✿{ من الثانويـة لـ كليـة ! .. والمجموع قــرب ع الـ 100}✿

[ǁ غــلأآإ ، رٍوٍحــي ǁ]

(( والله ماأدري ايش اتخصص!! لسه بدري قدآمي مشوآآآآآر ؟! )) (( خلوني أخلص الثآنويه ، وبعدين افكر ايش اتخصص )) (( بعد ماأدرس التحضيري ، يصير خير .. لسه قدآمنا سنه )) (( يآفلأآن نسبتك عآليه ، يلآ طب ولا هندسه ؟! )) (( انا احب كل التخصصات عادي عندي )) (( لمن أكون طفشآنه أجلس مع نفسي واشوف تخصصي )) معقولة ؟؟؟ ما رسمتوا خطط لحياتهم ؟ عايشين كذا ؟ معقولة ؟؟؟ بيوم وليلة يتحدد مصيرك ومستقبلك ؟ ولا تحطوآ رغبآت وتقولوا اللي يدخلوني فيه بركة وكل ما كان " أصعب " كل ما كان " برستيج " ! ولا أبغى " اسهل تخصص " عشان أجيب فيه معدل وأتخرج بسرعه ؟؟ غلط غلط غلط !! عشان كذا يكثر التحويل .. ويكثر السحب من الجآمعه .. ويكثر العمل بتخصص غير اللي اندرس .. ! التخصص رغبة قبل قبل شي .. ضروري يكون تخصصنا نابع عن حب و مناسب والبعض رآح يجي ويقول ،.. طيب ما أعرف وش أحب ؟ ما أعرف ميولي !! الميول ما راح تطلع فطرة .. فيه خطوات واستراتيجيات لاختيار التخصص .. وأيضآ مشكلة طلآب الثانويه ، مايعرف يخطط بالشكل الصحيح ! ويظن ان الحلم هدف ويعيش على هالحلم سنوات بالاول الطالب لازم يعرف كيف يخطط ويحط اهداف صحيحة, بعدها لازم يحضر خطة بديلة وهذا السبب اللي خلآني أجمع و أكتبت هذا الموضوع عشان اساعدكم وارتب افكاركم امشوا معي وان شالله تستفيدون أول نقطه وأهم نقطه .. ابعدوا عن الاشخاص السلبيين والي ماعندهم هدف الا تحطيم غيرهم لانهم بالاساس فاشلين وما يبون غيرهم يتفوق عليهم كل شخص تجربته تختلف عن تجارب غيره والظروف الي مرينا فيها غيرنا اكيد ما يمر فيها ثآني نقــطه .. لا تكون ضعيف وسريع التحلطم اذا ماقدرت تدخل تخصص معين ترغبه حاول بعدة طرق أما تدرس بفلوسك ولا تضيع وقتك في تخصص ماترغبه !! اذا امكانياتك ماتساعد حاول بعدة طرق منها تدرس وتحول للتخصص المرغوب =) واذا انتهى فيك الحال ،حاول تتأقلم معه ماتدري ممكن ربنا هو اللي كاتبه لك .. اهم شيء قاتل لفرصك .. أهمية اختيار التخصص المناسب أول شي التخصص مو بس مجال عمل في المستقبل ، التخصص شكل وطريقة حياة ! عمركم لا تدورون على السهل في الدراسة .. مافي شي سهل !! دوروا على اللي تلقون نفسكم فيه عشان تستمرّون وتبدعون التخصص دراسته ما تنحصر بـ 4 سنوات والا بتكون شخص جاهل .. لأن العلم ما يوقف .. القرار مهم بس مو صعب !! كل اللي يبغاله تأني وتفكير جدّي و اتباع بعض الإستراتيجيات وصدقوني أحلا لحظة لما يطلع القبول بالقسم اللي تتمنونه < وأسالوا طلاب دفعه 11 فجأة بتنسون كل الكرف والتعب اللي تعبتوه أتمنى من كل قلبي كلكم يارب تنقبلون باللي تبونه وان ما حصل فـ إعرفوا إنها خيرة تحديد الميول عشان تحددون انتوا تميلون لـ إيش من الأقسام .. اتبعوا طريقتي كنت افتح مواقع الجامعات .. وافتح تخصص تخصص واشوف خطته الدراسية .. حبيت المواد ؟ حسيت هذا اللي ودي فيه ؟ [ صح الطريقه متعبه ، ولكن أتوقع إن مستقبلك يستاهل تتعب عشانه ] انتقل لمرحلة جمع المعلومات : اسوي سيرتش عن هذا التخصص .. واقرا عنه .. طبيعته / مجال العمل فيه / الخ . احاول اسأل ناس متخصصين فيه .. آخذ آراء مختلفة وأستشير أصحاب الخبرة .. وماشاء الله قوقل ماقصصر تلآقي فيه كل شئ أو تقدر تعمل بحث بقوقل المنتدى [ هنآ ] التقييم والمقارنة بعد كذا تجيبون ورقة وقلم .. واكتبوا هذي التخصصات " وعادي لو كانت كثيرة ! " وقيموها حسب الميمات الخمسة [ مهارة – مقدرة – مرغوب – متاح – مردود ] بعطيكم مثال وإمشوا معاي ،، على فرض أنا أحب من التخصصات .. صيدلة – علوم حاسبات – ترجمة نمسكهم واحد واحد ونطبق عليهم الشروط بـ نسبة من 10 الصيدلة أنا أحبه .. إذا امتلكت المهارة .. نقول 8 من 10 ثاني شرط اللي هو القدرة .. هل أنا أقدر على دراسة الصيدلة ولا لا ؟ بمعنى هل أنا ناجحة في الكيميا وفالمواد اللي يحتاجها القسم ؟ لا والله أعطي نفسي 5 من 10 ثالث شرط .. هل هو مرغوب بسوق العمل ؟ امممممم بيئة العمل فيه ما تناسبني كثير 6 من 10 رابع شرط .. هل هو متاح من ناحية نسبتي أو لأ ؟ ايه متاح 10 من 10 وأخيراً .. هل مردوده المادي والمعنوي والإجتماعي مناسب ؟ 9 من 10 ونجمع اللي طلعوا لنا .. ونطبقه على باقي التخصصات ونقارن .. كل ما زادت النقاط كل ما كان هذا التخصص هو الأنسب لك . وانا ايضا ارشح هالموقع لمساعدتكم في اختيار التخصصات ومعرفة كل ماتتطلب التخصصات من مهارة وقدرات .. http://www.morshed.org/ ختآآآآآآم موضوعي ،، حآبه اذكر ظآهره منتشرهـ بالمجتمع عندنآ ،، وهو إن عندنا ارتباط دائما ً إنه الواحد لا جاب درجات أو مجموع كويس ع طول الناس تقوله هااه طب والا هندسة يا بطل ؟ وطلاب كثير يأثر عليهم هالحكي .. ويقول في نفسه .. صحيح !! أنا جبت مجموع عالي .. لازم أدخل يا طب يا هندسة .. الناتج اللي يصير بعدين وشو ؟؟ انه غالبا ً الطالب يقعد له سنة سنتين يعاني في أروقة هالتخصص اللي ممجدينه الناس .. والأمثلة حولنا كثييييييييييييييييرة للأسف الهدف من كـلامي !!.. إذا انت يا طالب .. راغب في تخصص معين .. وقيّمته من عدة نواحي وشايف نفسك راح تنجح وتبدع وتسوي شي جديد !! مالك شغل بالناس !! صح ما خاب من استشار لكن في الأخير ترى محد بيدرس إلا إنت ! وهذه حياتك إنت ! القرار لك .. لا تضيع عمرك عشان وش تقول الناس وكيف ينظرون لك !! انت وش تبي ؟ انت وين تشوف عمرك بعد 4 والا 5 سنوات ؟ هذا هو الأهم بنظري .. التخصص مش بس سنوات الدراسة .. التخصص مكمل معك بكل حياتك .. فاختاره كويس ولا تنجرف ورى كلام أحد ..