نقاش بسيط عن المكافآت لطلاب الإنتظام

[آمال وطموح]

بسم الله الرحمن الرحيم







السلام عليكم ورحمة الله وبركاته << لا تنسون تردون السلام


شلونكم ان شاء الله بخير


اول شي اقولكم ان مكافأة الطلاب في الجامعة عبارة عن فتافيت للمساعدة + معونة للطلاب عشان يكون عندهم مصروف + مبلغ لتوفير الكتب الدراسية

وهي لطلاب الانتظام لهذا الغرض ( وراح نطالب بإعطاء الانتساب ايضا ولكن لاحقا)

المهم مرة واحنا في المحاضرة الدكتورة قالت لنا ان المكافأة يعطونكم اياها عشان حضوركم وغيابكم واللي تحضر وتوقع لغيرها انه حضر وهو غايب تصير مكافأة الغايب حرام لإنه ما حضر !!

البنات كلهم طبعا جلسوا فاغرين

والبعض منهم تأثروا بهذا الكلام وسألوا دكتورة ثانية عن الموضوع وردت عليهم بقولها ان الكلام صحيح ماعليه غبار واللي تغيب وتخلي غيرها يحضرها رجاءا تقتطع من مكافأتها وتحط في الصندوق الجامعي المبلغ اللي اقتطعته عشان ما تاخذ شي حرام

البنات مازالوا فاغرين

طلعوا البنات وعلموا بنات من القاعات الأخرى + اعطوهم معلومة ان الدكتورات هم من الدراسات الإسلامية

زاد عدد البنات الفاغرين <<

قبل فترة كان نقاشنا عن هذا الشي اللي هو موضوع انه اللي تحضر صديقتها تاخذ مال حرام والخلاصة اللي طلعنا فيها ان المكافأة مالها دخل في الحضور والغياب

تم اقتناع الجميع بهذا الموضوع بأسباب منطقية

1- اذا كانت المكافأة من أجل حضور الطالب وغيابه لماذا يتم سحبها من حساب الطالب اذا لم يستخدمها خلال 3 شهور

2- لماذا حددت الجامعة للطالب فترة زمنية للغياب بدون عذر .. إذا كانت تحاسبه بالمكافأة !!

3- كلام الدكتورات ولو كانوا من قسم الدراسات ليس قرآن منزل ولا حديث مرفوع

الخلاصة: الحضور والغياب على مسؤولية الطالب وأمانته وليس لها علاقة بالمكافآت

[زمردة 2009]

وعليكم السلام ورحمة الله وبركاته

رهيب التحليل الي حللتيه والله بالنسبه للإنتساب أنا أشوف لو على الأقل يعفونهم من الرسوم محد يبي مكافأتهم لإنه ماعندهم إلا الضعوي

أماحنا والله ماسمعت هالشي إلا تو وأهم شي تحليلك آخر شي =) يعني لو بحسب كم بنت حضرتها وكم بنت حضرتني

بحول المكافأت كلبوها على صندوقهم حشى والله هذا الي ناقص

[عموريAHLI]

اقدر اقول مع نفسكم ياجامعه الملك عبدالعزيز

العالم صارت تفتي بكيفها

ماعمري فكرت في الحضور والغياب من اجل المكافآة

بالعكس تفكيرنا انه نجمّع حضور لين نهاية الترم واخر شهر نبدأ نغيب

شكرا لكِ على الفتاوى

[rude.d]

والله دكاتركم كيسهم وفـير

[Sulaf Almaz]

يعني مثلاً مثلاً كأنها بتقول الله يخليكم لا تحضروا غيركم
مع اني اكره دي الطريقة
لكن مش معناتو تقول حاجة زي كدا

[حلا الحلوه]

قولتيلي المبلغ الي تقتطعو تحطو في صندوق الطالب ها ؟!! :s

كل واحد عقلو في رأسو يعرف خلاصو

شاكره لك ^_^

[الصقر 02]

نعم نعم هذا صحيح

وأي وحده حضَرت صاحبتها وأنَبها ضميرها

انصحها بأن تقتطع من مكافأتها وترسلها على حسابي عشان ما تآخذ فلوس حرام


تقتطع من المكافأة أجل ..!

ربَما يكون كلامهم صحيح << لا أحد يحقد علي تكفون انا قلت ربَما

عموما يبغالنا نسأل احد المشايخ

وبالتوفيق

[samya]

هههههههههههه اش الفتاوي الحلوه دي
سلامات؟!
والله محسسينا أننا ناخذ 2000 أو اكثر ههههههههه يدوبك تروح في الكتب ونعمه لو بقيلك 10 ريال تتفرج فيها هههههه
بعدين كيف ذولا يحللو ويحرمو ع كيفهم

بس عجبتني التحليلات الاخيره :)

[خالد9921]

وعليكم السلام ورحمة الله وبركاته

اول شي اقولكم ان مكافأة الطلاب في الجامعة عبارة عن فتافيت للمساعدة + معونة للطلاب عشان يكون عندهم مصروف + مبلغ لتوفير الكتب الدراسية

ورغم عدم مجاراتها للمتغيرات الاقتصادية وبعض الزملاء يعانوا
لكن يُشكرون عليها ..

