افيدوني .. في اختيار التخصص

[فاطمه احمد]

السلام عليكم ورحمته الله وبركاته

انا طالبة توي تخرجت من الثانوية
محتاره في اختيار تخصصي
فكرت كثير وسالت اقربائي .. المشكلة اغلب اهلي داخلين تدريس
وانا ما ارغب في التدريس , وحطيت ببالي تخصصات ( قانون - طب - وادارة اعمال )
لكن المشكلة ليس لدي رغبة واضحة في اي تخصص ..

واحيطكم علماً انقبلت بجامعه الملك عبدالعزيز الحمدلله ,

وايضا عندي سؤال : هل تحديد التخصص لازم يكون قبل السنة التحضيرية او بعدها ؟؟

حابه تنصحوني و اخذ ارائكم ايش الافضل وشكرا جزيلا .

[ζ ـــږۉف الـتـ’ـمـيـــزْ]

شوفي حبيبتي

عشان تنجحي في تخصصك لازم تكوني مستمتعه فيه وهو ميولك ..

يعني انتي مبدائياً حددتي 3 تخصصات ..
روحي اقري عنها
وشوفي نفسك استمتعي اكثر وين
وسبحان الله تلقي نفسك ماحسيتي بالوقت وانتي تقري عنه
وتحسي كمان انك تبغى تعرفي اكثر ...

باختصار شئ يستهويك شخصاياً
عشان لاتهدري طاقتك عبث

طارق السويدان قال في دوره اعداد القادة ..

معادلة استثمار الطاقة :.
تخصصك هو نفسه الوظيفة العمليه هو نفسه تطوعك ....... عندها يكون الانسان في اعلى درجات استثمار طاقته

هذه اهم شئ عشان تنجحي في حياتك


والتخصص تحدديه في الترم الثاني ..

[Dr.Passed]

شوفي تعالي نتناقش في رغباتك

اول شي قانون
ليش اخترتي ضمن رغباتك؟ ممكن تقوليلنا..

تاني شي طب
ليش تبغي تخشي طب؟ ايش فكرتك عن الطب ؟

تلات شي أداره اعمال
المجال دا مع احترامي لي ...محاتلاقيلك وظيفه بعدين...يعني استغلو المجال دا كتير و في كل مكان الناس بتاخد شهادتها وبتعلقها في البيت

التدريس شي حلو بس ما ادري انتي بتقولي انو مالك في كتير ..

انا شخصيا ( انصحك ) لو انتي إنسانه تقدري على الضغط و الالتزام و عندك قلب كبير يتحمل خشي طب وابدعي في...في دكاتره كتير بس مين الدكتور الي الناس تحب تروحلو وتتعالج عندو وتمدحو وتستفيد منو...ترا قليل..عشان كده باقلك خشي طب ( واطمحي انك تبدعي) في مجالك...في النهايه عندك بعد الطب الف تخصص ممكن تخشيه..

تحديد التخصص بعد التحضير يه لمن يطلبو منكم التسكين اخر الترم


حبيبتي لازم تستخيري مليون مره ...تخصصك ما نقدر نخترلك هوا
إحنا ممكن نناقشك ونتكلم معاكي الين مانوصل معاطي لنقطه تقدري تقرري لنفسك ايش تحبي بس ما نقدر نقررلك

بالنسبة للقانون ( ما أظن في هنا ) ما ادري


زي ماقلتلك ممكن نتناقش معاكي لبكره الين توصلي للشي الي تبغيه بس محا نقدر نخترلك وتقرر بدالك =)

[فاطمه احمد]

يعطيكم الف عافيه
ريحتوني بكلامكم

انا ما عندي ولا رغبة وهذه هي المشكله , او اني لحد الحين مالقيت رغبتي الصح

طبعا لمن جلست مع اهلي .. اعطوني كذا تخصص ومن ضمنها الي ذكرتها
ف على اساس كذا انا احـترت بينهم ..

للعلم : انا ما اعرف شيء كثير عن هذه التخصصات ,


-------

ترددت في الطب , كثير خوفوني منه و يقولو صعب ويحتاج وقت طويل


-------

وكمان ادارة الاعمال
برضوا جات كذا من ضمن الاختيارت

ومازلت محتاره !!!

[Dr.Passed]

طيب انا حاساعدك...

سكي عيونك كده وانسي الصعوبة و كم سنه و ايش المواد و الدوام انسي كل الاشياء دي واسألي نفسك " انا ايش أبغى ؟ "

قوليلي...ايش تبغي ؟ ( أنسيلي المهم الي ممكن يكون عليكي بغض النظر انا أتكلم عن اي تخصص انتي تشوفي دحين) انسي ايش عليكي...وقوليلي ايش تبغي وليه؟

[أوسكار11]

حبيبتي مش هي بس هذه التخصصات فيه كمان اقتصاد منزلي
والتخصصات اللي فيه حلوه فيه دراسات طفولة اذا بتحبي الاطفال وغذاء وتغذية وتصميم داخلي وإدارة سكن حاولي توسعي مجالك في اشياء تانيه لانو فيه تخصصات تفيدك دحين وفي المستقبل بحياتك
والله يوفقك

[بشائر الفرح =)]

حياكِ الله أختي ,

مثل م قالوا الله يسعدهم ..
لازم تقرأي عن كل تخصص وتشوفي نفسك فين ..
شخصيتك / رغباتك / ميولك > تأكدي منها تجاه كل قسم لإن التخصص اللي حتختاريه حيكون مهنة حياتك ورسالتك طول العمر ..

والتحضيري لها دور كبير أكيد ..

والأهم إنك تستشيري .. تستخيري ثم تقرري :)

مو دايم الطب هو القسم المناسب لكل أحد > هذي حقيقه يجب أن يدركها الكثير من الطلبه والطالبات
الطب مسؤوليه كبيره ومجهده تحتاج صبر ورغبه من الأعماق .. م ينفع بين ليلة وضحاها نقرر إنناا ندخله لا بد يكون لدينا رغبه قويه تدفعنا لدخوله لإننا نحبه فقط !

أتمنى لك التوفيق والتيسير
ونشوفك حاجه كبيره ف المستقبل ف أي قسم تدخليه :)

[ابتسمي]

كلامي مع الأخوة اللي قبلي + انتي اجتهدي الحين في التحضيري لانك لو قدرتي عالتحضيري وهو اسهل من اي تخصص راح تقدرين عالتخصص

أنا وحده من صديقاتي الحين معي بالطب تقول اصلا بس دخلته كذا يعني ما كانت عندي ولا رغبة
والحين ماشاء الله عليها تقول ما أتخيل نفسي في اي تخصص ثاني احس انه من جد الطب مكاني

فعشان كذا انتي اجتهدي من البداية والله يكتب لك التوفيق ^^

بالتوفيق للجميع ^^

العنود نواف

Med11

[إنت روحي]

أنآ أنصحك إنكـ أول شي تعرفي قدراتكـ وإيش اللي تميلي له زي مثلآ تحبي تعرفي عن الامرآض والأدويه ولا لأ اذا كنتي تبغي طب ولازم يكون عندك الحفظ تمام .. وفيه كمان إختبارات في بعض المواقع تساعدكـ يعطوكي أسئله وعلى حسب الاجابه يختارو التخصص

[إنت روحي]

http://dquiz.net/quiz148
ان شاء الله يفيدكـ