سؤال مهم عندي .......

[مياسه]

بسم الله الرحمن الرحيم
معليش انا عارفه إني طفشتكوم بكثرة اسئلتي بس انا مااعرف إلا الشي القليل عن انظمة الجامعه
وبصراحه ردودكم مفيده جدا وهذا شجعني إني استفسر عن كل حاجه ما اعرفها
ابغى اعرف كل شي عن نظام( الحذف والاظافه)

[عــــامـــر]

امممممممممم اوكيه بصفه عاااامه الحذف ولاضافه لتعديل الجدول عادة يكون اول اسبوع في الترم تقدري تحذفي وتضيفي عن طريق الجامعه او النت وبعدهذا الاسبوع صعب انك تحذفي وتضيفي الا اذا كان عندك عذر ويكون عن طريق العماده او عن طريق واسطه فيتامين واو وتوجد فتره بعد ما يعدي نص الترم تنزل فيها اعلانات عن اخر موعد لحذف الترم لمن يريد وعادة يكون الحذف للعنده عذر لحذفه وممكن حذف الترم بواسطة فيتامين واو في اي وقت قبل الاختبار النهائي بكم يوم (ملاحظه الواسطات بدات تقل في الجامعه بسبب انظمة الكمبيوتر ههههه)
تحياتي

[نجمة الصباح]

زيادة على ما شرحه الاخ devil
بالنسبة للطلاب المستجدين لا يوجد حذف واضافة الا بالعسرررررررررر يعني لازم تمشين على الخطة على الأقل اول وثاني تيرم واذا تخصصت يكون لك الحق بالحذف والاضافة بس طبعا بعذر
بالنسبة لحذف التيرم او سحبه يكون تقريبا اخر موعد له هو بعد شهر من بداية الدراسة
وملاحظة يعتبر اجراء سحب التيرم اسهل اجراء تعملينه بالجامعة خخخخخخخخخخخخ
بس نصيحة لوجه الله ابقي على الخطة لانها وضعت عن دراسة وحكايات لخبطة الجداول حدث ولا حرج يعني يمكن يصير عندك اختبارين final في يوم واحد وما في احد رح يرحمك لانك ما مشيت على الخطة
وترى في مواد تعتمد على مواد يعني تسمى مواد متتطلبة للكورس الفلاني لازم تاخذينها قبل مواد محددة
والخطة مريحة اللي يمشي عليها بأنها مرتبتها حسب التسلسل فلا تطلعي عن الخطة وانت برااااحتك اختي

[أبو رواف]

اشكركم يا اخوان على الافادة

[السنيور ميدوو]

السلام عليكم ورحمة الله وبركاته

اضافة على شرح الاخوان ... في شي اسمه جدول مقفول و جدول مفتوح ...
يعني ماتقدر تسوي تغيير في الجدول الا اذا كان جدولك مفتوح و يعتبر مفتوح اذا خرجت عن الخطة الدراسية بطريقتين :
1 تاخد ترم صيفي ولو مادة وحدة بس و بكذا ما تمشي عليك الخطة الدراسية
2 ترسب في مادة لا سمح الله ...
وتصير زي الاولى .......وطبعا الله يخلي الواسطه
بعدها ممكن تتحكم في موادك و عدد الساعات ...الخ