اللي عندها خلفيه عن تخصص المحاسبه .....

[my silent story]

بسم الله الرحمن الرحيم
السلام عليكم ورحمة الله وبركاته

كيفكم بنااات ؟ وكيف النتائج إن شاء الله تبشر بالخير


أطلب من اللي عندها خلفيه عن هالمواد تجاوبني الله يسعدها

أنا طلبت تغيير التخصص إلى محاسبة وفي الخطة هذه المواد :
1-محاسبه 102
2-تحليل كلي
3-نقود وبنوك <إسمها مخوفني الله يستر
4-ثقافه 3
5-ماده حره
6-ماده إختياريه <أحب أعرف أسهل ماده أقدر أخذها ...ومع مين وإيش رايكم في سلوك تنظيمي سهله


سااعدوني يابنات قبل الجدول ينزل أبغى أعرف هالمواد سهله وأقدر أحافظ ع معدلي لو أخذتها كلها


وبالتوفيق للجميع ياارب

[عـــهـــود]

مرحباااا

محاسبه 102 اسهل من 101 بس حب الاستاذه التوب عندك ساره بكر وريم صقر

تحليل كمي هالماده سهله وسلسه بس الاستازات يعقدوها بالسئله زي ماصار معايا

نقود وبنوك ماده محاسبيه ويقولو سهله بس لسا ما اخدتها

ماده اختياريه خدي سياسي سعودي وهيا شعبه وحده موجوده

ماده حره ما ادربي بس يقولو فقه عبادات او سيره نبويه جدا سهله

وثقافه طبعا مافرقت ^^

ومافرقت مع الاستاذات

وان شاء الله اكون افدتك

...

[my silent story]

الله يعطيــــــــــــــــــــك العافيه أختي....


الماده أسمها إقتصاد كلي أنا غلطت أقول تحليل << من حبي لهالماده

[الهوى والنور]

هلا
محاسبه ساره بكر او رغداء الرملي اوريم صقر
اقتصاد كلي اخذته معه دكتوره ايمان مره انتبهي طيبه لكن مانفعت في اسئلة الاختبار

[تورللي]

اقتصاد انا اخدتو مع عبله بخاري جداااا رائعه وتوزيعها للدرجات كوويس وشرحها توب

ودكتوره ايمان ماشي حالها زي ماقالو طيبه واللي كويس فيها مراجعتها قبل الاختبار بس عبله افضل بكتير

[my silent story]

المشاركة الأصلية كتبت بواسطة الهوى والنور هلا محاسبه ساره بكر او رغداء الرملي اوريم صقر اقتصاد كلي اخذته معه دكتوره ايمان مره انتبهي طيبه لكن مانفعت في اسئلة الاختبار

ربي يسعدك تسلميـــــــــــــــن

[my silent story]

المشاركة الأصلية كتبت بواسطة تورللي اقتصاد انا اخدتو مع عبله بخاري جداااا رائعه وتوزيعها للدرجات كوويس وشرحها توب ودكتوره ايمان ماشي حالها زي ماقالو طيبه واللي كويس فيها مراجعتها قبل الاختبار بس عبله افضل بكتير

إن شاء الله أخذ معاها الترم الجاي ....مشكوره أختي

[عـــهـــود]

انا جربت اقتصاد جزئي مع حنان الجشعم مره رائعه واسئلتها مويه وطيوبه وفوق دا كله محترمه

ان شاء الله تدي الماده هاذا السمستر

يوفقك ربي :)

[my silent story]

ياااااليت تساعدوني وتساعدو اللي مثلي من جد بحاجة خبرتكم في المواد الإختياريه ما أعرف حاجه عنها وكماااااان المواد الحره ....

[*ثابتة على قيمي*]

الله يوفقـــــــــك أختِي ..

أضمّ صوتي لــك وَ أسـأل عن مُــقرر إختيّــاري سهل وَ نضمن فيه الـ a+ !
وَ الله يسعــدكمْ ؛