طالبات المحاسبة تعالوا شوية ابغاكم في شغلة

[سوسة النت]

السلام عليكم ورحمة الله وبركاته
كيفكم طلاب وطالبات عزوز؟؟؟
طيب اسمعوا ايش صار معايا
انا تخصصت محاسبة
بس لمن ادخل على حسابي يكتبون لي محاسبة*( مع لنجمة الغريبة اللي فوقها دي)
في البداية ما اهتميت قلت يمكن معناتها مميزة>>>> مصدقة نفسها خخخخخ
بس لمن دخلت على الخطة الدراسية عندي
لقيتها بس 65 ساعة يعني سنتين بس
قلت يمكن اللخبطة من عندهم بس لمن دخلت على الصفحة الرئيسية لموقع الجامعة وبعدين دخلت على الخطط الدراسية لقيتهم كاتبين نفس الشئ
(محاسبة*) لها خطة لوحدها هي نفسها اللي كتبوها لي -يعني سنتين بس-
و(المحاسبة العامة) لها خطة لوحدها
مافهمت عليهم
حسيت نفسي ملخبطة مررررة
يعني هم ايش قصدهم
هل بعد السنتين دي راح نتخصص في مسارات المحاسبة
مع اني لمن سألت الجامعة اول ما اتخصصت قالو لي المحاسبة للطالبات مالها مسارات
بالله اذا احد عنده فكرة عن الموضوع دا يقولي
وله دعوة حلوة مني

[Mai]

ايهـ انتي لازم تخلصين سنتين ..بعدين تتخصصين في المسار الي تبينهـ

يعني الحين المواد الي في الخطه عندك ..مو مواد تخصص في مسار معين ..

[*_^seba]

فتحوا مسارات للمحاسبه للي دوبهم متخصصين جدد

[سوسة النت]

مشكورة اختي مي
انا توقعت كدا برضو
بس قلت اتاكد اكثر

[سوسة النت]

Seba
طيب هي نفس مسارات الطلاب ولا تختلف؟؟

[@فرفورة الامورة@]

فتحوا مسارات للمحاسبه للي دوبهم متخصصين جدد

متاكدة انهم فتحو المساررات ؟؟؟

[عـــســـل]

انا لما سألت اذا في مسارات


قالووو في مسارات لبنات الي تبدأ أرقامهم الجامعيه من 07 والله أعلم اذا على كلامهم ولآ

[سوسة النت]

مشكوووورين يا بنات
الله يوفقكم دنيا وآخرة

[*_^seba]

انا 07 ولمن رحت وسالت قالوا انه المسارات ل08 وبعد
في مسار محاسبه نظم معلومات ومدري ايش الثاني ما افتكر

[AccT G!rL]

بنااااااااااات .. كيف اختار مسااااار بليييييييز قولولي :(:(