طآلب مستجد بـ آلهندسة , و يبي يعرف آلموآد آلعآمة !!

[ططال عمري]

آلسسسلـآم عليكم و رحمة آلله و بركآتهه ,
كيفكمم ي مهندسين ؟ آن شآء آلله آنكم بخير !

سسجلوآ عندكم دفعةة 12 وصصلوآ
و تحملونـآ بأسئلتنــآ شويتين

أنـآ شخص آللي آعرفه بـ آلموآد آلعآمة مستويين فيزيآء + 3 مستويآت مآث =)
لكن مآ آعرف ولـآ مآدة غيرهآ عآمة بـ آلهندسة !!

يآ ليت لو وآحد يتفضل علينـآ و يكتب لستة بـ آلموآد كلهآ آن أمكن مع آختصآرآتهـآ عشآن نكون على بينة ,
و سمعت في شيء آسمه آلمرشد آلآكآديمي بـ آلكلية !
هذآ ويش يطلع وويش قصته !

ولو فيه شوية نصصآئح لدفعتنـآ آلمصونة نتعلمهـآ منكم , لـآ تبخلون علينــآ =)

بآنتظآركمم يآ مهندسين

آخوكمم : م. محمد =)

[Silver Dream]

ههههههههههه حياكم~

مقدمة في التصميم الهندسي 1 & 2
ie 201 ,202

فيزياء 202 و معمل فيزياء 281

معمل كيمياء 281

رياضيات 202 . 203 .204.205

بيسك ( مادة هندسة كهربائية ) 251ee لكل التخصصات و ee250 للي متخصص كهربائية

إقتصاد هندسي ie255

إدارة هندسية

البرمجة الحسابية المهيكلة ee201

ie 200 إعداد بحوث زي كأنها لغة إنجليزية

[M7mmd.Y]

حياكم شباب وبنات

بالنسبة للبنات مو اكيد اللي موجود عندنا يكون عندهم.. لأنهم دخلو الكلية متخصصين مو زينا

*

بالنسبة للأولاد, ازيد على كلام اخوي ميشو

اول خطة تكون اجبارية ولازم تخلص 50 ساعة + مادة البحث IE200 عشان تتخصص

يعني رح تذوق حلاوة التسكين مرتين :d

المواد ممن الخطة الأولى موجودة عندك اكيد

رح اعطيك فكرة بسيطة عن المواد

IE200

مادة البحث العلمي .. مادة كل الطلاب قالولي صعبة ومستحيلة ومني عارف ايش

والله اخذتها استمتعت فيها .. لأنها فعلاً تعلمك كيف تستخدم اللغة الانجليزية بطريقة علمية

الفكرة عالسريع انك تختار موضوع سواء هل هو مشكلة ام شي تبغا تحسنو في المجتمع

تتكلم عنه بإختصار في البداية .. بعدين تتعمق في الموضوع بإنك تقرا عنه ولازم تكون فاهم فيه

بعدين رح تسوي استبيانات .. اعتقد تفتكر الاستبيانات اللي ملينا بيها قسمكم =)

وبعدها تسوي الريسيرش كامل .. الموضوع فيه تفصيل اكثر من كذا

IE201

ما اكذب عليك المادة هذي اكرف مادة في كلية الهندسة .. تنكرف فيها مزبوط

نظامها تيمات .. لو رحت مع تيم تمام رح تستمتع في المادة .. لو رحت مع تيم سيء

شد حيلك فيها ونصيحة قبل لا تنزلها .. لا ترتكب نفس الغلط اللي سويته انا .. نزلها في ترم خفيف

لأنها ضغط ضغط ضغط بمعنى الكلمة .. عشان تفهم ايش هي دور بأسمها هنا

بحث سكاو

Math202

اكرف مواد الماث في الخطة.. ممتعة لكن كرف وفيها صعوبة يبغالها شدة حيل

خصوصا لأن منسقها شوي شديد

Math203

تعتبر من اسهل مواد الماث لكنها طويييييييييييلة ولو ما ذاكرت اول بأول بتجيب فيها العيد

