لكل اللي جآب +90 في ليفل 4

[حلم دكتورهـ]

آلسلآم عليكم ...



لكل اللي جآب +90 في ليفل 4 ...


يآليت تسآعدونآ كيف طريقه المذآكره للقرمر والفولكابري للسبيكنج والرايتنق ؟؟!!


نتصحونآ في ايش ؟؟! ايش شئ ممكن يسآعدنآ يآليت تفيدونآ ..


آلله يسهل كل آموركم يآرب..

[Dr.joody]

وعليكم السلام ورحمة الله,.
هلا أختي,,أنا الحمدلله كنت ليفل4 وجبت +90
القرمر تقريبا نفس قرمر ليفل 3 على توسع ..بس حاولي تفهميها تمام لأنها تلخبط شوي
ماتعرفي متى تستخدمي قاعدة عن قاعدة إلا إذا فهمتيها صح..
وإذا عندك أي مشكلة بالقرمر.. فيه ملخصات د.خالد السيد مرة كويسة..
الفوكااااابلري أهم شيء ..كلمات ليفل فور جدااااا كثيـــــــــرة..
وكان يجينا حتى بعض الكلمات الموجودة بالقطع..
حاولي تغطي عالوورد لست .. لانها شاااااملة للكلمات..

أتمنى لك التوفيق أختي.. :)

[Ahmed Abdulaziz]

اهلا اختي :)

بالنسبة للقرامر الملخص اللي في اخر الكتاب حيفيدك جدا بس ركزي في القوااعد كويس وحلي عليها التماارين اللي في السي دي اللي يجي مع الكتاب

الفوكابلاري برضوا تحاولي تعرفي كل معااني الكلمات الجديدة عليكي وموجودة في الكتاب وبرضوا حلي الاسئلة اللي في السي دي على الفوكابلاري حتفيدك

السبيكنج التيتشر حتدربكوا عليه قبل ما تختبروا .. وهوا عبارة عن موضوع معين يعطوكي 5 دقايق تفكري ايش ممكن تقولي وتطلعي قداام زملائك تكلمي عنه في مدة من 3 ل 4 دقاايق اهم حااجة فيه انك ما تسكتي ابدا ابدا قولي اي حااجة (( في نطااق الموضوع)) مثلا في اي موضوع ممكن تتكلمي عن وجهة نظرك فيه عن وجهة نظر غيرك فيه .. وممكن تنسبيه للماضي او المستقبل او الحاضر .. تقولي ايجابياته وسلبياته .. اي حااجة بس تكوون في نفس الموضوع واخر السبيكنج ممكن التيتشر يسالك سؤالين سهلين عن الموضوع .. هوا سهل بس اهم حااجة تدربي وما تسكتي ابدا

الرايتنق ما اعرف اذا كنت حفيدك فيه بس حاولي لا تغلطي في تهجئة الكلمات و المسافات وتحسني خطك في الكتابة والتنسيق وتحطي بداية الاسم حرف كابيتال وهكذا , وكماان لا تنسي ترااعي القوااعد وحااولي تخلي السبيكنج بسييط على قد ما تقدري ((بسيط في اللغة وليس الكم))يعني لا تتفلسفي وتحاولي تعبري بكلمات صعبة وقوااعد ممكن تغلطي فيها .. يعني عبري عن مقصدك بابسط صورة ممكنة واتدربي كويس مع التيتشر واي حااجة عندك اشكالية فيها ارجعيلها تفهمك ((انشبيلها ))

ولو محتااجة اي شئ تاني موجودين

بالتوفيق ^^

[قياس ×]

الحمدلله كنت ليفل 4 الترم الأول وجبت 97 .


ما عندي طريقة معينة لأني كنت احب اللغة من صغري ... فما كنت اذاكر لأني كنت فاهم الحمدلله .


لكن في طريقة كنت استخدمها عشان افرق في بعض الحالات الاستثنائية في بعض القواعد . والطريقة هي اخر صفحات في الكتاب الي هي اصلا ملخص للقواعد . الحلو فيها انها تقسم كل قرامر بحالاته ومثال عن كل حالة . هذا فادتني كثير بحيث انها ما تاخذ وقت وتفيد وفي نفس الوقت .


داري اني ما افدتك ^^

[3zzouzz]

انا عن نفسي ذاكرت من ملخصات خالد السيد
وجبت درجة مرة حلووو بس ربي ما كتب لي +a

جربيها ما حتندمي هيا قواعدها كثيرة وتلخبط لكن مفيدة جدا !!

انا اخذت الليفل في النص الاول للترم هذا ، الميد تيرم للامانة
جاء اختبار سهل مع فوكاب صعب جدا جدا للاسف
الفاينال كان كل شيء سهل بس القرامر صراحة صعب

يعني هما يسهلوا ويصعبوا ، لكن القرامر ممكن يتغطى
اما الفوكاب لو ما تذاكري الوورد ليست اول بأول وتحفظيها مزبوط
راح تتعبي .. ركزي ع الفوكاب شوية

بالتوفيق

[حلم دكتورهـ]

^
^

آلله يوفقكم ويسعدكم ويسهل كل اموركم ... مررآ شكرآآ

[jono]

أنا خلصت ليفل و الحمدلله 90 مع اني كنت متوقعه أكتر بس الله كاتبها كذا

ملخصات السيد http://gamal-alsaadi.com/vb/showthread.php?t=39

مرى كويسة و اهم شي ما تضغطي نفسك يوم الاختبار ! , لا حاولي تقري و تراجعي بين فترة وفترة

و السي دي + الموقع مرى يساعدو


الله يوفقنا