افيدوني في تخصصكم ي الكيمياء الحيويه

[Meme599]

السﻻم عليكم

انا تخصص كيمياء اول سمستر

مررا ماحبيتو -كلو من العضويه ومو متخيله ادرس عضوية2-
وحابه احول للكيمياء الحيوية احسو اسهل مقارنه بالككيمياء العاديه!!

كيف المواد ومستوى صعوبتها وهل تعتمد كلها ع الحفظ!! يعني كأني ادرس احياء؟؟؟؟؟

انا مو مرا ف الحفظ
والدكتورات افضلهم مين واسوأهم ؟؟


افيدوووني بكل النواحي جزاكم الله خير

[بيو كيميائية ^_^]

تحسيه لكن ماشفتيه :p

شوفي كوني دارسة بكالوريوس بايوكمستري و الحين عندي ماستر تكميلي في الكيمياء وشفت موادكم و دكاترتكم

لقيت موادكم أسهل الدكاترة مدلعينكم و مسهلين عليكم و كمان حسيتهم أكثر إنسانية من حقونا

أنتوا قليل مرة فيعملوا تحسين إحنا كثير فما فيه تحسين و هالحركات إحنا الشعبة توصل 60 وفوق و كذا شعبة

تقدرون تأجلون إختباراتكم بكل سهولة إحنا لا أنتوا ما يصير عندكم إختبارين في يوم واحد و ماترضون بإختبارات وراء بعض

بنات البايوكمستري متفائلات بنات الكمستري يكبرون السالفة و هي و لا شيء و دائمًا يتشكون و يحبون يخوفون غيرهم مايرتاحون إلا لما يشوفونك مثلهم خايفة و نكدية

دكاترة البايوك يبتسمون الكمستري لا بس هم الأطيب صدقًا

بالنسبة للبايوك مو بس حفظ و لا هو زي الأحياء يعتمد على الفهم و الحفظ

ففكري كويس و استخيري واطلعي على المناهج و شوفي

و ترا معروف قسم الكيمياء أسهل قسم في الكلية في البكالوريوس طبعًا

و غلط تكرهين تخصص عشان مادة وحدة

لأن حتى لو حولتي بتلاقي مواد معفنة

التخصص مو صعب بس كمان مو سهل

و كل تخصص بتلاقي صعوبة فيه بس لازم تكوني حابته و مقتنعة فيه و تذاكري صح

[picasso]

وعليك السلام ورحمه الله وبركاته
عجبني كلام بيو كيميائية وخبرتها كبيره بالدراسة وفقها الله
نسبة كبيره من الطلاب اول ترم يعاني مشكله وعدم رضا
وهذا شي طبيعي وجميل جدا عشان نعرف ايش الاسباب
وكيف نحل هذه الاسباب ؟

من الاسباب : عدم معرفتنا بالزملاء التخصص ( طلاب جدد ) وقلة الخبرة باعضاء هئية التدريس وكيف طريقة تدريسهم وكيف نتعامل معهم
انا اوصيك انك تكوني دائما مع زميلات لك بالتخصص الكويسسين طبعا وتكوني قريبه جدا من زمييلات بالتخصص بمستويات متقدمه لان عندهم
الخبرة الطويله بالقسم وتستفيدي منهم عشان تعرفي كيف تتعاملي مع المواد ومع الدكاتره بصفة خاصة ؟

وفي نقطه مهمه الطلاب المتفوقين اذا احد طلب منهم حاجه ( تصوير دفتر على سبيل مثال ) يخفون الاشياء المهمه :) الا الاتعاب خخخ
لازم تكون العلاقة بينهم مصالح مشتركة اذا انا طلبت حاجه لازم انا ابادر برد هذا الجميل باسرع وقت وبدون اي طلب ..
وصحبتهم مفيده جدا .

والدكاترة السيئين مع احترامي :) زيارتهم بالساعات المكتبية ونسألهم عن اشياء احنا نعرفها بس نيبن لهم اننا
مهتميم بالمادة وحريصين دائما على الاستفادة وهي معزز كبير للطالب وثقته تصير بنفسه اكبر ونتائجها موثوقه مني

وزي ما قالت بيوكيميائية اننا ( نذاكر صح ) انا افسرها اننا نعطي التعليمات لعقولنا الجبارة عشان
نعرف ايش نركز عليه بالمواد وايش الي لازم نفهمه وتوزيع الدرجات كم عدد الاختبارات وطريقة الاساتذة والخ .. ؟
واسال الله لك التوفيق واعتذر اذا كنت خارج عن الموضوع او اذا كان حديثي هذا لم يتقبله احد ودمتم بخير

[بيو كيميائية ^_^]

والدكاترة السيئين مع احترامي :) زيارتهم بالساعات المكتبية ونسألهم عن اشياء احنا نعرفها بس نيبن لهم اننا مهتميم بالمادة وحريصين دائما على الاستفادة وهي معزز كبير للطالب وثقته تصير بنفسه اكبر ونتائجها موثوقه مني نقرتين لعرض الصورة في صفحة مستقلة

من جد يعني أعملها الترم الجاي و بضمانتك آخذ a+ ؟؟؟

فيه دكتورة بتدرسني تخوف و بدرس عندها كمان مادتين :(

و مرة من الحين و أنا شايلة همها و لما أشوفها تفجعني :(

[Meme599]

من كﻻمك انو ماتنصحي ادخل كيميا حيويه -_-

[بيو كيميائية ^_^]

الصدق بصراحة ما أنصحك مو عشان صعب أو سهل مافيه شيء صعب إذا بتذاكري

عشان بعدين لما تتخرجين الوظايف جدًا قليلة

الكيمياء الحيوي مو معترف فيه عشان كذا أنا غيرت تخصصي ما أبي أتعب نفسي و أجلس

الكيمياء أقلها تصيري مدرسة إذا ماتبين إختلاط

[Meme599]

يعطيكي العافيه بيوكيميائية ماقصرتي , بس لو كملت ماستر في تقنية المختبرات او علم اﻻدوية او تغذيه حيكون احسن وﻻ!

