الدبلوم التربوي في الجامعه العربيه المفتوحة

[المتوكلة على اللة]

السلام عليكم ورحمة الله وبركاته


ماهي مواعيد التسجيل في الدبلوم التربوي في الجامعة العربية المفتوحه
هل هي كل بداية ترم فية تسجيل افيدونا جزاكم الله خير؟
فاتني التسجيل في جامعة الملك عبدالعزيز وماابغاة يفوتني في الجامعه العربية والله اني بهم الله يفرجها على كل الطلبة

[BESH_90]

لو تكرمتوا الجامعة العربية فين موقعها بالضبط وشكرا مقدما ؟

[عمر عبدالكريم]

طريق المدينه الطالع عند كوبري المربع بجوار الشركة السعودية للمياه

[عمر عبدالكريم]

المهم خطوات التسجيل كالتالي :

1- تروح للفرع وموقعه شرق كبري المربع وتجيهم بداية السنة الجايه لأن التسجيل دايم أول أسابيع الدراسه والتسجيل في نفس المبنى وليس عن طريق النت.
2- تأخذ معك صورة الشهادة الجامعية وصورة بطاقة الأحوال مع الأصل للمطابقة ( ضروري ) وصورتين شخصيه.
3- المبلغ بصراحة مااهو ثابت عندهم مره يزيد ومره ينقص لكن يتراوح مابين 9000 الآف ريال إلى 10000 الآف ريال
4- طريقة الدفع : بعد إستكمال أوراقك في القسم يقول لك روح سدد هذا المبلغ عن طريق بنك سامبا ( نصف المبلغ ) ويقول جيب الإصال من البنك, والبنك تراه في
تقاطع شارع صاري مع الأمير سلطان يعني قريب.
وبعد ماتجيب الإيصال يعطيك الجدول الدراسي ومعه ورقه تستلم فيها الكتب من عندهم وهي ضمن الرسوم اللي دفعتها.
5- طبعا تدفع رسوم الترم الأول فقط والترم الثاني تدفعه مع بدايه الترم الثاني بمعنى آخر ( على دفعتين)


نظام الدراسه:

الدوام يوم الأربعاء والخميس فقط. وأسبوع دوام وأسبوع مافيه دوام. يعني تدام في الترم سبعه ربوعات وسبعه خميسات.<<== حلوه ربوعات خميسات
يحق لك غياب محاضرتين بس ولو زدت يمكن تحرم من الماده .. أصلا مابقى إلا خمس محاضرات.
الدرجات: 30 إختبار نصفي + 20 واجبات + 50 نهائي = 100 المجموع
الواجبات عن طريق النت تدخل موقعهم ويعطونك كلمة مرور ورقم سري خاص فيك تدخل عن طريقه وتحمل الواجب على جهازك وتحله وترسله
مره ثانيه للدكتور وتنزل لك الدرجه على ملفك الخاص بالموقع اللي فيه بياناتك. بس الله يعينك واجباتهم قلق وقرف.

وبصراحه كنت أتوقع إن الدراسه فله وإنك دافع فلوس من جيبك وعشان كذا تنجح لكن والله مشددين وما عندهم لف ودوران دراسه يعني دراسه
ويبغالها مذاكرة وشدة حيل وعدم تهاون.

على فكره عدد الطلاب ماشاء الله كثير دفعتنا بس ثلاث شعب وكل شعبه 27 طالب وأغلبهم معلمين .

هذا كل ما لدي وأتمنى إني أفدتك والله يوفقك وييسر لك

وعلى فكرة أنا توني خلصت الترم الأول بس والترم الثاني ببدأ فيه مع السنة القادمة إن شاء الله تعالى


بالنسبة للجامعة العربية ( فرع جدة )
الدبلوم معتمد ومدتة سنة دراسية ( فصلين مسائي )ورسومة 13000

مكتب جدة الإقليمي
الجامعةالعربيةالمفتوحة - فرع السعودية
جدة - طريق المدينة المنورة – حي الفيصلية
هاتف ( 6983790 / 2 00966 ) ( 6983728 / 2 00966 )
فاكس ( 6985496 / 2 00966 )
دعواتك ..



منقول عسى ان ينفع في تيسير اموركم

[المتوكلة على اللة]

عادة متى يبدأ التسجيل افيدونا

[mmss2012]

سلام عليكم أنا الآن ادرس بفرع الرياض سالت الموظف هنا عن موضوع الأخت لان فيه احد الزملاء يبي يريد التسجيل قالي انو النيل رح يكون بعد رمضان وبالتوفيق للجميع

[المتوكلة على اللة]

الله يجزاك الف الف الف الف خير على هذة الاجابه