ساعة لقانا وصدت العين كأنها ليه؟

[mobarak0911]

سار القلم نازف بدمعه والقلب محتار
يشاكي الصفحه والعيــــــــن تسقيـــه

غيبة وعي والا جرح جديد ماصــــار
تاهت امالي والا بارت بي امـــــــانيه

توسمت بالــروح جفوه كما كية النار
ســاعة لقانا صدت العين وكأنها ليه؟

هونك يالغلا لانيب جزاع ولا صـــبار
ليه هالصده ودمعتك بالخـــد تكويـــه

حكمتني بحكمك و جار بالروح جــبار
وخليتني زول(ن) مقفي وتلتفت فيـه

و دارت بي الوقفه والـــكون بــي دار
حتى القدم خانت و الخطا ما تجــاريه

وعودت بجرح(ن) ساطي و سيـــار
بعروقي العوج و ما شاف ينحيــــــه

و دامت بي همومي والشوق كسـار
كسار في قلب(ن) ضاقت محـانـيه

نوره!!! غيابك عني ولا به اعـــذار
خطيه و تجريح لخلك اللي مصــافيه

طاشت بك الدنيا بلا أسناع و أقــدار
وخل(ن) يشاكي جروحه و تشاكيه

سائلك بالله لا تــــــوردني على كار
كفاني ما حصل أول زماني و تاليه