وش رايكم !!

[رايــــــــــــق]

صباح الخير

أنا يا شباب و يا صبايا أنشالله بأخذ ترم صيفي و معدلي طايح و ناوي ارفعه شوي

و اللي ابيه منكم الله يطول عماركم تعطوني رايكم في المواد اللي انزلها بحيث اني اقدر ارفع المعدل يعني مواد سهلة و مضمونة و عند اي دكتور .


و الاستفسار الثاني:

هل يا شباب اقدر اخذ اكثر من 9 ساعات في الصيفي عشان اتخرج الترم اللي بعده ؟

و مشكورين على جهودكم و حرصكم على مساعدة اخوانكم


تحياتي

[رايــــــــــــق]

^^^

تكفون يالربع عطوني وجه

تراني واحد من عيالكم و لازم تتحملوني


اللي عنده اي إفادة لا يبخل علي الله يوفقه و يوفق الجميع

[سطام الشتوي]

اخذت موادك الحرة او لا
وكم باقي لك من ساعة وتتخرج

[رايــــــــــــق]

هلا بك حبيب قلبي سطام

انا يا طويل العمر خلصت 87 ساعة و انا على الخطة القديمة و لكن طالع عندي في الخطة الدراسية ان عدد الساعات المطلوبة للتخرج 131 يعني الخطة الجديدة

و من ناحية المواد الحرة لا والله يا يا سطام ما اخذت شي منها و اتمنى انك توجهني و تراني محتااااج لمساعدتك الله يستر عليك و يوفقك دنيا و اخرة

تقبل تحياتي و تقديري

[سطام الشتوي]

بالنسبة للخطة الموجودة في الادوس او موقع الكلية هي الجديدة
لكن اذا كنت مخلص الرياضيات والاحصاء والبحث العلمي من زمان لما كانوا بـ 3 ساعات مهناها ان تخرجك يكون على 128 ساعة وانصحك تروح الجمعة للشؤون التعليمية وتطلب خطة طالب وتعرضها على مشرف الانتساب عشان يعادل موادك وتعف ايش لك وايش عليك

بخصوص المواد الحرة
انصحكك بـ
ادارة الجودة في الاجهزة الحكومية
ادارة العلاقات العامة


بالتوفيق ان شاء الله

[رايــــــــــــق]

المشاركة الأصلية كتبت بواسطة سطام الشتوي بالنسبة للخطة الموجودة في الادوس او موقع الكلية هي الجديدة لكن اذا كنت مخلص الرياضيات والاحصاء والبحث العلمي من زمان لما كانوا بـ 3 ساعات مهناها ان تخرجك يكون على 128 ساعة وانصحك تروح الجمعة للشؤون التعليمية وتطلب خطة طالب وتعرضها على مشرف الانتساب عشان يعادل موادك وتعف ايش لك وايش عليك بخصوص المواد الحرة انصحكك بـ ادارة الجودة في الاجهزة الحكومية ادارة العلاقات العامة بالتوفيق ان شاء الله

هلا بك سطام

ايه خلصت المواد اللي ذكرت

سطام يعني عادي اخذ المواد الحرة قبل الاختيارية ؟


انا عارف اني قلق و ما انعطى وجه و لكن تحملني يا خوك شوي و لك مني صادق الدعاء

[سطام الشتوي]

تقدر وانت حر

ولا ازعاج ولا شي

بالعكس كلنا في خدمة بعض باللي نقدر عليه

اخوك

[رايــــــــــــق]

المشاركة الأصلية كتبت بواسطة سطام الشتوي تقدر وانت حر ولا ازعاج ولا شي بالعكس كلنا في خدمة بعض باللي نقدر عليه اخوك

الله يبيض وجهك اخوي سطام و مشكور على توجيهنا و إرشادنا و اشكرك على دماثة اخلاقك و تعاملك الراقي

اتمنى من الله ان يوفقك و يوفق الجميع و انا يجمعنا بك في جنات النعيم

[رايــــــــــــق]

up

up