تسكنت في كلية العلوم الطبيه التطبيقيه وابغى آعرف عنها معلومات / آحتاج مساعدتكم ؟

[dr.f.a.h]

السلام عليكم

اليوم نزلت نتايج التسكين والحمدلله تسكنت في كلية العلوم الطبيه
طبعا بما اني مستجدة ابغى اعرف اكثر واكثر عنها خصوصا اني بعد ما كلمت
اهلي لقيت شوية رفض منهم على انها مالها وظايف بعد ما تتخرجي والناس مكتفين
صراحة حطموني بعد ما كنت متحمسه
لفيت في القسم وعرفت الاقسام اللي في الكليه عجبني تخصص الاشعة التشخيصيه وباذن الله بقرأ عنو اكثر


بس عندي استفسارات بعد اذنكم
1 - سنوات الدراسه كم مع السنه التحضيريه ؟
2 - بالنسبه للبنات كيف الكلية من جوه كبيره تضيع ولا صغيره وفيها مباني زي الجامعه فرع السليمانيه ؟
3 - طبيعة اللبس يعني ايش نلبس ملابس عاديه ولا سكرب زي كلية الطب واذا فيه سكرب مهم لازم نلبسو كل يوم ولا عادي على كيفنا ؟
4 - الوظايف بكل صراحه هل اكتفو منها وصحيح انو في كثير متخرجين من ذي الكلية وجالسين في البيوت ؟
5 - هل اقدر اكمل ماستر بعد ما اتخرج من الكليه وهل فيه فرق بيني اذا اخذت ماستر وبين اللي اتخرجت بدون ماستر لما نتوظف ؟




معليش كثرت اسئلة بس اعذروني ما اعرف عن الكليه اي شي

[memo_o]

يا هلا وسهلا
نورتي كليتنا وكل اللي دوبهم اتسكنو كمان نورو

اول شي بالنسبه للوظايف مين قالك انو ما في وظايف
ياعمي انتي ادرسي وخلصي وخلي الباقي على ربك
وانا اتكلم عن قسمي يعني اللي هوا العلاج الطبيعي
انا سمعت العكس تماما قسم العلاج الطبيعي وضايفو كثيييره وكمان الاشعه
لانو كليتنا تخرج عدد قليل كل سنه
يعني تقريبا عشرين وحده

بالنسبه للاسئله

سنوات الدراسه 5 مع التحضيري ( سنه تحضيريه + ثلاث سنوات تخصص+ سنه امتياز )
كليتنا متوسطة الكبر يعني مهي زي الشطر بحر بس كدا ملمومه وتجنننننننننن
بس تضيع شويه بس بعد فتره تحفظي الاماكن اساسا لو جيتي عندنا مع احترامي للشطر حتقولي كيف كنت عايشه هناك


بالنسبه للسكرب انا احب البسو لانو مريح وطبعا نحنا نلبس سكرب كل كليه لها لون سكرب خاص فيها
واحنا كليتنا كل قسم فيها له لون سكرب يعني مثلا انا علاج البس سكرب تركواز والاشعه يلبسو عودي وكدا
مع الاب كوت طبعا ويمديكي لحالو ويمديكي ما تلبسينو اصلن ويمديكي تجي ببنطلون مافي شؤون مافي شي فللله على كيفك تلبسي اللي تبغينو
سؤال الوظايف قد جاوبتك عليه وانا اكلمك عن قسمي واللي اعرفو عنو اما باقي الاقسام مادري بس انتي الحين فكري في الدراسه وسيبي الوظايف ربك ببيحلها ان شاء الله

يب تقدري تكلمي ماستر لانو نحنا لما نتخرج من العلوم التطبيقيه نتخرج اخصائين ولو كملتي ماستر تتعلى رتبتك << حسيتي انك في الجيش هههههههههه انا حسيت
يعني تصيري شي اعلى من الاخصائيه ولو كملتي دكتوراه تتعلى وكدا
واكييييييد في فرق

[rory55]

وعليكم السلام

أولاً حياكي فكليتنا الجميلة أكيد حتنبسطي إن شاء الله
ثانياً..ليش إن شاء الله تحطمتي؟؟ الله يخليكي نحتاج شوية حماس و حتتحمسي أكثر لمن تنزلي ع الكلية
- بالنسبة لسنوات الدراسة: السنة التحضيرية+سنة ثانية+سنة ثالثة+سنة رابعه+سنة الامتياز اللي تكون كلها فترة تدريب في المستشفى
- الكلية ما تضيع ومبانيها مرة مرتبة وكل قسم له مبنى يداوم فيه على طول يعني مو كل محاضرة فمبنى.
- كل تخصص له سكرب بلون معين يعني:
تمريض:ابيض- تغذية:بنفسجي- علاج طبيعي:تركوازي- مختبرات:أزرق نيلي- اشعة:عودي
- بالنسبة للوظايف كل واحد ربنا كاتب رزقه يعني لا تقعدي تشغلي نفسك بدا الشي إذا عجبك تخصص معين أدخليه و توكلي على الله .
- أكيد تقدري تكملي ماستر بعد ما تتخرجي وطبعا حيكون في فرق بين اللي اخذ ماستر واللي اخذ بكالوريوس.
إن شاء الله اكون افدتك وأي أسئله تانية إحنا في الخدمة

