جامعة جدة فرع خليص

[Hez]

السلام عليكم ورحمة الله وبركاتو


ياجماعه الربع اتمنى احد يقولي و يفهمني لاني مرا ماني فاهمة وحايسة حوسة الدنيا

دحين قبلوني بجامعة جدة فرع خليص و انا قاعدةة اقرا عنها بالمواضيع قايلين انو مافيها تحضيري يعني مواد عامه وعلى طول اتخصص ف كلية العلوم و الاداب

وانو في تعهد يدولك هوا انك ماتطلبي نقل لفروع الجامعه يعني لازم تخلصي ال4 سنوات بخليص !!!!!!!!!!!!!

دا الكلام شفو ف موضوع هنا من 2011

وانا قبل اسبوعين يمكن او اقل رحت لجامعة جدة فرع الشرفية سالتهم في اماكن شاغره انقل لكم قالو والله خلصت الاماكن بس تقدريي بعد ترم تجيبي معدل و تنقلي عندنا


و لو من جد لسى حركة مانقل دي من فرع لفرع ف الجامعه تنطبق ع التحويل الخارجي ؟؟


عشان مواد السنة الاولى لفرع خليص نفسسسسسسها مواد تحضيري جامعة جدة فرع الشرفيه و نفسسسسسسسها مواد السنة التحضيري ف عزوز وانا ابا انقل بعد سنه

والله ياجماعة مرا زعلانه انا نفسي ادخل تغذية اكلينكية و قبل شوية قريت موضوع خليص دا انقهررت من قلبي

ف ياريت احد يفهمني الوضع

[Hez]

واذا خلصت ترم ف خليص وجبت معدل و طلبت نقل للشرفية و نقلوني اقدر نهاية الترم التاني اطلب تحويل خارجي ولا لا يعني طلب التحويل مره يعني احسن اجلس فخليص كل السنة بعدها تحوبل خارجي


و شكرا
,,

[Hez]

بليز يعني المشاهدات 143 ولا نص رد ولا بلغلط ياهو :( شدعوه يبه ابتسامه

[نواف بن فهد]

وعليكم السلام

والله ياختي سالفة النقل بين الفروع معقد جدا >> جربتها وعانيت فيها 6 شهور عشان احول -.-
لكن حاولي فيهم هذي الفتره اذا فيه شواغر بجدة او جامعة الملك عبدالعزيز..

وترا الواحد يدخل الجامعة على تخصص برأسه ويتخرج بتخصص ثاني ماكان يتوقعه

[بشرى المرعشي]

السلام عليكم ورحمة الله وبركاته
انا من طالبات كلية خليص

الا فيه تحضيري لازم تدرسيه واذا عندك اي استفسار تفضلي

[بنت ناس وقلبي ألماس]

عليكم السلام ورحمة الله وبركاته

جامعة جدة فيها تحضيري وبعد ما تخلصي منه تتخصصي في التخصص والفرع اللي تبغيه من فروع جامعة جدة

أما للتحويل إلى جامعة الملك عبد العزيز انتظري لما يفتح التحويل الخارجي إلى جامعة الملك عبد العزيز

وتم نقل موضوعك للقسم المناسب - ملتقى المسار العلمي انتظام

[فاتحة]

حبيبتي الكلام اللي شفتيه حق 2011 وقتها خليص كانت تابعة لجامعتنا
سنة 2014 انفصلت عن الجامعة وصارت تبع جامعة جدة رسمياً . ماينطبق عليه ذا الحكي وانتهى زمانه
جامعة جدة ما فيها الإ كلية العلوم وكلية الحاسبات .. لو تبي تخصص التغذية السريرية قدمي تحويل خارجي لجامعة الملك عبدالعزيز
والقبول في التخصصات الصحية سنوي مو فصلي زي باقي الكليات

[Hez]

شكراً الله يسعدكم