السلام عليكم امس فكولي الاوديس حقي ولكن،،،،

[خوي الليل]

السلام عليكم امس فكولي الاوديس حقي ولكن لقيت عند الايقافات طالبين موافقه جهه العمل وانا مو موظف وجبت اللي يثبت وايقاف تاني طالبين تكميلي وانا جايب في الايلتس 4ونص مايحتاج تكميلي ووقت المطابقه ماطلبو مني تكميلي

ياريت تفيدوني ايش اللي صاير هل انا لحالي او في ناس معايا كده

[ArejAlq]

كلنا عندنا نفس الايقافات ذي ،، في بداية الترم نروح لهم و يشيلونها ان شاء الله

[بيو كيميائية ^_^]

تروح الشؤون الأكاديمية في العمادة تقول لهم يشيلون الإيقاف

أما التكميلي المقصود به مواد دراسية تبع بكالوريوس تدرسها بعدين تدرس الماستر

هذه تكون إذا كان تخصصك مختلف أو متخرج من غير جامعتنا

[اريج العمر]

أنا دخلت الأوديس وماكان في إيقافات
معناتوا مو الكل كدا صحيح ؟

[خوي الليل]

دووووبي رجعت من العماده وحده القبول،،،الموظف قالي بالنص الواحد
باقي مابدينا نشوف المرفقات،،، لما نبدا نشيك عليها رح يتغير الوضع


لا انا حمدلله متخرج من الجامعه وكل شي عندي كامل بس استغربت من الايقافات

اخت اريج العمر ممكن انتو موظفاتكم اول باول جالسين يشتغلو يعني مافكو الاوديس الا بعد ماشيكو على ملفكم وشافو المرفقات((((والاحسن ده)))

[Miss Ei]

انا نفس الشئ وانا مو موظفه اصلا ونفس تخصصي بالضبط وحتى الدقيق بس مو متخرجه من جامعة عبد العزيز وخوفي يكون فيه تكميلي بس اللي بعد الشكوك ان كل الناس نفس السالفه حتى اللي دارسين في عبد العزيز نفسها وانا جالسه معاهم الان علشان يعادلون لي مواد اصلا 😒

[FIFO]

من فين تدخلو على الإيقافات -_-


مو عارفه شي في ال odus

[ملاك هادئ]

حتى انا جيت ابى اضيف المواد التكميلية كتبلي لايمكنك الحذف او الاضافة لوجود ايقافات وشفت الايقافات مكتوب نوعه قبول مشروط تكميلي والسبب عدم اكتمال الشروط
ايش اعمل

[بدور علي]

انا عندي ايقافين الاول حق جهة العمل والتاني الترم الصيفي ....طيب سؤالي الاول متى اوديلهم إثبات أني مو موظفة؟؟ لو وديتها بداية الترم فيه مشكلة؟؟؟؟تاني شي مو فاهمه إيقاف الترم الصيفي ؟؟؟ الله يسعدكم أفيدوني لأني مو من جده ...ومره شكرًا مقدما******

[خوي الليل]

المشاركة الأصلية كتبت بواسطة ملاك هادئ حتى انا جيت ابى اضيف المواد التكميلية كتبلي لايمكنك الحذف او الاضافة لوجود ايقافات وشفت الايقافات مكتوب نوعه قبول مشروط تكميلي والسبب عدم اكتمال الشروط ايش اعمل

بالنسبة للمواد التكميليه في حال كانت دوره بديله روحي بنك سامبا حق الجامعه وقوليلهم دوره بديله وبيعطوكي السند وتدفعي فلوس