مادة اساسيات علم البيئه

[R.M.B]

لو سمحتوا بنوتات الي يعرف شي عن الماده يقولنا عن ايش تتكلم بالضبط ؟؟ دسمه ولا خفيفه؟؟ عربي ولا انجليزي ؟؟ وكيف الاسئله ؟؟ وأفضل الأستاذاااات

ويعطيكم ألف عافيه

[jello]

انا بآخدها دا الترم مع د.هدى قاري
الماده تتكلم عن حاجات كتير زي التلوث البيئي ،تأثير الانسان السلبي ع البيئه، الدورات الطبيعيه زي دورة الماء والاكسجين والنيتروجين، السلاسل الغذائيه في الطبيعه
اللاب يتكلم عن الاقاليم، الغابات، الصحراء.. الخ

الماده نصها الاول عربي ونصها التاني انجلش.. تقولو ايش الحول دا بس الدكتوره قالتلنا السبب انو مالقو مراجع وكتب كافيه وكويسه باللغه العربيه (واخزياه علينا احنا العرب)

اممم وصراحه انا شايفتها خفيفه لانها فهم مافي حفظ كتيير يعني لو فهمتي تحلي بإذن الله في الاختبار ودرجاتي الحمد لله مررره كويسه فيها بالذات اللاب مرره حتحبيه تاخدي درجاته وانتي تضحكي ان شا الله
فيها بونس درجتين وفيه معرض.. ماادري اذا حضرتووه بس كان من ارتب المعارض اللي شاركت فيها فالجامعه وكانت برعاية مركز التميز البيئي التابعه للجامعه ويدونا شهادات تميز وفيه شهادات حضور للطالبات..
اممم الاسئله كانت نص ونص صراحه حسيت ماهي مفهومه ويبغالها تركيز

[R.M.B]

طيب وكيف الدكتوره أسلوبها شرحها؟؟

والاسئله مقاليه؟؟

[jello]

نسيت اقولك توزيع الدرجاات
اللاب ٢٠
ميد تيرم ٢٠
فاينل ٣٠
المناقشه ٩
حضور المحاضرات ٦ + حضور المناقشات ٥= ١١
معرض ١٠

[jello]

المشاركة الأصلية كتبت بواسطة r.m.b طيب وكيف الدكتوره أسلوبها شرحها؟؟ والاسئله مقاليه؟؟

اسلوبها وشرحها تماااااااااااااااااااااام ميه ميه ماشاء الله

الاسئله في الميد تيرم كانت كللها اختياري وسؤال واحد صلي وجدول نعبيه مقالي ورسمه
بس الفاينل للأسف كان المفروض الاحد لكن اتأجل

[R.M.B]

يعطيك ألف عافيه
ربي يوفقك وييسرلك أمرك ويفتحها في وجهك ويسعدك دنيا واخره

كتبت موضوع عن جدولي ياليت ترديلي بالنسبة للاحياء الدقيقه ربي يسعدك

[طفلتك حنت كثير]

لو سمحتي في اي قسم دي الماده

[R.M.B]

احياء