درجة الرياضيات تجلط :(

[asma.]

انا ذاكرت الرياضيات كويس زي باقي المواد و الحمدلله ما ضاع تعبي في اي مادة غير الرياضيات يعني انا و انا اذاكر كل شي سهل و حليت الورك شيت و حليت نموذج اختبار و حتى لما

اختبرت الاختبار حسيتو مرا سهل يعني كلو domain و range و رسمات و كم سوال برضو سهل و طلعت اقول لصحباتي الاختبار سهل و مستغربة من البنات اللي قعدو يقولو صعب المهم بعد كل ذا جبت 17 ! يعني غلط في

16 سوال مع البونس كيف ما ادري يعني والله اتحطمت خلاص ما ابغا اذاكر اذا اسهل دوري كذا اجل الباقي كيف يعني احنا قربنا نخلص تاني شابتر و حستو مرا اصعب من الاول مدري ايش اسوي من وين اذاكر يعني المشكلة

في بنات زيي بس اتدربو على الورك شيت و النماذج و درجاتهم حلوة مشاء الله و البنات اللي كانو ياخذو رياضيات الترم اللي فات يقولو عادي هو الرياضيات كذا تحلي تحلي و تحسي سهل و فالاخير كلو غلط

[دانه الكويسه]

لو راجعتي حتشوفي قد ايش اغلاطك هبله
و بسبب عدم التركيز غلطتي يمكن
و ترا الدوري الثاني اسهل ذاكريه من الورك شوب و الكتاب و اتفرجي فيديو
حمزه ابو جبل و خلاص كذا تمام
و اشرف بركات حليه للمراجعه بس
انا انصدمت من سهولة الدوري الثاني
لا تخافي

[نوني الريمي]

الله يسهل لنا والله حتى انا حالي من حالك

بس انا حاطيني عند دكتورة مرررره لا محد يفهم منها

وبعد مجاهده عنييييفه في المذاكره لقيت الرياضيات شويتين تمام ورحت اختبر خرجت فرحاااانه حسيته سهل

وللأسف طلعت درجتي زي الزفت

الحمدلله ي رب نقدر نعوضها