رحلتـــي باختصار!!

[dr.CILIA]

السلام عليكم ورحمة الله وبركاته

كيف حالكم أخواتي وأخواني أطباء وطبيبات المستقبل

الله ييسر اموركم جميعا

بصراحه الموضوع كان اقتراح من احد أخواني في المنتدى- الله يجعله في موازين حسناته-
اني افتح هذا الموضوع للفائده عباره عن مجموعه من الأسئله تثار في ذهن كل مقبل أو دارس في كلية الطب واذا عندكم أي استفسار أو اضافه على الرحب والسعه وان شاءالله أكون عند حسن ظنكم...


- لماذا اخترتي مجال الطب ؟

كل منا تراوده احلام في صغره منها مايمكن تحقيقه ومنها مالايمكن وهذا يكون بتوفيق الله عزوجل وارادته اولا ثم عوامل اخرى
سبحان الله من يوم ماكنت صغيره وانا نفسي اكون طبيبه لدرجة ايام ماكنت في مرحلة التمهيدي كنت اسوي عمليات لصحباتي بس طبعا على طريقتنا الخاصه فطلع علي لقب دكتوره بس كانت الشغله لعب واستهبال طبعا!!
في المرحلة المتوسطه قدر الله ان يمرض خالي -بالخبيث- اجارنا الله واياكم وطبعا كانت رحلة معاناه الله يرحمه ويكتبها في موازين حسناته بدأت الفكره تترسخ في بالي(اني اكون طبيبه) وسرت اسأل يعني معقول هذا المرض ماله علاج وسرت اسأل في كل خطوه يعملوها ليه كدا ؟؟ بعدها خلاص عزمنا على الفكره واخترنا التخصص كمان حماااااااااس
ايام الثانوي الوالد والوالده ساعدوني -ومازالوا الله يعطيهم العافيه-والحمدلله ربنا يسر ودخلت طب طبعا كان هدفي الاول والاخير اعرف هذا المرض اللي توفى به خالي واتضحت فكرته لمن وصلت سنة ثالثة طب...

.
.
.
يتبع

[dr.CILIA]

كيف تخيلتي الطب قبل دخوله ؟ وكيف وجدتيه الآن ؟ وماذا يعني لكِ ؟

كنت بس ابغى ادخل الطب بغض النظر عن ايش فيه وايش مافيه-وهذا غلط كبير مني- المفروض مرحلة مهمه زي هذي الواحد يخطط لها مزبوط ويسأل عنها تمام ويقيس نفسه فيها هل ينفع ولا لأ المهم اللي كان في بالي انه مو صعب ولاسهل بس يحتاج شوية مجهود وقلت الله يعين ان شاءالله
اما كيف وجدته الان!! طبعا يختلف تماما عن اللي كنت اتصوره تماااااااماااا في البداية مااتخيلت اني ممكن ادرس كتاب من500 صفحه وطالع وكمان بالانجلش !! من جد انا ماكنت اعرف احد اكبر مني في نفس الجامعه وكانت الشغله مع سهولتها انواع الحووووووسه بالنسبه ليا
بلاوي كثير كانت في اول سنه وطبعا الدرجات انواع الاحباط لدرجة صار عندي تبلد من كثر مايأست
وطبعا سنه ورا سنه يزداد تأنيب الضمير وانا ايش اللي عملته في نفسي؟ ايش الرميه دي؟ ماكنت راضيه عن شي لاعن مستوايا ولا عن دوامي ولا عن دراستي ولا عن حياتي من جد السنوات الاولى كانت جدا سيئه ماكنت قادره اتأقلم خصوص ان الدراسه كمان كانت بس نظري ومعامل يعني مافي شي طبي مافي اللي انا داخله عشانه!!
في في الثلاث سنوات الاخيره لقيت اللي كنت ادور عليه لقيت الطب اللي دخلت عشانه وطبعا دحين ورغم كل التعب اللي انا فيه والتقفيل اللي من كل مكان الا إنه دعوه من مريض ادخل له تنسيني كل شي ودحين لو ايش يصير مستحيل اتراجع<< طبعا لسه في مجال للتراجع خاصة انه الدكاتره يقولو انتو لسه في البدايه
.
.
.
يتبع

[JuStice]

.

