بخصوص مادة التدريب التعاوني .. وصلني رد (د/زينب السحيمي )

[غروووومة]

أخباركم ياحلوووين

بعد سالفة موضوع خبرين .. اللي يخص سالفة التدريب ..

أنا تحمست أول مرة أسويها .. رسلت لدكتورة زينب رسالة وماكنت أعرف إنهم غيروها ..
المهم إنها طلعت عسوولة وتجاوبت معايا ..
وهذا كان ردها...

السلام عليكم ارسلت ما طلبتم لسعادة وكيل الكلية للتطوير د. سليمان آل الشيخ وهذا رده

السلام عليكم ورحمة الله وبركاته

مادة التدريب التعاوني هي مادة الأصل فيها أن تكون متاحة لجميع طلاب البرنامج ولكنها مادة اختيارية يمكن للطالب الاستعاضة عنها بدراسة ثلاث مواد اختيارية في التخصص

ولكن هذه المادة لها شرط هام وهو أن يعمل الطالب بإحدى منظمات القطاع الخاص متفرغاً لمدة فصل دراسي كامل دون أن يسجل أي مواد أخرى خلال فصل التدريب

هناك تحدي كبير ستواجهه الكلية في تأمين العدد الكافي من الفرص التدريبية حيث أن عدد طلاب وطالبات دفعى 2010 يفوق الستمائة طالب وطالبة

فكيف سنستطيع تأمين هذا العدد من الوظائف التدريبية

ستقوم الكلية ببذل أكبر الجهد لتأمين أكبر عدد من الفرص التدريبية وبعد ذلك ستضع الكلية آلية لاختيار الطلاب المناسبين لأخذ مادة التدريب التعاوني وتحجب المادة عن الباقين

علماً بأن معايير الاختيار لن تكون محصورة في المعدل التراكمي للطلاب كم ذكر في رسالة الطالبة بل سيتم إجراء مقابلات شخصية لاختيار الأنسب من الطلاب

مع تمنياتي لجميع الطلاب بالتوفيق

يعني السالفه كلها من تحت راس سليمان آل الشيخ ..

روحوا تفاهموا معاه..

قال أيش .. قال تطوير

[أنثى وحيدة]

لاحول ولاقوة الابالله العلي العظيم

غروومه طيب مين سارت وكيلة الكليه نبغى نرسل بخصوص الترم الصيفي ضروري

[alza3eem]

لا من جد كيف بيجيبون وظايف ل 600 طالبه وطالبه

بس انا سمعت انه اذا احد جاب موافقه من شركه بتوظيفه وكذا يعني يقدر يدخل

[Joda Majed]

كلامها مقنع تماما ،

بعدين كل حاجه بالجامعه يطلبو فيها اول شي المعدل المعدل المعدل .. بالابتعاث بالتخصص بكل شي يطلبو معدلك

اذا ماوقفت على التدريب بس

بعدين المعدل هوا كرتك الرابح بالجامعه وبالوظائف وبكل حاجه ،، ارفعي معدلك كل شي ينفتح قدامك

لاتفكرو من الان للمستوى التاسع اش بيسير فيه ،، فكري كيف حترفعي معدلك وحطيلك خطه بحيث ان الهدف فيها التدريب

وماحتوصلي للتدريب الا بالمعدل المرتفع اذا اشتغلي عليه هالفتره لين ماتوصلي لترم التاسع ..

بعدين لسا قدامك سنه دراسيه كامله .. خخخخ يامن يعيش ويامن يموت فيها " الله يطول بآعماركم "

ربي يوفق الجميع

تسلمي ياحلوه على التوضيح ؛

[Alaa Al ghamdi]

يعطيك الف عافيه غرومة
الله يكتبها لنا ان شاء الله
بس تخيلو نستنى وماناخذ اختياري واخرتها ماننقبل

انثى صارت نجاح سلامة حقت التسويق

[_OCTOBER]

اللي يقدر يجيب شركة , يقدر يتدرب فيها .
واللي مايقدر , يرجع للجامعة وعلى حسب الامكانية يتدرب .
فهمنا

ولكن ...
600 ؟
ويحك ياخي !!
الطلاب في الكليات الاخرى يتخرجون على دفعات 20 او 25 او حتى 15
اما نحنا 600 بسنة وحدة , ليه بنغزو العالم !!!
اذا قصدها على الدفعة كلها بجميع تخصصاتها
ايش دخل فرص تدريب المحاسبة بفرص تدريب المورد البشرية مثلا !!
بعدين هل الدفعة كلها راح تتخرج بنفس الوقت ؟ , ايش العبقرية دي

المفروض يكون كل قسم مع طلابه
وابعدو عنا ال شيخ دا , الادمي متخرج من "ادارة اعمال" وحالته حاله ..
قاعد يطبخ لنا بمواد القسم ولاهو فاهم حاجة ..

.
.

[يارب افرجها من عندك]

من جد صح كلام اكتوبر


كل احد في قسم وحسب اخر مرة في التخصصات كلمت استاذة امال ابغى احول قسمي

قالت ماينفع عشان كل قسم دخلنا فيه عدد 40 طالبة ومجموع دفعة 10 للطالبات 309 بنات

يعني غير انه كل مجموعة حيتدرب في قسم وغير انو الاولاد ماحيكونو مع البنات وغير انو كل احد فينا ماحنتخرج مع بعض

التدريب اصلا قائم على انه اول شي تجيب موافقة من الشركة اللي بتدرب فيها بعدين توديها لأستاذة المادة وكده

يعني اول شي 600 ونصنا بنات ونصنا اولاد
تاني شي مو كلنا حنتخرج في نفس الوقت
ومو كلنا نفس التخصص
ومو كلنا حنتدرب في نفس الشركة
وبما ان الشركة موافقة انتو ليش شايلين همها؟ انو حنكون كتار عليهم

يعني الين متى الظلم دا يعني خلينا نفرض بنات كليةة العلوم كتيرين جدا وكل احد في قسم اللي كيميا واللي فيزيا واللي احيا واللي كيما حيوي
ليش مانجي نقول نشيل عنهم التدريب عشان المستشفيات ماتكفي !!

وبخصوص انو يقول المعدل مو لوحده بنسوي مقابلات شخصية
يعني بنضحك على بعض!!
في موضوع الابتعاث قلتو نفس الكلام وماسوو المقابلة الا بعد مااختارو الناس بالمعدل

خلي الواحد ساكت استغفر الله عالظلم بس

[battota]

^^

تسلمي عالتوضيييح

[girl.k.s.a]

اييييييييييييييييييييييييييش
مقآبلة شخصية للتدريب !!!
طيب ليش مآ يعملوآ مقآبلة شخصية لكل مآدة يشوفوآ نقدر ندرسهآ والا لا مو أحسن ؟

من جججججججد يآ صبر الأرض عليهم
^
أبعدوآ الإسعآف جآي

[موفقة يارب]

^
^

.. من جد هوآ دآ اللي بآآقيلهم يسووهـ أصلًا ><

.. بصرآآحة الكلآآم مررة مآآ أقنعني ,, و أنــآ مع اكتوبر في كل الكلآآم اللي قـآآلو ..

.. الله يخآآآرجنـــآ بس من قرآآرآآتهم المستفززززة دي ..