حملات طعام ترمى يوميا .! مهم

[أحـمـد ظـافـر]

المشاركة الأصلية كتبت بواسطة حلا الحلوه وعليكم السلام ورحمة الله وبركاته اول شي اشكرك ع الموضوع لأنو مهم ويأزمني ، اكثر منظر اكرهو منظر الاكل المرمي . الحل برأي انو يتم الاتفاق مع جمعيات خيريه يأخذو الاكل الزايد ويغلفوه بطريقة مترتبه ومحترمه ويوزع كوجبات ع المحتاجين

ي هلا بحلا الحلوه ..
الشكر موصول لكٍ أيضا على المشاركة
هذا حل جميل جدا , الجمعيات مدري هي تكلم القصور والإستراحات على ذا الشي ولا لا , لكن أتوقع إنّها ماتقصر , وكمان أصحاب الزواج أو العزيمه لازم يكلموا الجمعيات أو الناس اللس يعرفوا ناس محتاجين.

سررت لحضورك . نورت ٍ

[أحـمـد ظـافـر]

المشاركة الأصلية كتبت بواسطة الوردة الزهري نعم حقيقية العادة جميع ماكولآت الحفلآت العزآئم ترمى , آنا أشوف السبب الرئيسي في تأخر وقت أنتهاء الحفلآت لذلك صعب التصرف في كمية الآكل المتبقيةه آو حتى بالإتفاق مع الخدمات الأجتماعية , كـ حل من الحلول, في الفترة الأخيرة أغلب الحفلآت أصبحت تقتصر على البوفية المفتوح فقط أعتقد نسبآ يُقلل من الآسراف والتبذير . شكرآ على الموضوع

ي مرحبا بـ الوردة الزهريّة

أنا معك إن الوقت المتأخر ممكن يكون سبب , لكن ما اتوقع يكون سبب في إني أرمي كل الأكل اللي عندي , بالنسبة للبوفيه المفتوح فكره جيده لكن الباقي وين يروح , هنا السؤال.
وكذلك نحتاج وعي أكبر عن مخاطر الإسراف والتبذير.

أشكر حضورك , نوررتٍ

[أحـمـد ظـافـر]

المشاركة الأصلية كتبت بواسطة المغااامر لو قمنا بحساب كمية الاكل المرمي من كل قصر وقمنا بضربها بعدد القصور على مستوى المملكة وضربها ايضاً بعدد ايام الصيفية لتبين لنا ارقام كبيرة جدا اكبر من مما تتوقعون انة قمة الاسراف والبذخ و العياذ بالله هذة مشكلة لابد ان تحل قبل ان تزول هذة النعمة اللهم ادمها علينا ولاتحاسبنا بما فعل السفهاء منا

ي هلا بـ المغااامر
آمين ي رب .. كلامك جميل ومثل ماقلت نحتاج وعي أكبر + تدخل الجمعيات الخيريه ..
نورت الموضوع.

[أحـمـد ظـافـر]

وأنا أوعي نفسي وإنت توعي نفسك وإنتي توعين أهلك ونكلم الجمعيات الخيرية ونسأل عن الناس المحتاجه .. كل هذا وغيره يفيد إن شاء الله ...

نورتوا الموضوع .

[أحـمـد ظـافـر]

رفع للفائدة

[haneen k]

بصراحة اشوف ناس عندهم يرموا الاكل بس مايعطوه احد


المفروض الواحد يطبخ على قدو ما ادري ايش حيصير لو طبخوا على قدهم واكلوا وحمدوا ربهم والي فرضا جاع ومافي اكل يقوم يعملوا شئ خفيف وياكلوا


لكن الناس دحين صارت اهم شئ عندها شوفوا فلان ولا فلانة ايش عملوا في فرحهم صارت الفشخرة تهمهم اكتر من انو الشئ الي بيعملوا حرام


والله ماراح اكلف نفسي واشيل ذنوب واضيع فلوسي كلها عشان الناس تقول عني اني انا مرة واو وسويت شئ وشويات في فرحي


ومايقهرني الا الي تحط في الصحن مية صنف و في الاخير ماتاكلوا


اصلن صار الوضع عادي انا حصلي موقف عمري ماراح انساه طول عمري مرة كنت اكل مع وحدة اعرفها , غرفة في الصحن الين ماقالت بس اكلت لقمتين وقالت الحمدلله

قولتلها ليش ماتكملي اكلك قالت هذا برستيج اني ما اكمل كل الاكل مو زيك اكلتي كل صحنك

قولتلها انا متعلمة اغرف على قدي وادا خلصت ولسى ماشبعت اغرف تاني حقرتني ومشيت

لكن مانقدر نقول الا اصحاب العقول في نعمة

[أحـمـد ظـافـر]

كلامك جميل اختي haneen k

الموضوع هذا مهم جدا لازم الناس كلها يكون عندها ثقافة الاقتصاد وعدم التبذير.

فكره مثلا نحط حاوية جنب حاوية النفايات مخصصه للزائد من الأكل, ويوزع هذا الزائد على الفقراء مثلا.

يكون فيه اعلانات حملات توعوية عن هذا الموضوع, نفسي يصير شيء تغير على أرض الواقع.

ويبدأ التغيير بأنا وانت وانتي كل واحد يغير نفسه ويأثر في الناس اللي حوله. وشكرا

[اوراق ملونة]

الوعي ثم الوعي وهذا يحتاج لفترة طويله طبعا خصوصا احنا كعادات عندنا فرضناها على نفسنا لازم الاكل يزيد لازم نشرف نفسنا بكميات كبيرة من الاكل وفي الاخيره للاسف اكثر من النص يرمى وقتها نقول والله حرام الاكل يترمي طيب من الاول ليش مايتم اختيار كميات معقوله !!!
لكن الله يطلف بنا والله اخاف من عقاب الله لنا لانا اصبحنا مسرفييييين
والحل الثاني لو صار والطلب كان كبير يجي على الجمعيات تتفق مع قاعات الافراح بعد كل مناسبة يجو ويوزعو الزائد
وانا اشوف الناس تبطل حكاية لازم نسو اكثر شي واغلى شي عشان الناس تقول ونتشرف ومدري ايش من دي الافكار ماجابنا لورا غير المظاهر دي الواحد يكلف على نفسو ويسرف ويبذر كلو للمظاهر حرام والله وهذا يبغالو توعيه كبيره والله يغفر لنا ويهدي احوالنا
جزاك الله خير

[أحـمـد ظـافـر]

امين يا رب, الله يجزأك الجنة على المشاركة الجميلة اختي اوراق