الجداول للترم الجاي و رمو ز المواد الحره و ايش هيه ؟؟!! ((( بنات الاحياء )))

[أحلى حلم ...]

بسم الله الرحمن الرحيم

السلام عليكم ورحمه الله وبركاته }~

يابنوتات كيفكم ؟! و أيش أخباركم ؟

المهم أبغى أعرف إذا وحده منكم سألت مرشدتها او الاستاذه سحر أو الدكتوره عواطف
عن متى راح تنزل أسماء الدكتورات مع الشعب ؟!؟ علشان نفكر نختار مين !
و نعرف نختار شعبنا لانه خايفه انهم ينزلوا اسمائهم بعد ما تتقفل الشعب و تتعبى زي الترم اللي فات >_<
وصراحه أنا خايفه من العربي لان اللي درستني قبل <<< عقدتني من العربي {الله يسامحها ~ والحمد لله على كل حال
علشان كذا ياليت اللي تقدر تسأل مسؤله الادخال سحر او عواطف <<<< يارب في احد يقدر -_-"!
وكمان المواد الحره أيش اللي معانا ؟!؟ لا يكون زي الترم اللي فات يعلقوها على الباب و البنات يختاروا وياكثر اللي تلخبط جدولهم بعد ماتعبوا رتبوه بسبب التعارض و هالكلام ؟!! <<< أسألوا بليز وقولوا أيش اللي قدرتوا تحصلوه من إجابات :) ~
و أبغى أعرف أيش هيه رموز و أسماء المواد الحره المسموح أختيارها <<أحتمال أنوه مو كل شيء نقدر نختاره زي البنات اللي قبلنا أعتقد انهم أنهم اختاروا من مواد محدده لهم !
و كمان مو ملاحظين ان الكيمياء الحيوي مو موجود رمزها ؟!! مع انوه في الخطه موجود أننا ندرسه في الترم الرابع ؟!؟

يلا استنا أجاباتكم يابنات البايو المستوى الثالث خاصه بعد ماتسألوا مرشداتكم و غيرهم <<< حتى انا بحاول اسأل و أقلكم أيش قالوا

وربي يسهل لنا و يوفقنا لكل خير

[أحلى حلم ...]

ولا حتى رد واحد بس ؟!!
فينكم يابنات ؟! لان هالكلام مهم !!

[عزة نفسي_تكفيني]

وعليكم السلام ورحمة الله وبركاته


الله يعينكم على هم الجداول

وان شاءالله البنات مايقصروا معاكـِ ويفيدوكـِ

وطمنيني يالغلاا كيف القسم ان شاءالله انبسطتي وأرتحتي فيه

^_^

[omniha1]

السلام عليكم ورحمة الله وبركاته
كيفكم بنات وكيف الاجازة
حياتي انا كلمت مرشدتي وقالتلي اضيف هذه المواد

1. معمل احياء 281 bio(غير الي درسنها في الترم الاول )
2. معمل كيمياء 281 chem (غير الي درسنها في الترم الاول )
3. جيلوجيا الخلية 222bio (اضنهم نزلوا اسماء 3 دكاتر للبيلوجيا )
4. كيمياء حيوي bio 371 (قالت انها راح تنزل قريب)

1. عربي 202 ARAB

واذا اي واحدة لاسمح الله حاملة مواد تقدر تدرسها دا الترم يعني مو ضروري صيفي
اما المادة الحرة فقالت انهم راح ينزلوا عنها اعلانات في الجامعة (يعني فتحوا عيونكم )
وإن شاء الله اكون افدتك ولو بشئ بسيط

[دنيا غريبه عجيبه]

صحيح حتى انا قالو لي كذا بس المواد الحره ارسلتهها لي المرشده على الايميل لكن ماني عارفه ايش اختار
وغير كذا ..
نبي نعرف مين الافضل الى تدرس بيولجيا الخليه ((اسم دكتوره طيبوبه))
وكماااان عربي 2 نبي نعرف مين الى درستها عربي وكانت الاسئله حلوه انا بصراحه اهم شئ العربي بعد الى شفته الترم الى راح والعذاب الى تعذبته مع دكتورتنا ..

وكمان كيمياء حيويه ومين كويسه من الدكتورات
وبــــــــــــــس في انتظاركم تردون يلا المستوي الخامس والسادس نبي مساعدكم معنا
وقولو لنا مين الدكتورات الكويسات بليييييييز

[حساسة بس الماسة]

انا مادرست عربي 1 مين احسن دكتورة ردو عليا

[omniha1]

معليش اختي دنيا اذا عندك اسماء المواد الحرة نزلي اسماءها ورموزها عشان كلنا نستفيد

[{،،Rind،،}]

انا مادرست عربي 1 مين احسن دكتورة ردو عليا

ابعدي قد ما تقدري عن ساميه الذكير...اسألتها اسأله تخصص ومرا صعبه....
درستني السمستر اللى فات..ويارب ما اطب فيها ذا السمستر كمان





شعب المواد الحرة
مشرفتي ارسلتلي جدولين وهذولا هم...!!



hhm 211 تاريخ أثاث وتصميم داخلي
hhm 320 إدارة المشروعات الخاصة
hhm 321 العلاقات الأسرية
hhm 322 اقتصاديات الأسرة وترشيد الاستهلاك
hhm 420 إدارة مؤسسات الإعاشة



الجدول الثاني..

fnu 111 أسس تغذيه
fnu 426 تغذية مجتمع


العربي202 لسا مانزلو شعبه صح..؟؟

[omniha1]

شكر يا عسل علي الشعب مرة افدتيني
ونفسي اسألك اقدر اطنش المادة الحرة ما اضيفها دا الترم واذا لا اقدر اختار اي مادة من الي فوق يعني مو ضروري انحبس بين تغذية المجتمع او اسس تغذية

وياريت اي احد درس دي المواد يفيدنا بالتفصيل الممل
اما شعبة العربي فرمزها arab 201 مو 202 ونزلت من اول

[أحلى حلم ...]

تسلمو حبايبي على تفاعلكم ماتدرو قد أيش فرحتوني بردودكم ...

hhm 211 تاريخ أثاث وتصميم داخلي hhm 320 إدارة المشروعات الخاصة hhm 321 العلاقات الأسرية hhm 322 اقتصاديات الأسرة وترشيد الاستهلاك hhm 420 إدارة مؤسسات الإعاشة الجدول الثاني.. Fnu 111 أسس تغذيه fnu 426 تغذية مجتمع

طيب ياعسل كيف أوقاتها ؟؟ علشان نعرف نرتب الجدول ؟!
و ايه أسهل ماده ؟َو العربي خايفه أختار شعبه فيها ساميه >_< درستني قبل كذا ... الله يسامحها