عكس الكيميا اشياء قليل اقدر اكمل فيها ماستر *خصوصا تفرع طبي*
وغير كدا اتا شايفه انو الكيميا مرا بحته ماحستفيد منها ف حياتي عكس الحيوي

كمان الكارثه العظمى (الماث) ف خطة الكيميا مااخدتو مرا كارهتو

حستخير كثير اللي ربنا كاتبو حيسير

[وسام الامان]

ماشاءالله بيكاسو وبيوكمائية افادوا بالشرح الوافي ^^ وانا اللي اقدر اقولك عليه ياميمي انك تستخيري الله اولا واخيرا انك تحولي او تجلسي في تخصصك وثانيا لا تتخوفي منه بسبب مادة وحدة لا شوفي باقي المواد واكثريتها هل تحسي نفسك لك مجال فيها وقادرة على الخوض فيها وفهمها وانجازها راح تلاقي نفسك مستمتعة بتخصصك (وعلى فكرة الكيميا العضوية روعة خصوصا في معملها سهل زي الكيميا العام اذا حضرت مع الدكتورة اول باول وكتبت معها كل شي تشرحه اضمني الاي بلس غير كذا مارح تنجزي فيها مرة لانها دسمة تحتاج جهد) فأنت اتوكلي على الله وخذي بالاسباب وخليك على التخصص اللي اقتنعت فيه بعد الاستخارة وفالك التوفيق من رب العالمين , انا اختي من الدفعات القديمة واتخصصت احياء دقيقة ايام ماكان عربي وطبعا وكانو ينظرولهم نظرة دونية وماشاءالله دحين ماستر وبتتدرب مع دكتور جلدية لان تخصصها فيروسات فان شاءالله ربي يسهل لك ولنا ان نكمل في مجالاتنا يارب ^^.
اللهم صل وسلم على الحبيب

[الارقام الصعبه]

كلامهم سليم لكن لا تدخلي كيمياء حيوي ,

حتتعبي كثييير لانك بالوسط لا الصحه بتقبلك
ولا الخدمه المدنيه ويمكن تندمي في
وقت ماعاد يفيد فيه الندم ...

[بيو كيميائية ^_^]

المشاركة الأصلية كتبت بواسطة meme599 يعطيكي العافيه بيوكيميائية ماقصرتي , بس لو كملت ماستر في تقنية المختبرات او علم اﻻدوية او تغذيه حيكون احسن وﻻ! عكس الكيميا اشياء قليل اقدر اكمل فيها ماستر *خصوصا تفرع طبي* وغير كدا اتا شايفه انو الكيميا مرا بحته ماحستفيد منها ف حياتي عكس الحيوي كمان الكارثه العظمى (الماث) ف خطة الكيميا مااخدتو مرا كارهتو حستخير كثير اللي ربنا كاتبو حيسير

في جامعتنا تكملي مختبرات بشرط خبرة 3 سنوات في مستشفى طبعًا !!!

كان مرة نفسي أتخصص هيماتولوجي (أمراض الدم ) بس شفت شرط الخبرة غيرت رايي

و غير كذا شفت ماستر في الحرس بعث و نفس الشيء طالبين خبرة 3 سنوات فمرة قهر :(

أنا خلال هالثلاث سنوات بإذن الله خلصت الماجستير

أنصحك تشوفين شروط البرامج اللي في السعودية

أما إذا بتكملي برا فالوضع مختلف

أنا كان بإمكاني أريح نفسي و أختار الطريق الأسهل و أكمل في نفس تخصصي بس اخترت الطريق الأصعب مع إني أتعذب نفسيًا يوميًا و خايفه و بكي و أبي أخلص التكميلي بس كله عشان ألقى وظيفة محترمة

التخصصي عالن وظايف طالب ماستر كيمياء تحليلي الوظيفة باحث مشارك ما شفت مكتوب بايوكمستري غير فني باحث و بكالوريوس و خبرة للأسف :(

ففكري كثير و إذا دخلتيه أنصحك تتدربين السنة بعد التخرج و تحصلين على الرخصة و تتوظفين و تكملي ماستر

هذا أفضل حل لوظيفة محترمة للأسف إحنا في مكان لا يقدر العلم و التخصصات العظيمة الله يغير الحال

أنا ما أبي أحطم أحد بس هذه الحقيقة

هو صح أرزاق و ماحد يضمن بس إعملي بالأسباب

و لو تحولين إقتصاد و إدارة

أو تروحي كلية أهلية تخصص صحي أو إدارة مستشفيات أفضل بعد لكِ تتخرجين و تشتغلين و بلا جلسة البيت

و إدارة المستشفيات جدًا جدًا مطلوب توظيف مباشر على طول تتخرجين تتوظفين