سؤال في الداتابيس ؟؟؟

[IT crazy]

السلام عليكم ورحمة الله
كيف الاجازة معاكم
ورجعنا للهم والاختبارات والمشاريع
عندي سؤال في الدتابيس ايش هوا الفرق بين
composite key &
foreign key &
Primary
مرررة مو عارفه كيف احددهم ولا عارفه ايش ميزة كل واحد فيهم ؟؟
ولو سمحتوا ياليت اللي بيشرح يوضح لي بالعربي لانو السلايد عندي مايحتاج تعيدوا اللي في السلايد
وشكرا لكل اللي بتجاوبون

[IT crazy]

معقوله 11 مشاهده ولارد !!!!!!!!

[شموخ رغم الجروح]

مي تو ملخبطة بينهم
ان شاء الله احد يجاوبني

[IT crazy]

ثانكيو شموخ حسستيني في احد معايا بالهرجه
في انتظار الباقين

[techno]

composite key / يعني المفتاح المركب .. اذا كان عندك 2 اتريبيوت .. وتشوفين انهم الاثنين مستحيل يتكررون مع بعض .. تخلينهم كومبسيت كي ..
على سبيل المثال
عندك جدول للموظف . وجدول اخر للمعانين من قبل الموظف ( يعني ابناءه)
وفي بجدول المعانين . بعض الاتريبيوت ( رقم الموظف - اسم المعان - جنسه - عمرة )
هنا راح نستخدم مفتاحين . اللي هم رقم الموظف مع اسم المعان
لان ممكن اسم المعان يتكرر ( ما نقدر نخليه مفتاح لوحده ) - ممكن الموظف الفلاني له نفس اسم ابن الموظف الاخر
ورقم الموظف لو مثلا خليناه برايمري كي .. مانقدر لان الموظف الواحد له كذا ابن ( بنضطر اننا نكرر رقم الموظف لابناءه ) وهذا نسميه فورين كي .. راح اشرحه لك بالنهاية
فـ نحل هالمعضلة بوضع رقم الموظف واسم الموظف كومبسيت كي مثال
Emp_ID Name
خالد 0123
احمد 0123
الان لمى نجي لعملية التشييك . راح يشيك عليهم الاثنين ك كومبسيت كي بهالشكل
0123خالد != 0123أحمد
اذا لايوجد هناك تكرار :)

--------------
ثانياً ال foreign key
إذا كان عندك اتريبيوت . . اصلها جزء من اتريبيوت ثانية .. هذي نسميها فورين كي

على سبيل المثال عندك اتربيوت ( رقم الموظف ) وعندك اتربيوت ثانية ( رقم الموظف للمدير )

الان (رقم الموظف للمدير) يعتبر فورين كي .. لان اساس اي مدير هو موظف ..

الاتربيوت ( رقم الموظف للمدير ) تؤشر على ( رقم الموظف ) لانها عائدة عليه ..

وطبعا بالمناسبة فيه اكويجن مهمة وجاتنا في الاختبار

اتوقع ان الدكتور شرحها لكم :) ..اذا منتم فاهمينها . اكتبي لي رد يصير اكتب شرح مبسط عليها
--------------------------------------------
أما البرايمري كي هو اسهل شئ .. اي اتربيوت تشوفينه بالجدول وتكون له قيم محددة - مو فاضية - وغير مكررة
تقدرين تعتبرينه لوحده برايمري كي .. ومانحتاج هنا للكومبسيت كي .. لان الشروط تحققت للكي :)

تحياتي

[رموز الحياة]

المشاركة الأصلية كتبت بواسطة it crazy السلام عليكم ورحمة الله وعليكم السلام ورحمة الله وبركااته ولو سمحتوا ياليت اللي بيشرح يوضح لي بالعربي لانو السلايد عندي مايحتاج تعيدوا اللي في السلايد تآمرين أمرعربي عربي من البداية وادعسسسسسسس الى النهايه

Primary key.. او المفتاح الاساسي ..