أخيييرًا د.سيليا نزلتي الموضوع (:

واللهي يوميًا أدخل القسم أشوف الموضوع نزل ولا لأ .. والحمدلله الصبر مفتاح الفرج ,

بانتظار التكملة على أحر من الجمر وحبذا لو كان التفصيل شديد وممل ^_^"

.

[د/ روميو]

تشكراتي يادكتورة ..على المبادرة ...

ويشكر العضو اللي حمسك لهادي الفكرة ....صراحة استفد ايمها استفادة ...(:

تحياتي لك ولتجربتك ...
وبالتوفيق ان شاء الله ...

[خيالك]

واااااااصلي بقلمك الذهبي يا دكتورة متحمسون بفارغ الصبر

[Heba EB]

ماشـاء الله ..

رحـلة موفقة دكتورة
يـبارك فيكِ

بصراحة كثيـر أسمع من زميلاتي اللي في الطب
إنهم ندموا انهم دخلوا طـب ، وتعبوا نفسهم < نقلاً منهم

وبالنسبة لي كتخصص لازلت محتـارة ..


متابعيــن يادكتورة :)

[miss baby]

متــــــــــــــــ~ــابعهـ







:)

[dr.CILIA]

اعتذر عن التأخير غير المقصود
justice: اشكرك على المرور ويعطيك العافيه على حماااسك ان شاءالله اكون عند حسن ظنك انا اتأخرت عشان الامتحانات بس الحمدلله نزل الموضوع وبالنسبة للتفصيل اكتر من كدا احس ممكن يكون الموضوع ممل ولا انا عندي حكاااوي كتيييييييييير..

د/روميو وخيالك وهبه وmiss baby اشكركم على المرور ومنورين..

[dr.CILIA]

- ما أصعب ما واجهتيه في دراسة الطب ؟

طبعا في صعوبات كثيره في هذا المجال واصعب شي كان بالنسبة لي هو تعثري الدراسي مع بداية مشواري بصراحه السالفه اني لمن دخلت الجامعه ماكنت عارفه ايش المطلوب مني وكيف نظام الامتحانات وفرحتي بقبولي في الطب نستني ايش المطلوب مني اني اعرفه وحتى ماكنت احب استفسر من اصحاب الخبرات (قلك معتمده على نفسي) الى ان قدر الله اني اطلع بدور ثاني في مادة الفيزياء في سنه اولى وكمان بصراحه انا كنت -ومازلت- انسانه احب اللعب مرره يعني اي شي ممكن يشغلني عن مذاكرتي وكمان انا مااحب اصلا ...
وبالرغم من انه كان المنهج جدا سهل كله منهج الثانوي وكنت اصلا احب الفيزياء بس في احد يدخل اختبار وهو مو مذاكر ولا حافظه ولا قانون؟!! طبيعي يعني يرسب بس طبعا مرررره انصدمت وبكيت وزعلت وذاكرت وجبت في الدور الثاني فل مارك
فائده: المذاكره شي اساسي في حياة طالب الطب حتى بالرغم من انه الدراسه اغلبها عملي ودايما الاعمال تكون مكتسبه بس الدكاتره ينصحونا بالقراءة يوميا مالايقل عن 4 ساعات
.
.
.
يتبع

[dr.CILIA]

- كيف كانت كل سنة من سنوات دراسة الطب وأين مكمن الصعوبة فيها ؟

سنة اولى:بشكل عام كانت فضاااوه وطووول اليوم في الكافتيريا ونفرك من الدوام بدري ولعب وسواليف ومغامرات -ان شاءالله المغامرات باحطها في موضوع منفصل لاحقا- طبعا بداية السنه انواع التوهان بس مع الايام اتعودنا
ايام المدرسه كنت قريبه جدا من استاذاتي وهذا الشي كان محببني في دراستي بس من يوم مادخلت الجامعه حسيت هذي النقطه مو موجوده يمكن بحكم ان الدكاتره اصلا مشغولين غير ان اغلبهم كبار عن سننا وكمان عدد الدفعه كبير جدا فأفتقدت هذي الشي واذكر اني اول يوم بدأنا ناخذ فيه محاضرات-طبعا احنا بدأنا اول 6 اسابيع بس انجلش ماكان في محاضرات- المهم اول يوم سخنت
وكمان زي ماذكرت سابقا الموقف اللي تعرضت له!!!

