اللي حضر اليوم السبت هام

[البادي]

بالنسبة للسكن راحو انريكي وعبادي إلي معانا بالمنتدى المهم راحو من 6 الفجر للعمادة وقعدو إلين الظهر وبالنهاية قالولهم تعالو بكرة الصبح وشكلهم بيستأجرون شقة جنب الجامعة

[عجزت أنساك]

احنا البنات قالوا لنا مافي محاضرات الين يوم الاثنين

[Xd2X]

انا عن نفسي رحت اليوم وزي ماتوقعت اني بكون ضايع في الجامعه
المهم سألت ورحت على المبنى اللي في اول محاضره وكان في طلاب في القاعه
لكن من دون استاذ وجلسنا وقت المحاضره كله اللين اخر 10 دقايق محد جاء من الاستاذه وبعدها انا طلعت من الجامعه ورحت البيت
والظاهر انه حتى بكره مافي شي انا عن نفسي لو تسألوني !! ماراح احضر بكره لان مشوار وتعب وحر على الفاضي
ونشوف لو بكره حيكون في دوام فعلي او حتى تحضير يصير نداوم الاثنين
والله كريم .....

[Bordoga]

كان عندي انجليزي اول محاضرة و رحت غرفتي و مالقيت ولا محاضر

بعد كم دقيقة جاء واحد مسؤول او محاضر مدري بالضبط قال اليوم مافي شي

المهم قالنا بالنسبة للكتب

روحوا مكتبة جرير و قولولهم نبغى كتاب انجليش 101 و راح يعطوكم هوا

و بعدين رحت جرير وتفاجات قالولي لسى الكتب مانزلت .. يمكن بعد يومين تنزل..

..

و بعد كذا كان عندي احصاء ورحت غرفتي و جانا الدكتور اسمو بندر الزهراني.. ما شاء الله محترم و طيب و كلامو زي العسل

قالنا بالنسبة للكتب ما اطالبكم بها.. واصلا قال الكتاب اللي بيشرح منو مايدري اذا هو ينباع منو عندنا ولا لا..

المهم قالنا المحاضرات بيحطها في موقعو قبل يوم المحاضرة

يعني مثلا عندك يوم الاثنين احصاء.. ادخل على موقعو يوم الاحد بعد العشاء راح تلاقيها موجودة..

و كمان قالنا احتمال يعطينا مذكرات و واجبات ..

و لازم تجيب دفتر عشان راح يحل مسائل في المحاضرة..

واللي يخوف انو الاختبار راح يكون كلو باللغة الانجليزية..!!

وقال راح نبدا الدراسة يوم الاثنين

وهذا بالنسبة للاحصاء..

وبعدها كان عندي احياء الساعة 2 الظهر بس مارحت ما ادري وش سار..

اتمنى اني اكون افدتك و لو بشي قليل..واي استفسار انا حاضر

[BaN BaN al sini]

والله بالنسبه ليا

انا لفلفت ولفلفت ودرت وحوست

إلييييييين وصلت لمبنى 73

والله وكان إنجلش عليا وما كان في اي دكتور

بس طلاب مرمين هنا وهناك

لووووووول

وبس رحت للرياضيات في مبنى 40 والدكتور نسيت إسمو والله زي العسل

بس والله حضر الطلاب وغيب

وبس بعدها دشرت ^_^

واعتقد راح يغيبو الأيام الجايا

وانا راح اداوم بكرا

ويسير خير

[Bdour]

روحتنا اليوم زي قلتها،،،




ما استفدنا ولا شئ غير الدوخة الراس ،،،




بس انا نفسي اعرف اذا الاسبوع كلو زي كذا ؟؟



عشان اذا مافي دراسة ما نروح ،،،

[T U R k i]

كتاب الإنجليزي اسمه انتركشن(1) للمسار العلمي
المسار الإداري انتركشن اكسس

[مس بينك]

سلام انا طالبة سنه تحضيري خطة ب



بلييييييييييييييييييييييييييييز قولولي فيه دوام هالاسبوع


واذا كان فيه دوام متى يبدا

[abady]

صراااحة ماتوقعت حيكون اليوم الاول كذا .... المهم كان عندي انقلش الساعة 8 واجلس الى نهاية المحاضرة شوي دخل علينا واحد هو هندي بنقالي بكستاني الله اعلم بالقوة يتكلم انقليزي قال اليوم مافي محاضرات تعالو بكرا مع كتبكم اشتروها من جرير طبعاا للفائدة رحت لجرير قالو الكتب لسى ماوصلت الاحد او الاثنين تكون وصلت ....
بالنسبة للسكن اليوم نزلوا اربعة اوراق فيها اسماء اللي يحصل اسمة يدخل عليهم مع جدوله واربع صور واستمارة من شهادة الثانوية ...وللي مايحصل اسمة يجي اليوم الثاني وزي كذا حتنزل اسماء يومياً لمدة اسبوع ..على فكرة اللي ماسجل اسمة ايام تقديم الملفات للسكن يقدر يروح يسجل اسمة ....

[مَـزٍآج ..}..]

يالييييييييييل والله اول يوم زحمـه ومـرضض ع الفاضي ..

المهم انا كانت عندي محاضره انقلـش في مبنى 73 والحمد لله حصلته بسرعه هههههه
المهم دخلت المبنى طلاااااااب قد شعر راسسك .. كل واحد مرمي جنب الفصل حقووو ..
ولا احد عبرنا المشكله ههههههههههههههههههه .. انتظرت لما خلصت المحاضره ..
وقالوا اليوم اصلا مافي انقلشش كل واحد ينقلع على بيتـووووووو ..

رحت ع الثانيـه الي هيا رياضيات وجآنـآ الدكتور اسموو وليد الحمدان مره عسل ..
وتصدقوا انـه حضـر الطلاب والي غاب سجله غيـآب ههههههههههههههههه .. مره متحمس الدكتور
وقال لنـآ الكتب بقول لكم عليها بعد كم يوم ..

المهم اخر محاضره كانت اساسيات حاسب ومبنى 31 وقسم بالله مبنى جنني ..
قعدت نص سسـآعه ادور عليه والسكورتيـه مامنـهم فائده ياشيخ ..
ودورت ودورت وفريت في الشمـس لين صرت اسـود ههههههههه واخيرا حصلته
دخلت الكليـه وافر وافر ع الفصل ما حصلتو وربي طلاب كثيـر يفروا معايا ..
بعدين سالنا قالوا انقلعواا اليوم مافي شئ ..

ورجعت البيت وانا كآره ام الجامعه على اليوم ايل سجلت فيه في الجامعه ..

وبكـره بروح ان شاء الله بس بشوف ايش يصيررررررر ؟!

> خلاص لا يكثـر كلامك كثيـر ههههههههههههههههههههههه