EE201

ماتلاب اسمها, هذي تطبيقات الماث بإستخدام الكمبيوتر.. المادة يعيبها دكاترتها صراحة

تعتبر متوسطة بل اجزاء منها سهلة لكن الدكاترة للأسف غير متمكنين منها .. فيها معمل مرة في الاسبوع

من دحين اقلك شد حيييلك فيها ولو بتنزلها نزل البرنامج تبعها Matlab واتدرب عليه وافهمه

لو ما اتدربت كل ما تاخذ درس فيها بتجيب العيد بقوة

Phys202

فيزياء الكهرباء.. تدرس الشحنات والمجال الكهربي وقانون جاوس و و و .... كلها كهرباء

جالس اخذها حالياً.. لين الآن مافيها شي .. من رأيي يعيبها معملها اللي مالو اي علاقة باللي تاخذو في النظري

ومعمل شوي طويل.. لما يسوي الدكتور التجربة قدامك تحس انك من جنبها ومو فاهم شي لكن وقت التطبيق غير

بالنسبة للنظري فيها عليه 75 درجة.. اختبارات 70 وبيد الدكتور 5..

كان زمان الموضوع كله تجيب القانون وتعوض وتحل المسألة لكن الفترة هذي الدكتور علي زين صار المنسق

وصراحة اللي بيسويه اشوفه الصح.. انه بدل النظام القديم صارت الاسئلة النظرية كثير .. اكثر من الحسابية

عشان يبين انتا فاهم ولا لأ.. وكمان لأنها فيزياء مو ماث =)

Meng102

رسم هندسي بأستخدام برنامج SolidWorks ..

مادة ممتعة لكن لااااااااااازم واحط الف خط تحت كلمة لازم .. انك تطبق وتدرب على اللي تاخذو في البيت

واضمنلك من عندي A وفوق ..

شوف المادة هذي والماتلاب لو ما طبقت واتدربت في البيت .. الله يستر عليك =(

IE255

الاقتصاد الهندسي

مادة ممتعة حلوة خفيفة ... يعيبها اختباراتها اللي مدري من فين يجيبوها :d

فيها اختبارين ميجور واختبار نهائي ومشروع.. الميجورين دايما يجيبولك سؤال صعب والباقي سهل

واخص المادة هذي ان اختباراتها حل/كتابة مو اختيارات .. ومسائل من النوع الطيب :d السؤال بصفحة

لكنها ممتعة


يتبع...

[M7mmd.Y]

اعتقد بقي

Arab101

ما يحتاج عاد -.-

لكن برضو هذا المنهج اصعب من عربي 2 لأنو هذا فيه اعراب وكلام كثير .. فيه دَش مرة كثير

Isls101

ثقافة اسلامية

برضو ما يحتاج شرح.. المادة هذي ليها 4 مستويات, اول مستوى اصعبهم

لا تستهين بيها, طلاب طلعو منها بـ B .. لأن الاسئلة تجي من بين السطور

ولما تنزلها نزلها عند دكتور اسمو محمد عايض عسيري ... عسل عسل عسل عسل عسل...

ويزود درجات وطيب وحبوب واخلاق ومتفاهم وكل شيء

صدقني مافي زيه في الجامعة كلها

الله يجزاه كل خير

Phys281

هذي معمل فيزياء حق 101 , رح تطبق اللي درستو فيها بس عملي

سهلة مافيها شيء , عليها ساعة واحدة مكتوبة في الجدول

لكن الحقيقة انها مرة في الاسبوع بس محاضرة 3 ساعات.. لكن طبعا يطلعوكم قبل

انتبه للتجارب وسجل الخطوات واكتب التقارير اول بأول

Chem281

هذي المادة صراحة حقت وناسة احسها .. تسوي تجارب بنفسك وتشوف التفاعلات والألوان وفلللة :d

