لو زوجك عرض عليكي ؟؟

[haneen k]

المشاركة الأصلية كتبت بواسطة gzl gzlan لا والله اخد فلوسو واتزوج بيها الطلاق خليه اخر خطوه لانو جاي جاي ياماما الزواج ممكن يبغى يثبت لنفسه انو قوي شوفي الرجل تربية امو خدي منها الزبده اشتغلي ع نفسيته بس

في وحدة جابوها في الاخبار دي من جد بنت ابوها و هوا ولد امو

كان يتسلف منها وتكتبوا كمبيلات المهم هي البنت كاش

و فجاءة ملعنة رجال يبى يطلقها قالت لشيخ يبغى يطلق يدفع 700 الف الي عليه

ههههههههههههه و ربي تلقيه يدعي على الي قالوا طلق زوجتك

و بصراحة ولد امو دا انا مايعجبني زي النونو كل ماصار شئ ماما ماتعملي ماما سوتلي وجع يقهروني

[sara a7md]

انا عن نفسي مهما عرض علي من مبلغ مستحيل ارضى ب هالشيء يا يكون لي لوحدي يا يتزوج الثانية وانا بطريق وهو بطريق حتى لو كان يحبني ما ارضى احد يشاركني فيه وعموما اغلبهم ماسكين عبارة الشرع حلل اربع ما اختلفنا بس مو معناتو انو لازم اتزوج اربع وبالنهاية يختلف من رجل لرجل في رجال يموتو بحريمهم ومايشوفو غيرها والبعض يحبها ويبغى غيرها عموما الله لايحط احد ب هالموقف يارب وتعيش كل وحدة متزوجة حياة سعيدة مع زوجها

[gzl GZLAN]

المشاركة الأصلية كتبت بواسطة sara a7md انا عن نفسي مهما عرض علي من مبلغ مستحيل ارضى ب هالشيء يا يكون لي لوحدي يا يتزوج الثانية وانا بطريق وهو بطريق حتى لو كان يحبني ما ارضى احد يشاركني فيه وعموما اغلبهم ماسكين عبارة الشرع حلل اربع ما اختلفنا بس مو معناتو انو لازم اتزوج اربع وبالنهاية يختلف من رجل لرجل في رجال يموتو بحريمهم ومايشوفو غيرها والبعض يحبها ويبغى غيرها عموما الله لايحط احد ب هالموقف يارب وتعيش كل وحدة متزوجة حياة سعيدة مع زوجها

مدري وشك بوشو 30 40 50 60 سنه
هههه مؤبد والله كلو وحده لها وجهة نظر
انا أمِّل يمكن الكلام دا في السنوات الاولى لكن بعد كدا يووووه كل واحد يبغى الفكه من التاني هههه
احس العرض الي فوق مريح نوعا ما

[نايف العبدلي ^]

المشاركة الأصلية كتبت بواسطة haneen k معليش الاسلام حلل انو يتزوج اربعة بس انو يعدل بينهم , مو يتزوج اتنين ويجلس عند دي 10 ودي يومين انا صحبتي متزوجة واحد متزوج يجلس 4 ايام عند دي و 3 ايام عند دي , فين العدل صح انو حلل 4 بس فيه شروط مو يتزوج وخلاص

ارجع وأقول أصابعك مو زي بعض .. وذكرت هذا النقطة في ردودي السابقة ..

( والرجل بصفة عامة مو حكر للمرأة هذا زواج مو تملك شخصي لا تسافر لا تتزوج لا تطلع مع ربعك لا تروح عند زوجتك الثانية أو الثالثة أو الرابعة )

واكرر للمرة الأخيرة .. أصابعك مو زي بعض يختلف أسلوب رجل عن رجل .. وغير كذا بعضهم ما عنده مخافة من الله .. مافي عدل لكن تعتبر هاذي العينة نقط في بحر .. والله المستعان ..

تحياتي ..

