هل فيه إمكانيه ألحق أقدم ع ماستر الفصل الأول وانا ما امتحنت بديل توفل ؟

[الـ ش ـــذى]

المشاركة الأصلية كتبت بواسطة رعشة دفى اهلين والله ياخواتي انا احب اطمنكم تقدري تقدمي ماستر دون التوفل واذا انقبلتي في الماستر لازم تكتبي تعهد انو تجتازي التوفل واذا قرب اختبار التوفل تروحي وتختبري هذا اذا كان تخصاصتكم غير كلية الاداب اما اذا كانت تخصاصتكم كلية الاداب مو لازم تعدي التوفل اذا مانجحتي بالتوفل وانقبلت ماستر تروحي تسددي رسوم دورات مكثفة وطبعا تكون الترم الاول في فترة المساء والماستر في الصباح ولازم تعديها بتقدير متووسط واذا مانجحتي تدخلين الترم الثاني اتمنى كلامي يكون واااضح وبالتووووووووووووووووووووفيق يارب دعواتكم لي انو ربي يووووفقني

؛
::

من اين أحضر التعهد ؟
يا حبذا لو تفيديني و اكون شاكرة لك ِ

.

.

؛

[(x,y,z)]

بصراحة ما جربت اعملها بس حبيت أفيدك باللي اعرفو ... شوفي هما قبل الاختبار بس ياخدو صور الاوراق بس اللي هيا : صورة الاستماره حقت الترشيح و صورة سند الايداع و صوره الهوية بالفاكس لانو هما راح يأخدو الاصل منك يوم الاختبار و تكتبي رقم موبايلك عليها عشان يبلغوكي بمكان الاختبار ووقته و البوابة. أما في يوم الاختبار راح ياخدو منك اصل الاستماره و اصل قسيمة الايداع و صوره من الهوية و صوره شمسية ملونة طبعا لازم تجيبي اصل الهوية عشان المطابقة ... و لازم الحضور قبل الموعد بساعة... معلش ما في شي يجي بسهولة .... الله يوفقك حتى انا اتمرمطت كثيييييير و حاسة بالمعاناة ... معلش محدش ياخدها بالساهل هيا الدنيا كدا .... امانة تدعيلي من قلبك .... هذي المره الرابعة اللي اختبر فيها و يارب تكون الاخيره ....

إلهي يوفقك , وأسأل الله الكريم إنه تكون هذي المرة الأخيرة اللي تدخلي فيها الإختبار , وتجيبي نتيجة عااااال ... آمين
مشكووووووره مرررره ع المعلومات اللي أفدتينا بيها ,,
بس معلش ممكن سؤال .... الصور هذي اللي قلتي عليها أرسلها بالفاكس , والا بالإيميل ؟؟؟<<(زي جامعة الملك سعود)
وسؤال شخصي شوي ... ليش هذي المره الرابعه تدخلي فيها الإختبار ؟ يعني الإختبار صعب مررره ؟؟؟ وهل ضروري آخذ دورة لغه عشان أقدر أجيب ع الأسئله ...؟؟
ماقصدي أتدخل في خصوصياتك والله , بس لأنو أنا معتمده على إنجليزيتي وحصيلتي اللغوية السابقة , وخايفه ما تكون قد المقام ....

[فجر المدينة]

قلبي مع الجميع

حسبنا أن الله معنا ....وبأذن الله نحقق جميعنا طموحنا .........

[never hide]

المشاركة الأصلية كتبت بواسطة (x,y,z) إلهي يوفقك , وأسأل الله الكريم إنه تكون هذي المرة الأخيرة اللي تدخلي فيها الإختبار , وتجيبي نتيجة عااااال ... آمين مشكووووووره مرررره ع المعلومات اللي أفدتينا بيها ,, بس معلش ممكن سؤال .... الصور هذي اللي قلتي عليها أرسلها بالفاكس , والا بالإيميل ؟؟؟<<(زي جامعة الملك سعود) وسؤال شخصي شوي ... ليش هذي المره الرابعه تدخلي فيها الإختبار ؟ يعني الإختبار صعب مررره ؟؟؟ وهل ضروري آخذ دورة لغه عشان أقدر أجيب ع الأسئله ...؟؟ ماقصدي أتدخل في خصوصياتك والله , بس لأنو أنا معتمده على إنجليزيتي وحصيلتي اللغوية السابقة , وخايفه ما تكون قد المقام ....

بالنسبة للأوراق ترسليها بالفاكس ...

و لا يهمك على الرحب و السعة ...

و الله الثلاث مرات كلهادخلت بعد مراجعة بسيطة للقرامر و كنت معتمده على انجليزتيتي ...
و كل مره أتأكد تماما انو النجاح في الاختبار هذا قسمة ونصيب من عند رب العالمين لأن وقت الاختبار مره قصيييييييييييييير و الاسئلة مره طويلة و يادوبك تلحقي تظللي مباشره و بسرعة لان وقت الاختبار مقسم على عدد الفقرات مثلا ( بأقول مثلا لاني مو فاكره توزيع الوقت ) السؤال الاول له 20 دقيقة و الثاني 20 دقيقة و هكذا..... يادوبك نصف دقيقة للاجابة على السؤال.

وكمان ظروف الاختبار أحيانا ما تساعد مثلا في المره الاولى كنت مرهقه جدا لان وقتو كان على بين العصرو المغرب و انا كان عندي دوام من الصبح و سهرانة وحالتي صعبة... مره من المرات المسجل ماكان صوته واضح و في المره الثانية كانت المراقبه تزن و تعيد التعليمات بشكل فظيع فاتشتت تركيزي ... الثالث ما كان سيء و حسيت اني حليت كويس لكن برضو ما جبت الدرجة ...

صراحة ما عندي فكره عن الدورات ومن وجهه نظري ان التحضير للاختبار زي عدمو لكن اللي يبغا يذاكر عشان يطمن نفسو مجرد ( حاجة في نفس يعقوب )... صاحباتي موتو نفسهم مذاكره و ما نجحو و اعرف بنات في الانجليزي مره مستواهم ضعيف و نجحو بدون دورات ما شاء الله ...

اقرأي مواضيع الأعضاء هنا و شوفي يمكن وجهه نظرهم تختلف ....

في ناس تنجح من اول مره و فيه ناس تدخل 3 و 4 و 5 و تنجح في السادسة .

ما أقدر أقلك الا ان الاختبار هذا مو فهلوة و لا شطارة انما نصيب من رب العالمين و كل شي مقدر و مقسوم و احنا ناخذ بالاسباب و ندعي ربنا و نرضى بقدر الله أيا كان .

__________________________
قبل أ ن تتحرك للأسباب ... حرك قلبــــــك لمسبب الأسباب ...

[never hide]

المشاركة الأصلية كتبت بواسطة فجر المدينة قلبي مع الجميع حسبنا أن الله معنا ....وبأذن الله نحقق جميعنا طموحنا .........

الله يسعدك قلبك على كلامك الطيب الذي أثلج صدري و يوفقنا جميعا لما فيه خيري الدنيا و الآخره .