استشارة ضروري

[مجبورة أدخلك]

الله يسعدكم ابغا استشيركم أنا الحين خلصت المستوى الرابع كلية الاعمال في رابغ تعليم عن بعد والحين افكر احول انتظام بس عشان احول لازم ادرس ترم بالفيصلية تخصص غير اللي ادرسه الان واجيب فيه معدل وبعدين يحولوني للسليمانية تخصصي الاول اش رأيكم اسوي اللفه هذي كلها او اكمل تعليم عن بعد وخلاص ياريت أحد يتفضل علي برأيه

[عبدالله 7z]

المشاركة الأصلية كتبت بواسطة مجبورة أدخلك الله يسعدكم ابغا استشيركم أنا الحين خلصت المستوى الرابع كلية الاعمال في رابغ تعليم عن بعد والحين افكر احول انتظام بس عشان احول لازم ادرس ترم بالفيصلية تخصص غير اللي ادرسه الان واجيب فيه معدل وبعدين يحولوني للسليمانية تخصصي الاول اش رأيكم اسوي اللفه هذي كلها او اكمل تعليم عن بعد وخلاص ياريت أحد يتفضل علي برأيه

اختي تستطيعي التحويل انتظام لكلية الاعمال برابغ نفس تخصصك

واذا كنتي حابه تحولي لكلية الاداب بجده فما راح يسمح لك النظام تحولي لاي تخصص اخر خارج كلية الاداب بالفيصيله وطبعا نفس تخصصك هو متاح في كلية الاقتصاد والاداره ولكن نظام عمادة القبول والتسجيل لا يسمح بتحويل المحولين من انتساب وتعليم عن بعد الى كلية الاقتصاد والاداره ويمكنك التاكد من عمادة القبول والتسجيل

بالتووفيق ان شاء الله

[مجبورة أدخلك]

انا رحت وكلمتهم قالوا لي روحي الفيصلية وجيبي معدل 5 لانه هذا المعدل اللي طالبته كلية الاقتصاد والادارة بالسليمانية بعدين ان شالله تحولي بس قالوا كمان هذا الكلام الان ماندري اش قرارات جديدة تطلع بعد كذا..
فالحل اش اسوي ؟

[مجبورة أدخلك]

وبالنسبة للتحويل لرابغ ياريت بس انا في جدة وكمان قالوا الدراسة انتظام بالانجليزي وانا صراحة في الانجليزي مش قد كذا

[عبدالله 7z]

المشاركة الأصلية كتبت بواسطة مجبورة أدخلك انا رحت وكلمتهم قالوا لي روحي الفيصلية وجيبي معدل 5 لانه هذا المعدل اللي طالبته كلية الاقتصاد والادارة بالسليمانية بعدين ان شالله تحولي بس قالوا كمان هذا الكلام الان ماندري اش قرارات جديدة تطلع بعد كذا.. فالحل اش اسوي ؟

والله يا اختي زي ما قلتي هذا الكلام غير مضمون ، ، ، ولكن انا اشور عليك بما ان بقدرتك تحولي انتظام وحتى لو استمريتي بكلية الاداب فهي افضل لك من شهادة التعليم عن بعد
، ، ، ولكن لا تعلقي نفسك بالتحويل لكلية الاقتصاد والاداره لان الشي هذا ضعيف ، ، ، وعلى فكره حتى دراسة كلية الاقتصاد والاداره الانتظام انجليزي ، ، ، الان اغلب كليات الانتظام انجليزي ما عدا التخصصات العربي ، ، ، لا تخلي اللغة الانجليزيه عائق لك توكلي على الله وتعلمي اللغه مو صعبه

استخيري واستشيري والله يكتب لك الخيرر

[مجبورة أدخلك]

صعبة اكمل بالاداب اصلا انا علمي .. انا قدمت اوراقي واذا ردو بشوف ساعتها وشكرا على ردك