لخبطة العيتاني

[ابو ديم]

المشاركة الأصلية كتبت بواسطة أبو حسام والله انك صادق انا اخذت مادتين عند كاسر وجبت فيهم فوق 90 مع انو اسلوبه في الكلام جاف لكن يعطيك حقك اما بالنسبه للعيتاني انا اقولك وش سالفته كل اللي يمدحونه طلاب مستواهم جيد واقل ولا يكونو من الطلاب اللي ما يذاكرو وينجحو مع هؤلاء الدكاتره فالدكتور اللي يعطي درجات من راسه يكون دكتور ذو اخلاق عاليه بالنسبه للي ما يذاكر او غير مجتهد ويكون متوقع انو راسب اما بالنسبه للطلاب اللي حريصين على درجاتهم ومعدلاتهم فهو يخسف بهم لانه بيكونو عنده جميعهم بمستوى واحد وما يفرق مابين المذاكر والغير مذاكر

هذا كلامي وتحليلي للموضوع !!! تبي النجاح وبس خلك مع هالدكاتره تبي تجتهد وبمجهودك تأخذ درجات ابعد عنهم

طيب انا وش ذنبي لمّا اكون طالب مجتهد وأسعى للحصول على معدل عالي يرضي طموحي وافخر فيه انا واللي يحبوني !! وبالأخير يجيني واحد يعطيني درجة النجاح وكأن هذا اقصى طموح طالب الانتساب !!!

دخلنا انتساب مو يعني اننا سيئين !! ولا يعني اننا نبغى ناخذ شهادة والسلام !! ولايعني اننا نبحث عن السهوله في الحصول على الشهاده !!


احنا ناس عندنا ظروف منعتنا اننا نكمل تعليمنا انتظام !!!
عندنا وظائف متمسكين فيها لاخر نفس !!
عندنا أسر ينتظرون مننا الكثيييييييييييير !!!

قد نكون او متأكد انه فيه منّا ناس افضل بمراحل من طلاب الانتظام بتفوقه واهتمامه !!

لكن للأسف نظرة الدكاترة القاصره اللي تحط الناس ( طلاب الانتساب ) بقالب واحد وبوعاء واحد انهم كلهم يبغون شهادات عشان وظائفهم وبأي معدل !!!


ياأخي أنا ماراح تنفعني شهادتي بوظيفتي ولا لها اي علاقة لا من قريب ولامن بعيد ، لكن طموحي ماله حد !! ودخلت الجامعه برغبتي وعشان نفسي!!


كل اللي ابغاه انك تعطيني حقي وبس !! ماابي منك زياده ، اقصد حقي من وضوح الاسئلة !! ومن تصحيح الاختبار !! ومن احترام الطلاب في القاعات !!واحترام وقتهم !! وابعاد النظرة الدونية اللي يتمتع فيها كثير من دكاترة ومراقبين الجامعه لطلاب الانتساب (كأننا عيال البطه السوداء )!!


اخوكم المغبون / أبو ديــم

[ااالسكب]

ياخوان والله الاسئله كان فيها لف كثير والسؤال اذا قريته من اول مره تجد له اجابه واذا دققت وقريته مره ثانيه له اجابه مختلفه تماما المشكله اننا دخلنا الاختبار والهاله الاعلاميه اللي من الطلاب للدكتور اثرت على الاغلبيه وكان مردودها في الاختبار سلبي جدا ......لكن ياخوان اللي كان مستعد ومذاكر الماده وفهم المكر واللف والدوران اللي في الاسئله بيجيب الدرجه اللي يتوقعها هذا مجرد راي والاختلاف لا يفسد للود قضيه

[طلعت الشهري]

دخلنا انتساب مو يعني اننا سيئين !! ولا يعني اننا نبغى ناخذ شهادة والسلام !! ولايعني اننا نبحث عن السهوله في الحصول على الشهاده !!
صح لسانك ....
نحتاج مادة واقترح إنك أنت تقدم الدورة التأهيلية لها
وهي ضبط انفعالات وعواطف طلاب الانتساب
جبت اللي في خاطري
الله يجعل التوفيق حليفك
وليت الشباب اللي يطيرون في العجة
يعتبرون



احنا ناس عندنا ظروف منعتنا اننا نكمل تعليمنا انتظام !!!
عندنا وظائف متمسكين فيها لاخر نفس !!
عندنا أسر ينتظرون مننا الكثيييييييييييير !!!

قد نكون او متأكد انه فيه منّا ناس افضل بمراحل من طلاب الانتظام بتفوقه واهتمامه !!

لكن للأسف نظرة الدكاترة القاصره اللي تحط الناس ( طلاب الانتساب ) بقالب واحد وبوعاء واحد انهم كلهم يبغون شهادات عشان وظائفهم وبأي معدل !!!