اهم مفتاح في الجدول .. <<اللي يسمع يقول جابت شي جديد

لانه هو اللي حيخليني اوصل لاي سجل احتاجه في الجدول

..و لازم يكون فريد UNIQUE .. و ما يكون NULL

وكمان يكون تحته خط

مثلا عندي جدول الطلاب .. مكون من :

رقم الطالب الجامعي

اسمه
التخصص

إيش اللي ينفع اختاره بحيث انه ما يتكرر أبدا يا it crazyً ؟؟؟

طبعا الرقم الجامعي

في هذي الحالة حيكون Primary keyهو رقم الطالب الجامعي

يارب تكون اول نقطة انفهمت

foreign key.. او المفتاح المرشح.. او المفتاح الاجنبي<< ترجمة عمي قوقل هع هع

هنا يكون عندنا ياطويله العمر والسلامة جدولين ..

جدول الطالب
رقم الطالب الجامعي 00001
اسمه CRAZY
التخصص IT
رقم المادة 240

جدول المواد

رقم المادة 240
اسم المادة قواعد بيانات

لاحظي الجدول الثاني .. عندنا رقم المادة مفتاح أساسي .. اللي هو Primary key

وكمان الجدول الاول عندي برضو رقم المادة ..بس اتريبيوت عادي بدون اي شي وعلى فكرة لاتنسي الخط تحت المفاتيح الاساسيه ..

هنا ياعزيزتي لما يكون عندي جدولين مرتبطين ببعض .. واحد من الجدول في اتربيوت مفتاح اساسي .. و نفس الاتريبيوت موجود في جدول ثاتي .. اللي في الجدول الثاني اسمه "foreign

key

وخلصنا من النقطه الثانيه هو يبغالها تركيز شوي بس سهله مو صعبه عيدي اقريها بشويش وبأذن الله تفهميها
نعود لمحور حديثنا
ونجي عند السيد composite key

عبارة عن جدول فيه مفتاحين أساسيين .. يعني في 2Primary key

مثلاُ ,,
عندنا جدول الدرجات

رقم الطالب الجامعي 00001

رقم الماد ة 240
التقدير A+ هع هع<< جمعيه رفع المعنويات

حتلاقي رقم الطالب الجامعي ورقم المادة تحتهم خط .. مانقدر نخلي واحد منهم بس برامري كي ..

ليش؟؟

عشان انا اقدر اوصل لتقدير الطالب .. هل يكفي اني اعرف رقمه الجامعي بس؟؟؟

لا طبعا .. انا ممكن يكون عندي رقمك الجامعي .. بس ما اعرف انتي تبغي تقديراي مادة
و لو كان عندي ارقام المواد اللي مسجلتها .. هل انا اقدر اعرف اي تقدير انتي تبغي بس برقم المادة؟؟
برضو لا ..

لازم تعطيني رقمك الجامعي و رقم المادة اللي تبغينها عشان اعطيك تقديرك للمادة الفلانية

يااااارب تكون الثلاث النقاط وضحت لك
وتأكدي من المعلومات اللي انا كاتبتها لانو هذا اللي انا فهمته
انتي ارجعي شوفي السلايد وان شاء الله تقدري تربطي بين المواضيع والسلايد اللي ماتعجبك اسحبي عليها بريك وادعسي كملي اللي بعدها <<امحق نصيحه

اي شي مو فاهمته حاضرين .......
بالتوفييق للجميع

[IT crazy]

المشاركة الأصلية كتبت بواسطة techno composite key / تحياتي

شكرا الف شكر techno ماقصرت ربي يحقق مناك وتجيب العلامه الكامله بالماده هذي وبكل المواد

[IT crazy]

المشاركة الأصلية كتبت بواسطة رموز الحياة اي شي مو فاهمته حاضرين ....... بالتوفييق للجميع

اماا انتي يارموز الحياة ياختوووووو عليك
عليك شرح مررررررة ختيير تدخلي المعلومه بالعافيه مرة كانت نفسيتي مسدوده الله يفتح عليك فتحتي نفسيتي وفالك ياااربa+ مثل المثال اللي رفعتي فيه معنوياتي
الف شكرا لك كمان

بضيفك لقائمة الاصدقاء

[شموخ رغم الجروح]

Thaaaaaaaaaaaaaaaaaaaaaaaaaaaaaaaaaaaanks for techno
&رموز الحياة
قربتوا لي المفهوم يعطيكم العافيه

[Cisco]

السلام عليكم ورحمة الله وبركاته
هذا الملف المرفق به شرح للإجابة عن السؤال مزود بالأشكال التوضيحية