نداء لكل ممرض يدرس انتساب ادارة مستشفيات

[H-nurse]

السلام عليكم ورحمة الله وبركاته
استفسار بسيط ياشباب ..........
بالنسبة للممرض الذي يدرس ادارة مستشفيات وعلى وشك التخرج ان شاء الله ,, ايش يسوي عشان يعدل المسمى الى اخصائي ,,,,,,,,, ارجو الإفادة من كل شخص يفهم في الامور الادارية
علما انني ممرض وخدمتي 5 سنوات
.................................................. ................................
وهل هناك احد عدل المسمى من فني تمريض الى اخصائي
ولكم جزيل الشكر

[ابو راكان *]

هلا خوي حاسن
وينك مختفي
على فكره وش اخبار المغرب
==============
بالنسبة لسؤالك انصحك لا تبحث عن إجابة الان لكي لا تتحطم بس انت خلص و خليها على ربك
تحياتي

[كريم القلب]

يمدحون الخاص

[ALharbi.]

فية تعميم جاء السنة اللي فاتت بالرفع بأسماء الفنين الذين يدرسون تخصصات على الكادر الصحي ليتم تحسين اوضاعهم وفي نفس التعميم تحذير بأنه لن يتم تصحيح اي وضع الا اذا كان الشخص يدرس في مجال تخصصة بعد تلك الدفعة
لكن مايضيع حق وراه مطالبين
مثل ماتم تحسين الدفع السابقة يجب تحسين الدفع اللي بعدها ومساواتهم

المهم انك بعد ما تستلم الوثيقة تذهب بها لهيئة التخصصات الصحية وتحصل على التصنيف
ثم ترفع اوراقك من مرجعك من( تصنيف ووثيقة وخطاب الموافقة السابق) وتطالب بتحسين وضعك

[توكا]

ما ابي احطمك بس العلم زين ..

واحد من زمﻻي تخرج قبل سنة او اكثر علم اجتماع وهو ممرض واخذ تصنيف من الهيئة بس للحين ما حسنو وضعه ﻻكن ما شاءالله عليه مانتظرهم وﻻ تحطم الحين يكمل ماجستير ..

وقبل فترة بعض الفنيين طلبو موافقه من الشئون الصحية بتكملة دراستهم (انتساب ) ورفضو طلبهم وارسلو لهم تعميم من الوزارة الي فهمت منه ان الفني مو مسموح له يدرس انتساب الا عن طريق التجسير والاداري مسموح له يدرس انتساب ..

[توكا]

نصيحة لاي واحد يدرس انتساب وهو موظف ياخذ موافقة من العمل مايدري بكره ايش يصير ..

[العبدلــي]

شباب الله يعطيكم العافيه
أش موضوع موافقة العمل...أنا ماخذت موافقت مقر عملي قبل الدراسه والحين انا بالترم قبل الاخير أفيدوني جزاكم الله خيررر لازم موافقة العمل ؟؟؟!!!

[H-nurse]

الله يعطيكم العافية ,,,,,,,, ماقصرتوا على هذه الافادات
لكن ايش نسوي ووزارة الصحة تحارب الموظف المسكين .......... يا إخوان والله عايشين في بلد غريب جدا . المسئولين والوزراء لايريدون ان نطور انفسنا ومن ثم نطور بلدنا ومجتمعنا ... يعني ابي افهم ، هل وزير الصحه راضي عن الكادر الاداري من كبار السن والغير متعلمين الموجودين الان على رأس العمل في المديريات والشئون الصحية ...... لماذا لاتطبق بعض الانظمة التي تطبقها شركة ارامكو وبعض الشركات الكبرى بتقديم الشيك الذهبي وانهاء خدمات كبار السن والغير متعلمين ، لماذا لاتطبق في وزارة الصحة وباقي وزاراتنا المنتهية الصلاحية ,,, لماذا كل هذه الحرب علينا ,,, الا يريدون ان نتقدم ببلدنا ونطور من انفسنا ونبني بنى تحتية قوية ،،، الا يريدوننا ان نبني اجيال متعلمه مدركة للانظمة واللوائح ،،، والله شي محزن جدا ،، كثير من المسئولين الذين يمنعون تكملة الدراسة يخافون ان نزاحمهم على مناصبهم وعلى كرسي الرئاسة ,,, سأكمل دراستي وسأستمر في مسيرتي العلمية شاء من شاء وأبى من أبى وعلى المسئولين يحتفظون بتعميماتهم المحبطة في ادراجهم فلن اتقيد بها مادمت حيا

[كريم القلب]

يكفي متعة التعلم بعدين وزارة الصحة لا تملك المنع والسماح في تحسين الوضع الوظيفي

هيئة التخصصات و وزارة الخدمة المدنية هما اللي بيدهم الامر بعد الله الباقين تعقيد وحسده وافكار مالها داعي كلها تحجج وتعذر

[توكا]

فيه استمارة لتسجيل المؤهل في الخدمة المدنية اذا ماحصلت على موافقة من جهة عملك ..

مرفقة ....