سنة ثانيه:كانت سنه خفيفه بس صعوبتها في مادة الكيمياء الحيويه ماده دسمه ومافي بصراحه عندنا دكاتره يشرحوها تمام الغالبيه يجيبوا النوم وطبعا اي كيمياء في العالم يبغالها مخ مفتح مو نوم في سنة ثانيه بدأنا شويه نعمل اشياء الدكاتره يعني نقيس الضغط ونسحب دم واشتريت اول سماعه

سنة ثالث: عنق الزجاجه1 كانت سنة السباق مواد كثير ومعلومات كثير واحسها جدا مهمه كاأساس لطلبة الطب ملياااانه معلومات وامتحانات والدوام طويل واعصاب الواحد تفلت منه
بس الحلو فيها ان الواحد ينجبر انه ينظم وقته عشان يقدر يلحق ولو فلتت منه السنه ماحيطلع للكلنيكال(الجزء العملي اللي يبدأ من سنه رابع) فكان الحماااس شغال مزبووط

سنة رابع:اول سنه في جزء الكلينيكال وقتها من جد تحس انك دكتور ينادوك دكتور و تنزل المستشفى وتتعامل ع المرضى يعني سنه تمام حتى موادها قليله وفي وقت لكل شي يمكن صعوبتها في البداية عشانها مرحله جديده كمان التعامل مع المرضى مو سهل والدكاتره طبعا يتغيروا تسير نتعامل مع بروفيسورين وعالم تاني ناس على قدر من العلم والاخلاق-الاغلبيه منهم- مشكلتهم انهم يغونا ناس دوافير ومايعجبهم اي معلومات ويبغوا الملومات ومن فين مصادرها -يعني شغله- وبدأنا نتعلم مهارات الفحص وطبعا مافي احد في العياه سلم من يدنا

سنة خامس: عنق الجاجه2 اوووووووووووووووووووووووووووووووه سنه كبيسه بمعنى الكلمه الدكاتره يبغونا نخرج منها دكاتره جاهزينكأنه مافي سنه بعدها وكمان موادها جدا كثيره وكل شويه اختبار-كنا نقول احنا النفس عندنا كان شهيق >اختبار>زفير >اختبار...وهكذا ويبدأو الدكاتره يرتقو معانا في المعلومات ويطالبونا بمعلومات كثيره واحنا اصلا ماعندنا وقت ويقولولنا خلاص انتو دكاتره ماباقي شي ع التخرج كانت من جد سباق وجاني فيها الضغط -من جد-

سنة سادسك احلى سنه بالنسبة لي راحه من ناحية الدرسه يعني في وقت لكل شي صح الدوام هلاك بس حلو يعني يعطونا اشغال لازم نخلصها في اليوم هذا فنقعد احيان ارجع البيت في العشاء او الساعه 11 يعني مو مشكله بس مشكلة هذي السنه التدقيق في الامتحانات من الدكاتره طبعا عشان تخرج وماعندهم يمه ارحميني على قولهمu r 6th year NO execuse
اللي يقلق في هذي السنه وممكن ماانام بسببه التفكير والخوف خو من الحاضر وخوف من المستقبل
من الحاضر,, يعني انا ايش لازم اعمل دحين؟ هل انا ماشيه صح في المذاكره؟ هل هذا مطلوب مني ولا من الناس الاكبر مني؟
من المستقبل ,, انا كم حأجيب معدل ؟فين حأروح بعد كدا؟ ايش اتخصص؟ وهل انقبل ولا لأ؟ سنة الامتياز ايش وضعا ؟كيف اناوب لوحدي؟

ادعووووولي الله ييسر
. من جد ارتفعت حرارتي يوم بدأت الدكتوره تشرح بالانجليزي وكان كله انجليزي وكمان ورتنا الكتاب ماقدرت اتحمل هول الموقف
.
.
يتبع