استفسار بخصوص التسجيل في كلية الطب

[♥أنثى الخيال♥]

السلام عليكم ورحمة الله وبركاته

صباح الخير

اول شي انا عضوة جديدة عندكم واتمنى انكم تقبلوني بينكم

تاني شي عندي شوية استفسارات وابغى افادتكم ..

انا خريجة قسم الاحياء .. ومن صغري وانا احب الطب حب جنوووووني لدرجة اني

لمن اسمع انو احد دخل كلية الطب اتاثر واتمنى لو اني كنت انا في الكلية ..

هدا نصيبي والحمدلله على كل شي ..

انا سمعت انو الطالب اذا اتخرج يقدر ياخد بكالريوس تاني من اي قسم يبغاه

هل هذا الكلام صحيح ؟؟ واذا كان صحيح ينفع اني اسجل في كلية الطب وادريس ؟؟

واذا كان مش صحيح ايش تنصحوني ؟؟

ايش هيا افضل طريقة عشان اتعلم الطب وانا في هذا الوضع ؟؟

وهل المنتديات والمواقع الطبية تقدر انها تفيدني ؟؟

انا بدي اتعلم كل شي عن الطب من الصفر وخطوة خطوة انا عندي طموح كبييييير

اني اتعلمه

ادري بتقولولي لازم تطبيق عملي والطب مش سهل ومن دا الكلام انا هقولكم

بـ العزيمة والارادة كل شي يصير سهل باذن الله..وطالما انا احبه هامشي فيه ..

و انا بتعلم حبة حبة وكل شي يجي بالتساهيل ان شاء الله

على فكرة انا عندي معلومات مش بطالة عن الطب يعني اللي حاب انو يعلمني مش

هيتعب<< تلمح الاخت

اتمنى انكم تفيدوني وماتبخلوا عليا

اختكم

♥أنثى الخيال♥

[~Sm!le ^_^ Face~]

الله يوفقك وينولك اللي في بالك وترى انا حلمي زي حلمك وسرت متحطمه لانه قلت الفرصه

المتاحه لي لدخول الطب لكن ربي يسهلها ليك وليه ياااااااااارب

والله ماعندي اي فكره عن الموضوع هاذا وما اقدر افيدك << ليش داخله

لكن اقلك قال تعالى: (ادعوني استجب لكم ) ادعي ربك واطلبي منه اللي تبغين

في صلاتك وحتى خصصيلك وقت من الليل وصلي فيه وادعي وربي بإذنه مايردك خايبه

واللي عجبني فيك اصرارك لما تصرين على حاجه وتركزين انك تحصلين عليها وتقولي لنفسك انا اقدر ادخل كلية الطب

هذا بإذن الله يساعدك تحققي اللي في بالك ...الله يسعدك ويوفقك وينولك اللي في بالك


تقبلي تحياتي

[♥أنثى الخيال♥]

المتحطمة

هلا وغلا فيكِ

منووورة موضوعي والله

الحمدلله انا عندي اصرار كبيييييير جدا واذا بدي في شي لازم احاول فيه الين ما احصل عليه

الله يحققلي ويحققلك ويحقق للجمييييييع كل الامنيات

ويسهلنا هذا الامر وكل الامور

تسلمي ياقمر على ردك الحلو والدعوات الاحلى ..

واتمنى الاعضاء يفيدوني ومايبخلوا عليا

ومنوووورة مرة تانية

مع حبي

..~ْ}

[♥أنثى الخيال♥]

فينكم ياجماعة بدي رأيكم

ابغاكم تفيدوني

معقولة طلبة الطب ولا احد فيهم يعرف ؟؟

اتمنى ماتبخلوا عليا

[dr.6amo0o7]

ما شالله عليكي أختي أنثى الخــــيال الله يوفقك يا رب ...
بالمناسبة ذكرتيني بقصة سمعتها في الراديو عن واحد ألماني كان طموحه يدرس الطب البيطري لحبه الشديد للحيوانات و لهذا المجال و لكن لم يقدر له وسجل في الجيش و بعد ان وص عمره على ما اتذكر 68 قرر انه يدرس الطب البيطري و فعلا سجل في كلية الطب البيطري

عمــــــوما ارجع لموضوعك .. بما انك مصرة و عندك طموح عالي فالأفضل انك تدرسي الطب في كلية طب أهلية
مثل كلية ابن سينا و البترجي على ما اعتقد كلها في مدينة جدة
اتصلي عليهم و اساليهم اذا كان بامكانك انك تاخذي باكلريوي اضافي على الباكلريوس اللي عندك
اعتقد انها افضل طريقة للاجابة على اسالتك

اتمــــــــــنى اكـــــــــــون ساعدت بشي

[ammorty]

حاولي انك تسجلي من جديد في الجامعة وعدي السنة التحضيرية وجيبي معدل وادخلي طب
او سجلي في كلية طب اهليه زي ما قال دكتور طموح

[♥أنثى الخيال♥]

dr.6amo0o7

اهلين فيك

هو لازم كلية اهلية يعني ماينفع في الجامعة ؟؟

اهم شي طمنتني انو ينفع الطالب ياخد بكالريوسين

تسلم على ردك

الف شكر لك ..

ارق تحياتي

..~ْ}

[♥أنثى الخيال♥]

ammorty

اهلين فيك

ان شاء الله هحاول

وربنا يحققلي امنيتي وادرس الطب

دعواتكم ليا

تسلم على ردك

ارق تحياتي

..~ْ}

[Dr.3s0o0l]

أهلـــــــــــــــــــــــــــــــــــــــــــــــ ــــــــــيــــــــــــــــــــــــــــــن
كيفكــ
الصراحهـ ماعندي قكرهـ >>>لقافه على خفيف
بس حبيت اشاارك وعندي فكره لك تعالي ادرسي محلي وفكيني من هالدراسه وانا اخذ مكانك >>>بس مو عطولل

تقبليــ مروريـــ Dr.3so0ol

[المتفائلة]

أنثى الخيال

جميل جدا ان نرى ذلك الطموح
الله يوفقك يارب


الطلاب اوجدوا لك حل مناسب وهو الالتحاق بكليه الطب (اهلية )

بالنسبه للمواقه الطبية فللأسف
ليس كلها مواقع فيها معلومات صحيحة 100%

الله يوفقك يارب
ويحقق لك مرادك