أبي أسأل سؤال ممكن تدخلوا؟؟

[رندا البحري]

سؤال في المقابلة الشخصية دايما يجي؟
عرفي عن نفسك؟؟
بس أقول الإسم العمر مكان الميلاد الحالة الإجتماعية ومؤهلاتي العلمية
بس كدا
ولا أزيد كلام

[Fatema Alshareef]

والله ياقلبي ماعندي علم ياليت كنت اعرف وافيدك,,,,, وبما اني دخلت على موضوعك قلت ارد ,,,,

[رندا البحري]

شكرا يابنت جامعتي على مرورك الطيب

[Fatema Alshareef]

السكرتيره,, بعد اذنك سؤال خارج الموضوع,,, توك كنتي منزله موضوع شباب وصبايا لازم تدخلو

وينو ؟؟؟؟؟؟؟!!!!!!!!!!
استغربت اول مادخلت عليه قالي لاتملك صلاحيه لدخول هذا الموضوع,,,

اممممممم امكن نقلوه قسم ثاني ...

[رندا البحري]

أيوا جاتني رسالة إنهم نقلوا

[متطلع]

أي شيء تضيفيه يكون كويس ،

أنا عن نفسي لما يسألوني سؤال زي كدا ، أقول أنا انسان منضبط وعندي قدرة قيادية لو تطلب الأمر ،

يعني حاولي تتكلمي عن الصفات الإيجابية في شخصيتك ، لو انتي دقيقة في المواعيد ، ولو انتي تتقيدي بالأنظمة والتعليمات ، ولو انتي طموحة وتسعي للتقدم والرقي ،

يعني حاولي تكوني جريئة نوعا ما بحيث إنك تبيني للسائل إنك مفيدة لهم وممكن تقدمي أكثر من المطلوب منك للوظيفة مثلا .

طبعا ركزي على الأشياء اللي حتقوليها قبل ما تخشي على المقابلة ، شوفي هما إيش محتاجين وقدمي أكثر من المطلوب .

أتمنى أكون أفدتكم <<< خبرة مقابلات شخصية ^_^

[رندا البحري]

يعني مثلا أنا أقول انا فاطمة محمد الشهري عمري 23سنة ومن مدينة جدة ومؤهلاتي درجة البكالوريوس من كلية الإقتصاد المنزلي قسم الملابس والنسيج من جامعة الملك عبد العزيز وطموحي إنو أكمل ماجستير في مجال تصميم الأزياء وسبب تقديمي للعمل تطوير مهاراتي وقدراتي في مجال تخصصيكدا كويس ولا لأ؟؟؟

[funtoon]

^

يعني حاولي تتكلمي عن الصفات الإيجابية في شخصيتك ، لو انتي دقيقة في المواعيد ، ولو انتي تتقيدي بالأنظمة والتعليمات ، ولو انتي طموحة وتسعي للتقدم والرقي ، يعني حاولي تكوني جريئة نوعا ما بحيث إنك تبيني للسائل إنك مفيدة لهم وممكن تقدمي أكثر من المطلوب منك للوظيفة مثلا .

ولآ تهرجي فـ سلبيآآتك أبدن ،، حتى لو عندك درزن سلبيآت

ركزي ع الإيجآآآبيآآت أكتر شي بس طبعًا مو تتصنعي =)

وبالتوفيق ،،

[متطلع]

المشاركة الأصلية كتبت بواسطة السكرتيرة(البحري) يعني مثلا أنا أقول انا فاطمة محمد الشهري عمري 23سنة ومن مدينة جدة ومؤهلاتي درجة البكالوريوس من كلية الإقتصاد المنزلي قسم الملابس والنسيج من جامعة الملك عبد العزيز وطموحي إنو أكمل ماجستير في مجال تصميم الأزياء وسبب تقديمي للعمل تطوير مهاراتي وقدراتي في مجال تخصصيكدا كويس ولا لأ؟؟؟

حلو بس ما اتكلمتي عن إيجابيات شخصيتك ( وحطيها قبل الطموحات ) ، وحاولي تشرحيلهم ليش قدمتي عليهم بالذات ، يعني مثلًا: اخترت إني أقدم عندكم لأن بيئة العمل عندكم أفضل شيء وجدته يناسب طبيعة عملي...

[رندا البحري]

thank you very much