وهي لطلاب الانتظام لهذا الغرض ( وراح نطالب بإعطاء الانتساب ايضا ولكن لاحقا)

لا خطوه غبيه يخلوا الرسوم زيرو مع الف كل ترم للمنتسب وخلاص !

المهم مرة واحنا في المحاضرة الدكتورة قالت لنا ان المكافأة يعطونكم اياها عشان حضوركم وغيابكم واللي تحضر وتوقع لغيرها انه حضر وهو غايب تصير مكافأة الغايب حرام لإنه ما حضر !! البنات كلهم طبعا جلسوا فاغرين

لا كلام خاطئ ومع احترامي مردود على دكتورتكم
وواضح انها قالت كذا عشان تبني الفكره اللي بتجي تحت !
انا شخصياَ مستعد اسحب سيفون من اليوم لين نهاية السيمستر
وشهرياَ حتنزلي المكافئه
حيقولي أحد طيب بعد الترم حتاخذ DN بكل المواد وتنحرم
حأقوله عادي منزل موادي عند دكاتره متساهلين بالتحضير للآخر
والشباب يعرفون إن فيه دكاتره ما يحضروا وقمة الفله ..

والبعض منهم تأثروا بهذا الكلام وسألوا دكتورة ثانية عن الموضوع وردت عليهم بقولها ان الكلام صحيح ماعليه غبار واللي تغيب وتخلي غيرها يحضرها رجاءا تقتطع من مكافأتها وتحط في الصندوق الجامعي المبلغ اللي اقتطعته عشان ما تاخذ شي حرام

برضوا مع احترامي للمره الثانية
يا كرهي للمُعلّمة اللي تلعب بعقول الطالبات حلاوه بشكل مرره بدائي !
الحين هي تلوم الطالبات اللي يحضروا زميلاتهم
لا وتطلب منهم كمان يحللوا انفسهم بدفع فلوس ماهي للغياب اصلاَ ؟


سؤال وجيه التحضير مسوؤلية الطالبه والا الدكتوره يا دكتوره !!
كيف يا مُهمله تخلين الطالبات يحضروا انفسهم ولا انتي داريه عن الكشف !
هاذي مسؤولية عضو التدريس
طالما حضرته
مسوي متعاون اول الترم في اجتماع هيئة التدريس المعروف اول كل ترم
وقال بشدد معكم عالغياب لانو يطلبوهم هالطلب اقسام المواد
ف تحمّل المسؤولية واشتغل شغل مسلمين
حضرهم انت بصوتك لو 100 طالبة كمان والا لا تشيل مسؤولية !

كلام جداَ أحمق لأن بإختصار هاذي مسؤولية الدكتوره
حلوه ذي فين عينها طيب عن كشف التحضير والا ما تبي صوتها ينبح ؟؟
لذي الدرجة وصل جهل المسؤوليات حتى عند دكتورات ؟؟!!

كلام فارغ تضحك عالبنات كلّه عشان ما يغيبوا وتتفشل حضرتها قدام قسم مادتها
او زميلاتها ان طالباتها ساحبين على كلاسها !!
والدكتوره المُهمله لمسؤوليتها اللي قطعتها على نفسها امام الجامعة بخصوص التحضير
هي اللي تستقطع من راتبها جزاء غضها الطرف عن التحضير والكشف !

3- كلام الدكتورات ولو كانوا من قسم الدراسات ليس قرآن منزل ولا حديث مرفوع

كلامهم حل لمشكله ولكن حل مُخادع وكاذب وأحمق في آن واحد !
إحترموا عقول الأجيال .. !

مشكوره اختي

[آمال وطموح]

المشاركة الأصلية كتبت بواسطة زمردة 2009 وعليكم السلام ورحمة الله وبركاته رهيب التحليل الي حللتيه والله بالنسبه للإنتساب أنا أشوف لو على الأقل يعفونهم من الرسوم محد يبي مكافأتهم لإنه ماعندهم إلا الضعوي أماحنا والله ماسمعت هالشي إلا تو وأهم شي تحليلك آخر شي =) يعني لو بحسب كم بنت حضرتها وكم بنت حضرتني بحول المكافأت كلبوها على صندوقهم حشى والله هذا الي ناقص

بالضبط كذا وبعدين مستحيل تقارن موظفه نفسها بطالبة

القانون اللي يعاملون فيه الموظفين " الغياب بدون عذر يخصم من الراتب "

بمعنى اذا كانت غايبة وأحد حضرها هنا يصير مالها حرام لإنه الراتب اصلا عشان حضورها وهذا اساس وظيفتها (الحضور)