دورات تدعم تخصص ادارة المستشفيات

[ابو سيف 11]

السلام عليكم ورحمة الله وبركاته وبعد

وردني من احد زملائي قال له احد زملائة من منطقة القصيم

واخبر الاخير انه تخرج من جامعة الملك عبدالعزيز واصل مهنته ممرض

ان تعادل له الوزارة تخصصة الى اخصائي اداري وقالت الوزارة انه لم يعمل

بمهنة اداري اضافة الى عملة كممرض وقالو له الوزارة او مديرية الشؤون الصحية بالقصيم

انه يجب ان يدعم هذه الشهادة بدورة ادارة المستشفيات ومدتها ثلاث اشهر

وكما اخبرني زميلي عن زميله انها بمنطقة تبووووك ولا يوجد لدي ادنى تفاصيل اخرى

وفي حال وجود اي مستجدات سأوااافيكم بالجديد والمفيد

================================

ومن وجهة نظري ان مثل هذه الدورات تفيد هذا التخصص ولو اننا حرصنا عليها

لأفادتنا ودعمت شهاداتنا التي هي نفس التخصص --- وجهة نظري

================================

ارجو من الاخوان والاخوات الاعضاء افادتنا باي مكان تقام به مثل هذه الدورات

وقالو انها في معهد الادارة والذي حاولت ان اقدم علية مرات عديدة ولم يسمح لي مدير المستشفى بذلك

[صمت البوح]

مشكووور اخوي ابو سيف على تواصلك معنا في المنتدى وعلى المعلومه الطيبة وبالنسبه لدورات معهد

الادارة زي ماتفضلت إذا مديرك ابن حلال أبشر بالخير وإذا غير ذلك يبي لك مفتاح له حتى تمشي أمورك

تعرف مجتمعنا قائم على المصالح لك شكري وتقديري

[zakaria_asere]

اخوي ابو سيف دورات معهد الاداره العامه اقفلت وسيتم التسجيل السنه القادمه شهر 7 هجري
انصحك تسجل في معهد الاداره بالرياض انا نكبت نفسي وسجلت في جده دورات تخطيط وتنظيم وتوجيه في الاداره الصحيه واهل الواسطات لهطوها علينا وفي الاخير اعطوني دوره واحده فقط هي ادارة برامج التثقيف الصحي

هناك مستشفيات خاصه تقدم دورات مثل فتيحي والاطباء المتحدون في جده ولكن رسومها غاليه فدوره 5 ايام رسومها 2000 ريال
بالتوفيق ياغالي

[ابو سيف 11]

الاخ صمت البوووح

والاخ زكريا

شاكر ومقدر لكم تفاعلكم مع الموضوع

[روضة الهباس]

بالتوفيق ان شاللة

[بررب ادور حلمي]

اخواني بسالكم سؤال اتمني تكون الاجابه غير اللس سمعتها

اللي هو:
انوا الدورات والخبرات اللي تاخذها قبل ماتتخرج من الجامعه يعني قبل ماتستلم وثيقه التخرج لاتحسب بالسي في تبعك؟؟
هل هذا صح او خطا ؟؟

لانوا كثير قالوا لما سجلوا بالخدمه المدنيه يحطوا تاريخ الدوره طبعا يكون تاريخها قبل تاريخ التخرج يجي الغاء ..؟؟
افيدوني الله يجزيكم الجنه؟

لان عندي دورات كثير وانا اشتغل وادرس هل معني ذلك لو تخرجت من الجامعه وقدمت على وظيفه ثانيه مايحسبون لي الخبرات والدورات؟؟

[ابو سيف 11]

روضة الهباس حياك الله

بررب ادور حلمي انا على حد علمي انه يفضل انه يكون قبل التخرج تشفع لك وتقوي وتعزز شهادتك

لكن قالي واحد في شؤون الموظفين للأسف ماراح تستفيد من دورات الخبره الا بعد التخرج

ولا ندري عن الصحيح مافي شي واضح المشكلة ندرس ونتعب لكن محد يقدر

واااااااااااااااااااااااااااااااااااااسطاااااااااا اااااااااااااااات فقط

[WLD KSA]

المشاركة الأصلية كتبت بواسطة ابو سيف 11 روضة الهباس حياك الله بررب ادور حلمي انا على حد علمي انه يفضل انه يكون قبل التخرج تشفع لك وتقوي وتعزز شهادتك لكن قالي واحد في شؤون الموظفين للأسف ماراح تستفيد من دورات الخبره الا بعد التخرج ولا ندري عن الصحيح مافي شي واضح المشكلة ندرس ونتعب لكن محد يقدر واااااااااااااااااااااااااااااااااااااسطاااااااااا اااااااااااااااات فقط

للاسف كلامه صحيح ولو غيرت في التاريخ تستبعد وقت المطابقة !!!!!!!!!!!!!!!!!

أفضل طريقة انه تعرف متى راح تستلم شهادتك من الجامعه
وتدخل الدورة ولابد يكون تاريخ التخرج من الدورة بعد تاريخ تخرجك من الجامعه


ان شاء الله وصلت الفكرة ..

وانا حصلت معي نفس هذي المشكلة والله العظيم قمة الاحباط! انا سجلت في جدارة فقط دبلوم حاسب من التقنية .. اما باقي الشهادات والدورات لا :( والله شهادات كثيرة وقووووية ما قدرت استفيد منها بسبب هذا القرار الفاشل ..

والان بدأت فالجامعه الين ما تجيني الوظيفة من وزارة الخدعة المدنية يعني ممكن انتظر سنتين او ثلاث قلت بدال ما اجلس عاطل خليني اخذ بكالوريوس افضل

[90909]

عفوااااا

المقصود هو تدريب وليس دوره .

لأن الدورات ماترفعك إلى أخصائي ولا تنزلك إلى فني

واللي يطلبه هيئة التخصصات عند التصنيف ,’ عشان إذا ماكان معك خبره عملية في الإدارة

تصنف على مساعد أخصائي وليس أخصائي " مع أنه مايوجد في نظام وزارة الخدمة المدنية مسمى (مساعد أخصائي)و الراتب نفسة , ولاكن الهيئة لا زم يشاركونك من اللي في جيبك وتدفع على التدريب مبلغ وقدرة(؟؟؟؟؟)ريال. وفي بعد سنة تعدل بطاقة التصنيف على أخصائي.

رواه أحد زملائي أنه قال له أحد أصدقائة عن هيئة التخصصات

وأخرجه الأخير ...

[بررب ادور حلمي]

طيب اخواني انا عندى دورات كثيره وقويه على اساسها توضفت هالسنه في شركه نائبه مدير الاعمال وكمان ادرس انتساب اداره مستشفيات
يعني لو تخرجت من الجامعه واخذت وثيقه التخرج ماتشفع لي خبرتي بالعمل ودوراتي اللي اخذتها قبل الوضيفه
والله حررام اتعب 3 سنوات وادرس واشتغل وبعدين مايحسبون لي شي غير شهاده التخرج :(