[mesk al-shehry]

عندي سؤال بعد اذن صاحبة الموضوع,,
السكرب نلبسه كل يوم و لا فيه ايام محدده ؟؟

[Dr.Shaikhah]

^

السكرب مافي له ايام محدده البسيه على كيفك بس من رأيي لو كان عندك يوم تنزلو فيه المستشفى البسي سكرب لأنه استر ومو ضيق زي البناطيل


ومررررحبا بصاحبة الموضوع وان شاء الله تنوري قسمنا الأشعه =)

[Dr.selly]

^^^
نظاميا كل يوم xD
لاكن مزاجيا على راحتك xD

واحسن لك السكرب مريح وحلو وتحسي انك في كليه وتعيشي جوووك

[صدى الأحلام]

ع كيفگ اذا يوم تحبي تلبسي سكرب البسي و اذا تحبي تلبسي بنطلون البسي كلو راجعلك ترا ف الكليات الطبيه سهاله ف كل شي ف لا تشيلو هم

[mesk al-shehry]

يعطيكم الف عااافيه ما قصرتوا

الله يوفقكم و يسعدكم ,,,

[tr.z]

طيب عآدي البس ثوب :d

[Dr.candy]

المشاركة الأصلية كتبت بواسطة dr.f.a.h السلام عليكم اليوم نزلت نتايج التسكين والحمدلله تسكنت في كلية العلوم الطبيه طبعا بما اني مستجدة ابغى اعرف اكثر واكثر عنها خصوصا اني بعد ما كلمت اهلي لقيت شوية رفض منهم على انها مالها وظايف بعد ما تتخرجي والناس مكتفين صراحة حطموني بعد ما كنت متحمسه لفيت في القسم وعرفت الاقسام اللي في الكليه عجبني تخصص الاشعة التشخيصيه وباذن الله بقرأ عنو اكثر بس عندي استفسارات بعد اذنكم 1 - سنوات الدراسه كم مع السنه التحضيريه ؟ 2 - بالنسبه للبنات كيف الكلية من جوه كبيره تضيع ولا صغيره وفيها مباني زي الجامعه فرع السليمانيه ؟ 3 - طبيعة اللبس يعني ايش نلبس ملابس عاديه ولا سكرب زي كلية الطب واذا فيه سكرب مهم لازم نلبسو كل يوم ولا عادي على كيفنا ؟ 4 - الوظايف بكل صراحه هل اكتفو منها وصحيح انو في كثير متخرجين من ذي الكلية وجالسين في البيوت ؟ 5 - هل اقدر اكمل ماستر بعد ما اتخرج من الكليه وهل فيه فرق بيني اذا اخذت ماستر وبين اللي اتخرجت بدون ماستر لما نتوظف ؟ معليش كثرت اسئلة بس اعذروني ما اعرف عن الكليه اي شي

يا اهلن وسهلن بيكي في كليتنا ..

نظام الدراسة عندنا للكلية :

5 سنوات

السنة التحضيرية الي انتي خلصتيها + 3 سنوات دراسة + سنة الامتياز


مباني الكليات طبعا فرق شاسع عن وزارة السياحة والتشميس اقصد " فرع السليمانية " ومباني حلوة وراقيه ارحم بكثير الحمدلله .. وراح تحبي المباني لا تخافي وراح ترتاحي فيها
أماكن الدراسة ..
التمريض مبنى 8
والعلوم الطبية مبنى 12 و13 ودولا المبانين لازم تكوني فيهم بالطرحة لانه في اغلب الدكاترة الرجال فيها ..

السكرب ..

على اخر السنة بدأو يشددو على السكرب ونلبسه كل يوم ويكتبونا تعاهدات كمان
ومرة الزاااااامي علينا لاب كوت وسكرب بدون جينز .

الالوان :
التمريض : ابيض
المختبرات : ازرق نيلي
الاشعة : عودي
العلاج : تركوازي
التغذية: بنفسجي

اما بالنسبة لوظيفة ..
كلها ارزاق بيد الله .. لا تقعدي تشيلي هم من دحين كيف الشغل ومدري ايش
اذا انتي حابه التخصصص وعارفة ايش نيتك .. استخيري واتوكلي على ربنا

اما بالنسبة للماستر والبالكوريا ..
طبعا في ماستر في الكلية دحين فتحو عندنا ماستر تمريض وماستر مختبرات
طبعا في فرق في الدراسة وفرق في العمل وفي في كل شيء ..