كيف كان اختبار تنظيم الايض اليوم 23/5/1433

[وسام الامان]

السلااااااااااااااااااام عليكن

ازيكون يابنيات
كده باختصاااااااااااار ..,. انا ماحضرت الاختبار للارهاق والتعب
كيف كان امتحانكم سهل ولا صعب

واريدد اعرف هل تقدر اجيب لها التقرير وتعملي امتحان لانو كده حصل معي ف الدوري الاول والحمدلله امتحنتني الله يسعدها

يعني لو قلت لها رح تتقبل وتمتحني


ويسللللللللللللللللللمون



لا إله إلا أنت سبحانك إني كنت من الظالمين

[دروووووووب]

وعليكم السلام والرحمة والاكرام ...
اتمنى من كل قلبي انها تقبل عدرك وتختبرك مع اني سمعتها قالت تساهلت وعدته في الدوري الاول لكن الثاني ماراح يكون فيه اختبار ادا ماحضرتي في يوم اختبارك ..هدا والله اعلم ما ابغ اخوفك بس يمكن هي قالت كدا عشان مانغيب ..المهم توكلي على ربك وكلميها ان شاءلله تكون متساهلة زي الدوري الاول
ومن ناحية اختبار اليوم حسيته كويس ومتنوع وكل شي جابته .. طبعااا اسالتها عشره فراغات بدرجه كااامله عالفراغ وهي دي اللي غلطت فيها لانه سراحه من بيييييييييين السطوووووور .. وبعدها خمسة اسئلة ابو درجتين وكانت كويسه اغلبها تعداد بس مقارنه وحده بين الكومبيتتف والنون كومبيتتف وسوءال واحد اللي كان تشرحي ايش يحصل للبد في السكيليتال ميوسكل في الستارفاااشن ... وبعدها عشرة اسئلة خيارات ابو درجه وحده وكانت سهله نوعا مااا بالدات انه شي غريييب كل الخيارات كانت اجاباتها (الف)ماعادا ااااخر حيار كان (بااء)... وبكدا كملت الثلاثين درجه وان شالله يااارب ما انقص اكثر من درجتين

[وسام الامان]

ياقلبي درووب نقصتي في الاختياري بس ياااااااااارب تتغاضى عنها وتعطيك الدرجة الكاملة ان شالله وتستاهليها


الله يسسسسعدك ياحلوة ويوفقك ويخليك ويحفظك ويعطيك اللي تتمنيه






لا إله إلا أنت سبحانك إني كنت من الظالمين

[نسكافي]

شوفي حبيبتي نظام الجامعة يجبر الدكتورة تعطي الطالبة فرصة لو الطالبة غابت عن الاختبار وعندها تقرير طبي

اما تعيد الاختبار
او تختبرك مع الفاينل
او تعمل معادلة بين الدوري الاول والفاينل وتحط لك متوسط
بس لازم يكون عندك تقرير
لانه لو بيد الدكاترة ما كان احد اختبر ثاني مرة ياقلبي
الله يسهل امرك

[وسام الامان]

الله يسسسسسسسسسسسسعدك حبيبي نسكافي بردت على قلبي
والله كويس قلت لي كدا عشان اقولها ان الجامعة رح تجبرك تعيدي لي
هههه والله ع قولتك لو بيد الدكتورة ما كان احد اختبر تاني وفي دكاترة الله يهديهم مرررة مايراعوا
وفي العكس

والله تصدقي انا رحت عندها وقلت لها وكلمتها وجبت لها تقرير يوم الثلاثاء قالت لي ما اقدر اختبرك مرة تانية قلت لها انا تعبانة عندي نشاط الغدة غصبا عني تتعبني قالت لي تعالي يوم السبت عشان اقرر انو اختبرك اولا

حتى السبت ما اقدر اجيها لانوفي المستشفى اطعمت بجرعة يود مشع واعطتني الدكتورة اجازة اسبوع قالت لي ما ينفع تختلطي بالناس مباشرة لانك رح تضريهم باليود المشع

يعني لازم ارسل بنت تكلمها تقولها انو مارح اقدر اداوم السبت



شكرا يديك العافية قلبو





استغفر الله العظيم وأتوب إليه

[دروووووووب]

الله يشفيكي يااارب ويسسرر لك كووول امورك
وانتي لاتشيلي هم خليها على رب العالمين

[وسام الامان]

المشاركة الأصلية كتبت بواسطة دروووووووب الله يشفيكي يااارب ويسسرر لك كووول امورك وانتي لاتشيلي هم خليها على رب العالمين

الله يسسسسلمك حبيبي والله من زوءك كلامك يرد الروح
وان شالله ما قدامك الا التوفيق يااارب

اللهم صل وسلم وبارك على سيدنا ونبينا ورسولنا وامامنا وقدوتنا محمد بن عبدالله سيد الانبياء والمرسلين وعلى اله وصحبه ومن والاه وتبعه الى يوم الدين
( 16 )





اللهم صل وسلم وبارك على سيدنا ونبينا ورسولنا وامامنا وقدوتنا محمد بن عبدالله سيد الانبياء والمرسلين وعلى اله وصحبه ومن والاه وتبعه الى يوم الدين
( 16 )

[Noory =)]

ياحياتي الله يشفيك يارب
وان شاء الله تجيبين درجه حلوه .. :)

[نسكافي]

الله يشفيك ويخفف عنك
طمنينا شو صار معاك