ابغى اتخصص اداره ومحتاج نصيحتكم جدا

[عازف الجامعة]

السلام عليكم
محتاج مساعدتكم في كم سؤال ، انا علمي
انا معدلي الى الان 4،7 الحمد لله ورغبتي في الادارة
بس الشباب اللي حولي يقولون لي انه تخصص سئ وكذا

فبغيت اسألكم كم سؤال ،،
ايش رايكم في التخصص ؟ وكم مستوى ادرسها ؟
والسؤال الاهم هل فيه ابتعاث للماجستير في هذا التخصص ؟؟؟؟؟؟
وياليت تعطوني فكرة عن فرص العمل في التخصص ،،
وكمان ايش الفرق بينه وبين كلية الاعمال اللي في رابغ ؟
لاني استغربت لمن لقيت ان كلية الادارة اقل نسبة قُبلت 65,8
بينما كلية الاعمال برابغ اقل نسبة قُبلت فيها قرابة 82

ارجوكم تساعدوني بسرعه عشان باقي على نهاية التسكين 7 ايام

وشكراً لكم

[عازف الجامعة]

للرفع

[girl.k.s.a]

المشاركة الأصلية كتبت بواسطة عازف الجامعة السلام عليكم محتاج مساعدتكم في كم سؤال ، انا علمي انا معدلي الى الان 4،7 الحمد لله ورغبتي في الادارة بس الشباب اللي حولي يقولون لي انه تخصص سئ وكذا فبغيت اسألكم كم سؤال ،، ايش رايكم في التخصص ؟ وكم مستوى ادرسها ؟ والسؤال الاهم هل فيه ابتعاث للماجستير في هذا التخصص ؟؟؟؟؟؟ وياليت تعطوني فكرة عن فرص العمل في التخصص ،، وكمان ايش الفرق بينه وبين كلية الاعمال اللي في رابغ ؟ لاني استغربت لمن لقيت ان كلية الادارة اقل نسبة قُبلت 65,8 بينما كلية الاعمال برابغ اقل نسبة قُبلت فيها قرابة 82 ارجوكم تساعدوني بسرعه عشان باقي على نهاية التسكين 7 ايام وشكراً لكم

وعليكم السلام ورحمة الله وبركاته
ما شاء الله تبارك الله ربي يوفقك
أول سؤال أنا أسألك هوا قبل لا أجاوبك : 10:
هل انتا عارف النظام الجديد في الكلية إنو قسم إدارة الأعمال أصبح منفصل عن الأقسام الأخرى
يعني مو زي زمان كان النظم والموارد ... كلها تحت مسمى إدارة الأعمال
بس الآن أختلفت الأشياء وصار في أقسام كتيرة في الكلية منها (نظم معلومات إدارية -تمويل - تسويق- محاسبة - موارد بشرية - إدارة أعمال )
فإذا كنت عارف السالفه هادي وحاب إدارة الأعمال : 30:: 30:: 30:
يصير أبدأ أجاوب على اللي أعرفو : 10:
تخصص إدارة الأعمال في وجه نظري ممتاز لأنو العمل فيه راح يكون حر
+ تقدر تتوظف في وظائف مختلفة مو زي النظم أو المحاسبة أو التمويل أو الموارد
أحس وظيفتهم تقريباً محددة في تخصصهم
طبعاً لو نفسك تكون توب مرا في مجال عملك لاااااااااااازم تكون مثقف وتحوب تقرأ
عشان بعد كدا تكون مدير أو لك منصب عالي ودي المكانة ما تجي إلا بالتعليم والتثقيف
والأهم من دا كلو اللغة الجيييييييييدة : 30:: 30:: 30:
حتدرس زي باقي التخصصات العلمية في الكلية 9 مستويات راح منها 2 في التحضيري
يبقى لك 7 مستويات : 30:
وانتا بتدرس تقريبا في المستوى السادس حيكون في بعثات خارجية في فترة الصيف لمدة شهرين تقريبا للطلاب والطالبات من الكلية على بريطانيا عشان تدرسوا مادتين +انقلش والمواد هادي راح تعادل لكم وطبعا التقديم يكون للجميع بس رآح ياخدوا اللي درجاتو في الانقلش كويسه + معدلو حلو تقريبا واللي أجتاز المقابلة الشخصية : 2:

أما بالنسبة لفرص العمل زي ما قولت لك الإدارة أساس في كل مكان وممكن تعمل مشاريعك بنفسك
التخصص حيكون ممتع للي يحوب يشتغل كتير ويبدع وعندو أفكار يقدر يطبقها بعدين بنفسو
+
لا أنسى أقولك إنو مواد إدارة الأعمال أغلبها حفظ إدا مو كلها : 73:

وبالنسبة للماستر هنا في كليتنا في ماستر إدارة تنفيذي (أظن إسمو كدا)
وأخدوا عليه اعتماد أكاديمي من أول حسب ما قرأت
أما بعثات للخارج ما أعرف : 53:: 53:

الفرق بيننا وبين كلية رابغ إنو نحنا انتظام وهما انتساب وأظن يدرسو زينا بالانقلش والله أعلم

في قسم هنا في آخر المنتدى خاص بكلية رابغ تقدر تستفيد منه : 2:

ربي يوفقك لكل خير

[عازف الجامعة]

يعطيكي العافية girl.k.s.a
افدتيني جداً بكلامك
حقيقة انا اكره شئ اسمه حفظ بس المشكلة ان كل تفكيري تجاري من صغري
يعني ما عمره شدتني لا هندسة وولا طب يعني ابغى هذا التخصص بقوة

بس كل الامور اللي حولي توخوشني وتشتتني واليوم واحد اشار عليه بشئ بس المشكلة
اني ما اعرف عنه اي شئ اللي هو كلية الامير سلطان للادارة والسياحة
يقول لي انها متخصصة فيه وشهادتها اقوى من هنا

فياليت اللي عنده اي معلومه يفيدني
واشكركي مره ثانية girl.k.s.a

[عازف الجامعة]

للرفع

[Kapitano]

المشاركة الأصلية كتبت بواسطة عازف الجامعة يعطيكي العافية girl.k.s.a افدتيني جداً بكلامك حقيقة انا اكره شئ اسمه حفظ بس المشكلة ان كل تفكيري تجاري من صغري يعني ما عمره شدتني لا هندسة وولا طب يعني ابغى هذا التخصص بقوة بس كل الامور اللي حولي توخوشني وتشتتني واليوم واحد اشار عليه بشئ بس المشكلة اني ما اعرف عنه اي شئ اللي هو كلية الامير سلطان للادارة والسياحة يقول لي انها متخصصة فيه وشهادتها اقوى من هنا فياليت اللي عنده اي معلومه يفيدني واشكركي مره ثانية girl.k.s.a

ادارة الاعمال حفظ مع فهم والصراحه تخصص حلو تدرس مشاريعك واعمالك والاخلاقيات في العمل يعني مكس معلومات ما دام انك تجاري للدرجه هذه الله يحييك في ادارة الاعمال
بخصوص باقي كلامك ما فهمت شيء بس اكيد شهادة جامعة افضل مليون مرة من شهادة كلية
وبالتوفيق لك واذا حاب التخصص مرة انصحك تدخل cba يقولوا كويسه وحلوه