ياأخي أنا ماراح تنفعني شهادتي بوظيفتي ولا لها اي علاقة لا من قريب ولامن بعيد ، لكن طموحي ماله حد !! ودخلت الجامعه برغبتي وعشان نفسي!!


كل اللي ابغاه انك تعطيني حقي وبس !! ماابي منك زياده ، اقصد حقي من وضوح الاسئلة !! ومن تصحيح الاختبار !! ومن احترام الطلاب في القاعات !!واحترام وقتهم !! وابعاد النظرة الدونية اللي يتمتع فيها كثير من دكاترة ومراقبين الجامعه لطلاب الانتساب (كأننا عيال البطه السوداء )!!


اخوكم المغبون / أبو ديــم [/quote]

[ابو ديم]

المشاركة الأصلية كتبت بواسطة ااالسكب ياخوان والله الاسئله كان فيها لف كثير والسؤال اذا قريته من اول مره تجد له اجابه واذا دققت وقريته مره ثانيه له اجابه مختلفه تماما المشكله اننا دخلنا الاختبار والهاله الاعلاميه اللي من الطلاب للدكتور اثرت على الاغلبيه وكان مردودها في الاختبار سلبي جدا ......لكن ياخوان اللي كان مستعد ومذاكر الماده وفهم المكر واللف والدوران اللي في الاسئله بيجيب الدرجه اللي يتوقعها هذا مجرد راي والاختلاف لا يفسد للود قضيه

ياحبيبي احنا مااختلفنا انه الأسئلة فيها لف ومكر !!!

بس اختلافنا او نقطتي انا ، ليه كل هالمكر واللف !! انت جالس تختبرني اي كيو ( اختبار ذكاء ) والا مادة اسمها ادارة الاعمال الدولية !!!

من حقك تحط اسئلة مابين السطور ومن حقك تحط من الكتاب اللي انت محدده لكن مو من حقك تخطئ بالسؤال او تخطئ بالاختيارات الصحيحه وانا اتحمل النتيجه !!!

ولا من حقك تحط لي سؤال اجابته تحتمل خيارين او معنيين وتبغاني ادخل مخك وافهم انت وش تقصد من السؤال !!!

ولامن حقك تعتبرني طالب مذاكر اي كلام وابي انجح وتعطيني درجه اي كلام !!!

عزيزي / رأيك احترمه ، لكن طريقة الاختبار والدوران اللي فيه مثل ماسميته ابداً مااحترمه !!

[مايسترو الرياض]

العيتاني مايغير في اسئلته كل ترم

لكنه يلعب بالألفاظ مابين السطور (ماعدا) (إلّا) (لا)

والله صديقي عااآادل ظالمه هالعيتاني لكن سنقيم مظاهره في الحرم الجامعي (سلميه) (سلميه) (سلميه)
انا اختبرت عنده منظمة تجارة عالميه وعطاني ٨٤

يمقن انها درجتي ويمقن انا مظلوم 

[aboodi70]

انا مابي اظلمه لكن ذاكرنا ودققنا وعارفين انها اسئله ذكية (مع اني اشو انها اسئلة فيها من مدري وش اوصفها صراحتآ)..

الله ييسر الامور ويعدلون الدرجات لأني راسلته وطلبت منه النظر في الموضوع وربي قادر على كل شيء...

[مايسترو الرياض]

ارسلتو له ايميل والا معامله الكترونيه ؟

علمونا خلونا نجيه مجموعه لعله يأنّبه ضميره ،،،

وإلا ترى الاعلام جاهزه  والشباب بينزلون الشوارع ، ولو لعيون عادل ماحسبنا وش يصير 

[العلم نور والجهل ضلام]

ياشباب ارسلت له رساله ع جواله بعد السلام والتحيه د/فهد تحصيلي العلمي بأدارة الاعمال الدوليه 78 لو مساعدني بدرجيتين عشان ارفع المعدل وجزاك الله الجنه

رد الدكتور أخي تحصيلك العلمي في الماده هو62 بعد اضافة16درجه لجميع الطلاب وصلت78

يعني انا ماخذ62 وش خليت لمالية شركات 96 ادارة عمليات 92 سبحان الله والنظريه 62 ههههههه شر البليه مايضحك

[aboodi70]

انا ارسلت لأميله وطلبت منه يتأكد من درجتي على الاقل..
ولا قد رد لي من امس..!!؟؟

انا متأكد درجتي مرتفعه ولو نزلت ماتوصل للـ 78..؟
اقل شيء 85 لكن يارب يعدلها عندي امل وثقتي بالله كبيرة قبل كل شيء

[ساري111]

اقول حسبي الله ونعم الوكيل
والله ظالمني
اسدح رقمه هنا ونبغى اي واحد متضرر يرسل له او يكلمه عشان يحس انه ظالم
واي واحد يكلمه يعلمنا وش صار معه