اش رايكم بهالخمسه مواد اقدر اخذهم مع بعض >>استشارة بجدولي

[noo0oona]

يسعد صباح الجميع يارب
يمكن تقولو اش فيها هذي من بدري قاعده تخطط بس انا قلت انزل موضوعي بدري لانه بعدين كل واحد حينشغل بنفسه وماحد راح يفضى لموضوعي او بالاصح راح تنشغلو >> اجل نسيب جداولنا ونقعد نضبط بجدولك ؟ خخخ

المهم حبايبي اي احد عنده معلومات لايبخل علي بخصوص هالمواد من كل النواحي وباي شي يخطر على بالكم
ثقافه 401
تفاضل 202
رياضيات 251
رياضيات261
احصاء201
طبعا ممكن اخذ بدل الاحصاء حاسب201 اللي هو مقدمه في البرمجه

اش رايكم ؟؟
واهم شي ابي اعرفه بعد مين الاستاذات الكويسات اللي يعطو هالماده ومين اللي مرة مو كويسات يعني مااخذ الماده احسن من اني اخذها معاها
طبعا الاسماء مو لازم تتعلق بماده معينه ممكن يكونو من قسم الرياضيات بس مو شرط يعطو هالمواد
ومشكووووووووووووورين لحسن استماعكم لنا >> اذاعة مدرسه صارت
لامن جد جزاكم الله خير مقدما

[السنافي ؟؟]

أنا ماأخذت إلا رياضيات 202 وهي صعبه حيل يبغالها إجتهاد

وبالنسبه للباقي ماأفتيك فيها

[noo0oona]

مشكوراخوي السنافي و يكفي مرورك وترى افدتني كثيرلماقلت تفاضل 202يبغاله اجتهاد
بانتظارالبقية

[محمد العولقي]

الله يعينكم قولوا أنا وش أسوي اذا تغيرت الخطة الدراسية لقسم الكيمياء الحيوية

[noo0oona]

الله يعين الجميع ولاتشيل هم حتى لوتغيرت الخطةاتوقع بس تغيرفي أسماء المواد وبالنسبه للمنهج ان شالله يكون نفسه

بانتظار البقية

[احساس ورده]

هلااااااا ...

..حلووو قبل الزحمــــه هههههههههه


.. جدولك ياحلوووه أشوية دســـــــم <<جيعاااانه ههههههه

ثقافه 401 .. ماده تاااريخ وأدب أكثر من أنها دين ودش كلااااااااام ..

ونصيحه لا تأخذيها مع د. يمان طنطاوي

تفاضل .202 المـــــاده جدا راااااائعه ..بس مثل ماذكرو أنه يبغالها أجتهاد وتحلي السيكشن أول بأووول

أنا أخذتها مع أ.خديجه بس مو موجوده ..ويقولو دينا أبو زيد مرره كووويسه

رياضيات 251
رياضيات261 << أنا أحصـــاء وماأخذ المادتين هذه

أحصــــاء 201 ... في .أ. سلافه حمد .. وألهام ..

ودكتورة أمااااال مرره عسوووله ..بس أنصحك ماتأخذيها مع دكتورة سيده أبداااا

[noo0oona]

مشكوووووورةحياتي على ردك افدتيني كثير الله يسعدك يارب وانتي طبعا جارتي انتي احصاءوانارياضيات عشان كذامانستغنى عن خدماتك
عارفةياقلبي اناعشان متأخرةحبتين عشان كذاأبي آخذ5موادلان في اترام ممكن تكون اصعب وماحقدرآخذفوق 4مواد
طيب اش اسهل ياقلبي احصاء والا حاسب 202اللي هومقدمةفي البرمجة؟

[NOIR]

البرمجة انتِ و حظك .. اذا مسكتها وحدة نسيت اسمها بس لقبها ملة المادة الترم الجاي انصحك تحذفيها !
المادة هذه تعتمد على الحفظ كثييير و على استاذة المادة نفسها
الاحصاء خذيها مع أ. لميس العامودي شعبتها تتبعى بسرعة ما شاء الله
بالنسبة لأسس الرياضيات المادة هذه كلها اثباتات وصحبتي رياضيات و عانت منها كثيير هي أخذتها مع استاذة
منى المنصوري و يقولوا شرح دينا ابو زيد احسن و الله أعلم
و مادة هندسة تحليلة صحبتي اخذتها مع سحر مفتي كانت تقولي المادة سهلة
تفاضل 202 اخذتها مع سحر مفتي بقولك اسلوب شرحها كيف
طبعاً تفهمك و المعلومات الي تقولها اكتبيها في دفترك لأنها تكون بالمرررة مهمة
افتكر كانت تعطينا ملخصات بالعربي او لمن تكتب ملاحظة كانت تكتبها بالعربي ( شيء ينفهم )
أما دينا ابو زيد الي سمعت عنها انه شرحها مفصل بس شديدة بالمرة عكس سحر مرة طيبة و هادية
و طبعاً التصحيح مشترك
ثقافة 4 لسع ما اخذته
أنا عن نفسي انصحك انك تاخذي 4 مواد وانتِ استخيري و ما يصير ان شاء الله الا كل خير
و موفقة يا نونا ^_^

ندااااااااااء لاحساس ورد p:
ايش فيها استاذة سيدة ؟! و ايش المادة الي درستك هو ؟! و ليش متعقدة منها
و ايش رأيك بدكتورة الهام محمود و نعمات قطب ؟

[noo0oona]

حبيبتي نوير الف شكر حبيبتي على المعلومات والله ماتدري قدايش افدتيني حبيبتي
بس اش رايك انزل احصاء والا برمجه؟؟
انا ابي ارفع معدلي شوي وابي ماده سهله لان الباقي حيكون دسم حبتين
ومشكورة حبيتي نردها لكي بالافراح ان شالله

[noo0oona]

وبرضو اذا احد عنده اي معلومات لايقصر ومشكورين الله يسعدكم يارب