اخر كم تجربة ركز فيها .. فيها خطوات كثير

برضو نفس نظام معمل فيزياء 281 .. عليها ساعة واحدة في المعدل لكنها 3 ساعات مرة في الاسبوع

هي والفيزياء سهلة ولكن هذي اسهل كمان

*

اعتقد هذا كان شرح مبسط لكل مواد الخطة , اذا كان عندك اي استفسار اكتبه ولو تبغاني افصل اكثر

في اي مادة ما يردك الا كيبوردك

بالتوفيق

[cannavaroo005]

يعطيك الف عافيه عالشرح يا محمد انتا والاخ سلفر
بس خدمه بسيطه يا ريت تقولنا ايش اسماء الدكاتره المتفاهمين اللي ما عندهم نفسيات
وبالتوفيق للجميع

[M7mmd.Y]

^

ويعافيك يارب .. ابشر

*

IE200

المادة هذي بس تسجل فيها في الاودس ما تقدر تختار دكتور

بعد التسجيل تداوم وتشوف فين حطوك .. الحلو فيها ان الشعب تكون مقسمة, كل قسم 10 طلاب اعتقد

نظامها عندك دكتور ومقيم .. الدكتور يفهمك كل شي ويكون معاك ويساعدك وبيده 5 درجات فقط

المقيم بس تسلمه شغلك ويقيمك وبس..

*

IE201

فيه كم دكتور كويس منهم احمد زكريا .. وفيه واحد لقبه ريحان, هذا كريف درجة اولى

يكرهك عيشتك ويدقق مرة في كل شي .. لكن وقت الدرجات ما يقصر ويعطيك فووق حقك

الباقي ما عندي فكرة عنهم

*

Math202

فيها كم دكتور كويس منهم القثمي واشرف سالم زنقور .. شرحهم ممتاز جداً

ركز معاهم واشتري ملخصات الحريشي وذاكر اول بأول لأن المادة محتاجلها جهد كبير


*

Math203

الدكتور السيد محمد السيد .. وهو المنسق حقها .. مخلي المادة سهههله لكن زي ما قلت منهجها طوييل

فلازم مذاكرة اول بأول

*


EE201

اخذتها عند جهانزيب خان .. صراحة غير متمكن منها نهائياً والطلاب دايماً يحشروله ههههههههه

لكنه طيب ويساعد الطلاب ويدف شوية في الدرجات وكويزاته سهله

بس زي ما قلت المادة هذي الدكاترة فيها للأسف غير متمكنين .. ولا اصلا المادة سهله

كان فيه واحد يدرسها اسمه علاء جودة هذا معلم .. على حسب كلام الطلاب كلهم لكن للأسف ترك تدريسها

*

Phys202

عندك دكتور صبغة الله الكاظمي يشرح انجليزي لكن شرحة مررة تمام وطيب مرة الدكتور

لكن للأسف ما نزلها الصيف :( فـ انا حالياً منزلها عند وليد الشربيني

شرحه طيب مافيه شيء هاديء مرتب.. يعني انا فاهم معاه وكل شي بس فيه طلاب مو مناسبهم

*

Meng102

الرسم الهندسي انتا بس تسجل فيها مافيه احد محدد .. القاعة حقتها كبييرة وكلها صفوف اجهزة كمبيوتر

وفيها تقريباً 8 او 10 مهندسين, كل محاضرة مهندس يقيمك غير اللي قبله .. لا تخاف اغلبهم طيبين =)

خصوصا واحد اسمه العتيبي .. عسل وطيووووووب مرة ..