[gzl GZLAN]

المشاركة الأصلية كتبت بواسطة نايف العبدلي ^ ارجع وأقول أصابعك مو زي بعض .. وذكرت هذا النقطة في ردودي السابقة .. ( والرجل بصفة عامة مو حكر للمرأة هذا زواج مو تملك شخصي لا تسافر لا تتزوج لا تطلع مع ربعك لا تروح عند زوجتك الثانية أو الثالثة أو الرابعة ) واكرر للمرة الأخيرة .. أصابعك مو زي بعض يختلف أسلوب رجل عن رجل .. وغير كذا بعضهم ما عنده مخافة من الله .. مافي عدل لكن تعتبر هاذي العينة نقط في بحر .. والله المستعان .. تحياتي ..

هههه
والله العبدلي بيبذل جهود مضنيه لاقناعنا بالتعدد
مدري يمكن نقتنع بس اقلها الفكه وما يكون فوق راسك نقنقه يعني كل شي وله سلبيات وإيجابيات
بس ياترى هل حينتبه ازا المشاعر بدات تنحى الى طريق آخر

[نايف العبدلي ^]

المشاركة الأصلية كتبت بواسطة gzl gzlan هههه والله العبدلي بيبذل جهود مضنيه لاقناعنا بالتعدد مدري يمكن نقتنع بس اقلها الفكه وما يكون فوق راسك نقنقه يعني كل شي وله سلبيات وإيجابيات بس ياترى هل حينتبه ازا المشاعر بدات تنحى الى طريق آخر

هههههههههههه .. لا والله مو عشان أقنع أحد وبعدين انا ما جبت شئ من عندي هذا كلامي الله ورسوله .. بس أوضح الصورة لبعض الناس اللي تشوف الموضوع من منظور واحد =)

ونقول الله يرزق سعيد بسعيدة :)

[شموسه العالم]

صراحة انا لو عرض علي اخذ الملايين واريح بالي لكن ما اخلعة يعني بالمختصر المفيد الرجال بيكون عندي (ستارة باب )

[gzl GZLAN]

المشاركة الأصلية كتبت بواسطة شموسه العالم صراحة انا لو عرض علي اخذ الملايين واريح بالي لكن ما اخلعة يعني بالمختصر المفيد الرجال بيكون عندي (ستارة باب )

ستارة باب
قصدك ظل راجل ولاظل حيطه
عادي لكي مطلق الحريه المهم الانسجام

[شموسه العالم]

المشاركة الأصلية كتبت بواسطة gzl gzlan ستارة باب قصدك ظل راجل ولاظل حيطه عادي لكي مطلق الحريه المهم الانسجام

هههههههههههه هذا مثل قوي ينضرب عندنا بالطائف

[WARM HEARTED]

السلام عليكم
ارجو تقبل وجهة نظري
بغض النظر عن الفلوس

اعتقد انه اكثر من 80 في المية من الرجال لديهم الرغبة في الزواج على الاقل من الثانية. وهذا هو الواقع . ولااااااازم نرض بالواقع.
طيب يعني ابوك واخوك بيكونو من هذه النسبة. خلونا نركز شوية على الاب.
جاء ابوك وكلمك بكل صراحة يابنتي جاوبيني بكل صراحة باللي يسالك الله عنه.
ايهما افضل اني اتزوج على امك الثانية ولا الف وادور على امك.
ايش بيكون جوابك بكل امانة؟؟

وتاكدي ان من لديه الرغبة في الزواج على زوجته - ركزي على النسبة وعلى الواقع- وهو مايقدر يصارحها او ماعنده امكانية وما عنده دين يردعه فاعتبري نفسك بتشوفي دعاية نشافة سامسونج في اللف والدوران.
طيب طلبتي الطلاق او الخلع اخاف ترجعي لشخص يدخل في نسبة 80 في المية. المرة ذي حتكون الدعاية غير.

تقبلوا مروري.