليك زود)

———

شخص رح يبارك لك

يقول : مبروك ..

تقولين : الله يبارك فيك وعقبال عندك ..<لو لسه ما حصل له

———-
شخص تزوج

تقولين له/ا :

ألف مبروك الله يجمع بينكم بالخير
منه المال ومنك العيال
الله يبارك لك بزوجك وبيتك
الله يسعدك ويهنيكي ويرزقك بالذرية الصالحة
الله يعمر حياتكم بالمحبة و المودة

———-
وحدة توها خلفت بيبي

تقولين لها :

الحمد الله على سلامتك وألف مبروك
الله يجعله من مواليد السعادة
يتربى (فلان/ة) بعزكم ان شاء الله
الله يرزقكم بره ويسخره لكم
الله يجعله من الصالحين ويحفظه لكم من كل عين..

———

وحدة تعبانة ومريضة
تقولين لها :

الله يشفيك ويعافيك ويرجعك لبيتك بالسلامه
وان شاء الله العمر الطويل يارب
وترجعين لنا بالصحة والعافية وأحسن من أول ..
والله يجعل مرضك تكفير لذنوبك وزيادة لأجرك
ما تشوفين شر ..وان شاء الله تقومين بالسلامة
لا باس طهور ان شاء الله

———
هذا اللي عندي الحين و لي عودة ان شاء الله وفي انتظاااااار اضافاتكم

[*بسمة أمل*]

انا راح ازعل كده 15 مشااهدة و لا رد ليش ماعجبكم الموضوعولااا تبو تقنعوووني انكم سنعاااات و ماتحتاجو مثل هالمواضيع هاااا

[وفاء جدة]

موضوعك حلو بس انتي عارفة اجازة والواحد عقله مقفل
ماوده يفكر لكن تبين التفاعل حطي موقف وكل وحدة تقول وش ردها عليه
عشان يسهل على الواحد الرد..

[*صبا*]

لا موووووضوعك مره نايس

يابسمة امل

[salonas]

موضوعك حلو

[*بسمة أمل*]

المشاركة الأصلية كتبت بواسطة وفاء جدة موضوعك حلو بس انتي عارفة اجازة والواحد عقله مقفل ماوده يفكر لكن تبين التفاعل حطي موقف وكل وحدة تقول وش ردها عليه عشان يسهل على الواحد الرد..

مشكوووووورة ياعسل عيونك الحلوة وفكرتك حلوة راح اجربها يعطيييييك العااااافية على المروور

[*بسمة أمل*]

المشاركة الأصلية كتبت بواسطة *صبا* لا موووووضوعك مره نايس يابسمة امل

ياقلبي والله انتي اللي نااايس اسعدني مروورك

[*بسمة أمل*]

المشاركة الأصلية كتبت بواسطة salonas موضوعك حلو

ادري انو حلووو و ياخذ العقلهههههههههه وراح يحلى اكتر بردودكم مشكوووورة يالغلا عالمرور

[قلبي أماراتي]

حلو الموضوع ولي عوده باذن الله
مشكوره يالغلا
ربي يعطيج الف عافيه ع الطرح الراقي
وفي انتضار جديدك المميز دائما
لكِ مني اجمل التحايا والتقدير
قلبي اماراتـــي