افتكر جبت ابو ام العيد في اول كويز وقلت بركة لو جبت 4 من 10 ... اتفاجأت بـ 10/10 :d

على حظي كان هو المقيم تبعي

*

IE255

هذي المادة لو الانجليزي حقك مو قد كدا روح لدكتور يشرح عربي زي الحركان او وائل حسين

انا كنت منزلها عند دكتور محمد بشير , يشرح انجليزي وطيب جداً ومهتم بالطلاب

لكن للأسف كان آخر ترم يدرس فيه =)

روح لـ وائل مررة كويس وطيب كمان ويشرح عربي

*

Arab101

ما فرقت عند مين .. بس نصيحة روح للي تعرف انو يزود درجات لأنك محتاج في المواد هذي a+

فيه دكتور اسمو الحريري .. هذا نظامه لو جبت a يعطيك a+ ولو جبت b يعطيك a وكدا...

*

Isls101

زي ما قلت العسيري احسن واحد فيها .. متساهل ومتفهم ويقدر طلابه

تصدق انه اخذ ارقام طلاب الشعبة كلها المكونة من 80 طالب ولا مدري فوق

وكان يراسلنا ويسلم علينا كل فترة وقبل الاختبار يذكرنا , حتى الدرجات كان يرسلنا هي على الجوال

ولما يكون بيغيب يرسلنا اليوم اللي قبلو انو لا نُحضر

ايش تبغا اكتر من كدا

مررة عسل الدكتور

*

اما معمل الكيمياء والفيزياء فهذي انتا تسجل فيها وتروح لكلية العلوم الدور الارضي ومعاك الجدول > اول اسبوع

وتدخل المعمل تعطيه للموجود في المعمل .. بيسجل اسمك وبيقلك انت في اي معمل وبيعطيك الوقت ..

*

إن شاء الله رح اسوي موضوع افصل فيه اكثر عن المواد ومتطلباتها والتفاصيل الأخرى

,,

بالتوفيق

[cannavaroo005]

ياخي قسم بالله انك عسل
يعطيك الف عافيه على ردك
بس اللي اعرفه انو الماث 202 مقبره الجامعه صحيح ولا لا لان فيه التكامل والتفاضل
ويعطيك العافيه مره ثانيه

[M7mmd.Y]

^

الله يسلمك حبيبي

يعني هذا المصطلح الشائع بين الشباب =)

لأنها مو زي اي ماث... اختبارات ماث 202 تتكرر فيها الاسئلة الصعبة

اتخيل سؤال يخليك تحوس ساعة... وتلاقيه مكرر, يعني لو جبت العيد في الاول..

فـ لو ما شديت حيلك في المادة هذي .. للأسف مافيها اي نوع من انواع الدف الا لو الدفعة كلها راسبة

وكمان ما اسمو دف صار .. يصير اسمو كيرف

عشان كدا كنت زمان اقلكم في قسمكم: السنة التحضيرية جنة جنب اللي حتشوفه في الهندسة من كرف

اول خطة فيها صعوبة من دحين اقلكم شدو حيلكم ولا تتساهلو.. انا طحت في الماث هذي شوية لأني اتساهلت فيها

قلت انها ما رح تكون مرة صعبة اكيد اصعب شوية من ماث 203 ...

وللأسف اثبت المنسق ان نظريتي خطأ... جداً خطأ الحمدلله على كل حال

يلا .. عن اذنكم =)

وبالتوفيق

[Ma3QoLa!]

سلفر & محمد

شكككككككراً شكراً شكراً بحجم السماء لكم ،، الله يديكم العافية

وننتظر صراحه من باقي طلاب الدفعة يفيدونا بتجربتهم في اول سنة والمواد واسماء الدكاتره

ويديك العافية يا باشمهندس محمد ع الموضوع

[Mudi]

اول شي الف الف الف مبروك القبول بالكليه
نصيحتي ياشباب امشوا عالخطه الدراسيه زي ماتنزل لكم في الاودس
لاتلخبطوا المواد لانه بتجيبو العيد نفس اللي سار معانا
وعلى فكره اعتقد د.هيثم بوقس ( وكيل الكليه )
الترم الماضي قال انه اول سنه هندسه دفعه 12بينزل لهم الجدول زي التحضيري
فيه ناس يتزعل لاكن صدقوني افضل لكم