احتاج مساعدتكم - معلومات عن المستقبل الوظيفي للصيدلة -.

[M7mmd]

السلام عليكم ورحمة الله وبركاته ..

كيف حالكم جميعاً؟ إن شاء الله تكونو بخير

بدايةً .. انا احب الكيمياء ولله الحمد كويس فيها وتخصصي بإذن الله رح يكون كيميائي

لكني واقف في مفرق ومحتار جداً فين اروح

محتار بين الهندسة الكيميائية والصيدلة

جلست اسوي مقارنة ولكن الاثنين اتساوو في نظري بس كان بقي شي واحد ما حطيتو ضمن المقارنة

لأني ماعندي أي معلومة عنو .. اللي هو المستقبل الوظيفي للصيدلة

ممكن تعطوني اي معلومات تفيدني وتساعدني في قراري " بعد ما استخير طبعاً "

لأني سمعت انو مافي تصنيف للدكتور الصيدلي او شي زي كدا .. وكم شي ثاني ما ادري عن صحته

فيدوني بمعلوماتكم الله يسعدكم

شكراً لكم :)

[د.كيــف]

المشاركة الأصلية كتبت بواسطة m7mmd السلام عليكم ورحمة الله وبركاته .. كيف حالكم جميعاً؟ إن شاء الله تكونو بخير بدايةً .. انا احب الكيمياء ولله الحمد كويس فيها وتخصصي بإذن الله رح يكون كيميائي لكني واقف في مفرق ومحتار جداً فين اروح محتار بين الهندسة الكيميائية والصيدلة جلست اسوي مقارنة ولكن الاثنين اتساوو في نظري بس كان بقي شي واحد ما حطيتو ضمن المقارنة لأني ماعندي أي معلومة عنو .. اللي هو المستقبل الوظيفي للصيدلة ممكن تعطوني اي معلومات تفيدني وتساعدني في قراري " بعد ما استخير طبعاً " لأني سمعت انو مافي تصنيف للدكتور الصيدلي او شي زي كدا .. وكم شي ثاني ما ادري عن صحته فيدوني بمعلوماتكم الله يسعدكم شكراً لكم :)

وعليكم والسلام ورحمة الله وبركـآته ..,

شوف اخوي .

كلامك صحيح , لحد الآن الدكتور الصيدلي ليس له تصنيف ..

على الرغم انه ليس له تصنيف لحد الآن لكن ابدا لا يعـآدل بالصيدلي القـآنوني ( 5 سنوات دراسة )

لكن . ان شـآء الله التصنيف جـآي جـآي ..

لأنه قبل فترة صرح وزير الصحة بالشي هذا ..

وكمـآن أحد دكـآترتنـآ الأفـآضل .. د - عبدالرحمن الأهدل . طمنـآ من هالنـآحيه خصوصـآ انه عضو في الهيئة السعودية للتخصصـآت الصحية .- ‘ان لم أكن مخطئـآ .

وجهة نظري ..

التخصص الطبي أيـآ كـآن , جدا ممتـآز .. مقـآرنة بالهندسة .

اتمنى ان يكون التوفيق حليفك . في المجـآل الذي سوف تنتسب اليه .

[دكتور الطائف]

ادخل صيدله ولا تشاور باذن الله مستقبلها حلو وراتبها احلى

[pharm.d .s]

النسبة للدكتور عبدالرحمن صح هوا عضو في لجنة التخصصات الطبية
وقلنا السنة الي فاتت انو دكتور صيدلي على مرتبة صيدلي اول
بس الكلام شيء والتطبيق شيء اخر تمامااااا
انا عندي شيء واحد بس اقولك هوا
احنا عشان نثبت نفسنا نحتاج وقت طويل مرااا
يعني انا قبلي اتخرجت 4 دفع بس لسة ما احس انو الناس جالسة تستوعب وجودنا مرا كويس في التيم
بس ان شاء على وقتكم تكون الامولا احسن مننا

[M7mmd]

د.كيــف

دكتور الطائف

pharm.d .s

الله يعطيكم العافية ما قصرتو

احنا عشان نثبت نفسنا نحتاج وقت طويل مرااا

كل التردد اللي فيا سببه هذي الجملة , واخاف الوضع يستمر زي ماهو

واندم اني اتخصصت صيدلة بينما كان في يدي مثلا هندسة

ولا في الاصل انا مايل اكثر للصيدلة .. الله يسهل :S

شكراً لكم مجدداً

[ميعاد]

بس اذا انتا استخرت ربي حيسهلك امووورك.. انتا ماتعرف فين الخيير , وساالت عن كل شي وطلع تمااام, بااقي شي واحد....!!

لمن تستخيير ربي بييسرلك ويدخلك التخصص اللي فيه خييير لك من جميع النواحي

لاتنسى الاستخاااره داااااااااااااااااااااااااائما والله يسهلك..

[pharm.d .s]

اممممممم
استخير وربنا يقدم الي فية الخير انا اقولك والله في دكاترة كتير متعاونين معانا وكدا وفي دكاترة لا
اصلا ما يرحبون بوجودنا بس ما تعرف وين الخير
انا كل ما اكتئب وتصك فيني الدنيا الصراحة اقول انا ربي يسر لي دا التخصص واكيد خير ليا
انت استخير وربي يوفقك للاحسن

[M7mmd]

بإذن الله رح استخير لين ما يرتاح قلبي لتخصص

الله يجزاكم الجنة على ردودكم :)

شكراً ..

[تركي4444]

والله انا زيك بديت اخاف

اراء طلاب الصيدلة احسها فيها شوية خوف

[د.كيــف]

المشاركة الأصلية كتبت بواسطة تركي4444 والله انا زيك بديت اخاف اراء طلاب الصيدلة احسها فيها شوية خوف

اخوي تركي موش مسألة خوف .

المسألة في الأول والأخير . عبـآرهـ عن اقتنـآع من عدمه .. سواء لك أو لاخينـآ السـآئل .



بالتوفيق